Cofnodion busnes os ydych yn hunangyflogedig
Pa gofnodion i’w cadw
Bydd angen i chi gadw cofnodion o’r canlynol:
- yr holl werthiannau ac incwm
- yr holl dreuliau busnes (yn agor tudalen Saesneg)
- cofnodion TAW os ydych wedi’ch cofrestru ar gyfer TAW
- cofnodion TWE (yn agor tudalen Saesneg) os ydych yn cyflogi pobl
- cofnodion am eich incwm personol (yn agor tudalen Saesneg)
- eich grantiau, os ydych wedi gwneud hawliad drwy’r Cynllun Cymhorthdal Incwm Hunangyflogaeth – gwiriwch faint a dalwyd i chi os gwnaethoch hawliad
Pam ydych yn cadw cofnodion
Nid oes rhaid i chi anfon eich cofnodion pan rydych yn cyflwyno’ch Ffurflen Dreth, ond mae’n rhaid i chi eu cadw fel y gallwch wneud y canlynol:
- cyfrifo eich elw neu golled ar gyfer eich Ffurflen Dreth
- eu dangos i Gyllid a Thollau EF (CThEF) os gofynnir amdanynt
Mae’n rhaid i chi wneud yn siŵr bod eich cofnodion yn gywir.
Cadw tystiolaeth
Mae mathau o dystiolaeth yn cynnwys:
- pob derbynneb ar gyfer nwyddau a stoc
- cyfriflenni banc, bonion llyfr siec
- anfonebau gwerthiannau, rholiau til a slipiau banc
Os ydych yn defnyddio cyfrifyddu traddodiadol
Yn ogystal â’r cofnodion safonol, bydd rhaid i chi hefyd gadw rhagor o gofnodion fel bod eich Ffurflen Dreth yn cynnwys:
- yr hyn sy’n ddyledus i chi ond nad ydych wedi’i gael eto
-
yr hyn rydych wedi ymrwymo i’w wario ond nad ydych wedi’i dalu eto, er enghraifft rydych wedi cael anfoneb ond heb ei thalu eto
- gwerth y stoc a’r gwaith ar y gweill ar ddiwedd eich cyfnod cyfrifyddu
- eich balans banc ar ddiwedd y flwyddyn
- faint yr ydych wedi’i fuddsoddi yn y busnes yn ystod y flwyddyn
- faint o arian yr ydych wedi’i dynnu at eich defnydd eich hun