Tŷ’n Llan yn dod yn dafarn a berchnogir gan y gymuned gyda buddsoddiad £250,000
Mae tafarn Tŷ’n Llan yn adeilad rhestredig Gradd II yn Llandwrog, Caernarfon. Mae dyfarniad o £250,000 gan y Gronfa Perchnogaeth Gymunedol yn eu helpu i gadw’r drysau ar agor.
Mae tafarn Tŷ’n Llan yn adeilad rhestredig Gradd II yn Llandwrog, Caernarfon. Fe’i hadeiladwyd yn y 1860au ac fe gaeodd yn 2017. Mae’r gymuned leol yn gweithio’n galed i sicrhau ei dyfodol. Mae dyfarniad o £250,000 gan y Gronfa Perchnogaeth Gymunedol yn eu helpu i gadw’r drysau ar agor.
Pobl leol yn croesawu’r ailagoriad
Mae preswylwyr wedi ymateb yn gadarnhaol i feddiannu’r dafarn gan y gymuned. Awgrymodd un aelod o’r cyhoedd fod ysbryd cymunedol wedi cael ei ailfywiogi a dywedodd:
Mae’n lle i bobl ddod i gyfarfod, nid dim ond yfed. Mae yna glybiau cerdded, mae yna glybiau darllen a boreau coffi i’r genhedlaeth hŷn. Mae’n rhywle i ddod â phlant i gyfarfod a chwarae.
Dywedodd un arall:
Mae tair cenhedlaeth o’m teulu wedi byw yma, ac rwy’n credu ei bod mor bwysig ei bod yma er mwyn i’r genhedlaeth nesaf ddod.
Gwelliannau i Dŷ’n Llan
Mae’r gwaith adnewyddu i’r dafarn yn cynnwys:
- ystafell gymunedol ar gyfer cymdeithasau a chlybiau lleol
- cegin a bwyty newydd
- bar cyfoes
Dan reolaeth y gymuned
Mae’r dafarn bellach dan berchnogaeth a rheolaeth lwyr aelodau a gwirfoddolwyr cymuned Tŷ’n Llan.
Bu’n dirnod lleol am genedlaethau ac mae wedi denu sêr, cantorion a beirdd dros y blynyddoedd.
Diolch i ymdrechion codi arian lleol a’r Gronfa Perchnogaeth Gymunedol, mae dyfodol y dafarn yn fwy sicr bellach.
Dysgwch fwy am ffyniant bro.