Penodi Nick Goodwin yn Warcheidwad Cyhoeddus
Mae enw Gwarcheidwad Cyhoeddus newydd Cymru a Lloegr a Phrif Weithredwr Swyddfa'r Gwarcheidwad Cyhoeddus wedi cael ei gyhoeddi.
Nick Goodwin, Public Guardian and Chief Executive of the Office of the Public Guardian.
Mae Nick Goodwin, cyn gyfarwyddwr polisi mynediad at gyfiawnder y Weinyddiaeth Gyfiawnder, wedi ymgymryd â rôl y Gwarcheidwad Cyhoeddus ar ôl i Alan Eccles ymddeol.
Roedd yn llwyddiannus mewn cystadleuaeth agored a theg am y rôl ac mae’r Ysgrifennydd Cyfiawnder, David Gauke, wedi cymeradwyo ei benodiad.
Yn y gorffennol mae Nick wedi bod yn bennaeth ar dimau yn arwain ar y polisi galluedd meddyliol yn y Weinyddiaeth Gyfiawnder ac mae wedi gweithio’n agos gyda Swyddfa’r Gwarcheidwad Cyhoeddus o’r blaen.
Dywedodd:
Rwy’n falch o ymgymryd â rôl Gwarcheidwad Cyhoeddus a Phrif Weithredwr Swyddfa’r Gwarcheidwad Cyhoeddus. Rwy’n gwybod o fy mhrofiad blaenorol yn gweithio ar bolisi galluedd meddyliol, pa mor bwysig yw gwaith Swyddfa’r Gwarcheidwad Cyhoeddus o ran gwarchod y rhai sydd wedi colli eu galluedd meddyliol neu a allai golli eu galluedd meddyliol yn y dyfodol, a hefyd o ran cefnogi’r rhai sy’n gofalu amdanyn nhw.
Dywedodd hefyd:
Mae ymroddiad ac arbenigedd pob aelod o staff rwyf wedi cwrdd â nhw ac wedi gweithio gyda nhw yn Swyddfa’r Gwarcheidwad Cyhoeddus wedi creu cryn argraff arnaf i, yn ogystal â chymaint y mae’r sefydliad wedi datblygu o dan arweiniad Alan. Rwy’n edrych ymlaen at weithio gyda’r staff a’r rhanddeiliaid er mwyn gwella’r gwasanaethau hanfodol, er mwyn i ni allu cyflawni’r agenda uchelgeisiol, sy’n canolbwyntio ar y defnyddwyr, y mae Swyddfa’r Gwarcheidwad Cyhoeddus wedi’i gosod.
Alan Eccles ymddeolodd ar 30 Mehefin ar ôl treulio saith mlynedd fel Gwarcheidwad Cyhoeddus a Phrif Weithredwr Swyddfa’r Gwarcheidwad Cyhoeddus a dros 30 mlynedd fel bargyfreithiwr.
Updates to this page
Cyhoeddwyd ar 1 Gorffennaf 2019Diweddarwyd ddiwethaf ar 4 Medi 2019 + show all updates
-
Added translation
-
First published.