Gwaith adfer Camlas Trefaldwyn yn cael ei gefnogi gan £14 miliwn o gyllid Ffyniant Bro
Bydd bron £14 miliwn o’r Gronfa Ffyniant Bro yn helpu i adfer Camlas Trefaldwyn 33 milltir o hyd yn nwyrain Powys a gogledd-orllewin Swydd Amwythig.
Bydd y buddsoddiad yn adfer rhan 4.4 milltir o’r gamlas ar hyd y ffin rhwng Cymru a Lloegr.
Mae’r gamlas, a adwaenir yn annwyl fel ‘Monty’, wedi gwasanaethu fel:
- dull trafnidiaeth hollbwysig
- atyniad twristiaid ac ymwelwyr
Bydd y cyllid yn helpu i:
- warchod yr amgylchedd lleol ar hyd y gamlas
- creu tair gwarchodfa natur wedi’u seilio ar ddŵr
- adfer y gamlas
Rhoddwyd ystyriaeth i wrthbwyso effaith amgylcheddol y gwaith adfer. Bydd y gwarchodfeydd natur yn helpu i wneud iawn am y cynnydd disgwyliedig mewn traffig ar y gamlas.
Buddion adfywio cynaliadwy
Dywedodd Cadeirydd Partneriaeth Camlas Trefaldwyn, John Dodwell:
Bydd y cyllid yn gwneud cyfraniad sylweddol tuag at adfer ac ailagor y Gamlas fesul cam rhwng Llanymynech a’r Trallwng, a fydd yn arwain at lawer o fuddion i’r ardal.
Bydd y buddsoddiad yn rhoi hwb i’r ardal leol trwy:
- wella iechyd a lles pobl
- gwella’r dreftadaeth naturiol ac adeiledig
- cynyddu twristiaeth
Croesawodd Dodwell y canlyniad:
Mae’r grant hwn a’r gwaith cysylltiedig yn enghraifft wych o’r gymuned yn cydweithio er budd pawb.
Dysgwch fwy am ffyniant bro.