£7 miliwn i gefnogi tri phrosiect ledled Powys
Mae tri phrosiect yn ne a chanol Powys wedi derbyn bron £7 miliwn rhyngddynt gan y Gronfa Ffyniant Bro.
Mae’r prosiectau’n cynnwys:
- adnewyddu a gwella Theatr Brycheiniog
- paratoi safle diffaith Auto Palace ar gyfer ei ailddatblygu
- darparu hyb amlasiantaethol
Hyb amlasiantaethol newydd yn Aberhonddu
Bydd y cyllid yn darparu hyb gwaith amlasiantaethol yn Aberhonddu. Bydd hyn yn dwyn sefydliadau ynghyd ar draws y sector cyhoeddus, y sector preifat a’r trydydd sector.
Bydd symud gwasanaethau o ganol y dref yn:
- rhyddhau tir ac eiddo i gefnogi adfywio economaidd
- cefnogi datblygiad tai fforddiadwy
Gwaith gwella Theatr Brycheiniog
Theatr Brycheiniog yw canolfan gelfyddydau Aberhonddu. Mae wedi dod yn ased cymunedol sy’n annwyl gan lawer ac y gwneir llawer o ddefnydd ohono.
Mae’r theatr yn cynnwys:
- stiwdio a man ymarfer â 120 o seddau
- awditoriwm â 477 o seddau
Mae’n cynnal rhaglen uchelgeisiol o gynyrchiadau Cymraeg a Saesneg. Bydd bron £2 filiwn gan y Gronfa Ffyniant Bro yn:
- cefnogi gwaith adnewyddu a gwella hollbwysig
- diogelu’r ased diwylliannol pwysig hwn
Adfywio safle Auto Palace
Bydd cyllid yn helpu i brynu ac ailddatblygu’r safle tir llwyd nesaf at adeilad rhestredig Gradd II* Auto Palace. Mae’r safle, yn Llandrindod, wedi bod yn ddiffaith am 15 mlynedd.
Bydd y gwaith adfywio’n:
- dileu dolur llygad wrth borth allweddol i’r dref
- creu lle ar gyfer tai
Dysgwch fwy am ffyniant bro.