Adfywiad gwerth £10.95 miliwn yn Rhuthun
Dyfarnwyd £10.95m i Gyngor Sir Ddinbych gan y Gronfa Ffyniant Bro i gefnogi datblygu 10 prosiect yng Ngorllewin Clwyd.
Mae dau prif ran i raglen Ffyniant Bro Gorllewin Clwyd.
Diogelu Treftadaeth a Lles Unigryw Rhuthun
Bydd y cyntaf yn canolbwyntio ar ddiogelu treftadaeth a lles unigryw Rhuthun trwy welliannau i dir cyhoeddus ac adfywio adeiladau hanesyddol a thirnodau.
Bydd y cyllid yn cyfrannu at welliannau:
- Sgwâr San Pedr
- Clasordai ac Eglwys San Pedr
- Tŵr Cloc Rhuthun
- Carchar Rhuthun/46 Stryd Clwyd
- Tŷ Tref Nant Clwyd-y-Dre
- Parc Cae Ddol
Bydd y gwelliannau’n cynnwys:
- Llwybrau a ffyrdd gwell i draffig a cherddwyr
- gwelliannau i hygyrchedd
- atgyweirio ac adfer deialau’r cloc
- mynediad newydd i Garchar Rhuthun rhestredig gradd 2*
- cysylltedd gwell rhwng y parc a chanol y dref
Diogelu cymunedau gwledig Rhuthun a’r ardal gyfagos
Bydd yr ail linyn yn canolbwyntio ar ddiogelu cymunedau gwledig a lles Rhuthun trwy welliannau i’r Ardal o Harddwch Naturiol Eithriadol (safleoedd AHNE Loggerheads a Moel Famau) a hybiau cymunedol newydd ym mhentrefi gwledig Bryneglwys a Gwyddelwern.
Bydd cyllid Ffyniant Bro yn cefnogi:
- toiledau a chyfleusterau lluniaeth newydd ym Moel Famau
- estyniad i lwybrau beicio ym Moel Famau
- trosi hen adeilad ysgol yn ganolfan gymunedol newydd ym Mryneglwys
- gwell rheolaeth llifogydd a gwelliannau i’r adeilad presennol yn Loggerheads
- hwb cymunedol ynni-effeithlon newydd yng Ngwyddelwern
Darganfyddwch fwy am gynlluniau Cyngor Sir Ddinbych ar gyfer Levelling Up
Darganfyddwch fwy am Levelling Up