Bargen Twf Gogledd Cymru Trawsnewidiol wedi ei arwyddo
Bu cynnydd ym Margen Twf Gogledd Cymru sydd werth miliynau o bunnoedd wrth i Benawdau’r Telerau gael eu harwyddo gan Lywodraeth y DU, Llywodraeth Gogledd Cymru a Bwrdd Uchelgais Economaidd Gogledd Cymru.
From L – R Welsh Secretary Alun Cairns, Cllr Dyfrig Siencyn, Cllr Mark Pritchard and Welsh Government Minister for International Relations Eluned Morgan.
Mae Ysgrifennydd Gwladol Cymru, Alun Cairns, Gweinidog Cysylltiadau Rhyngwladol Llywodraeth Cymru, Eluned Morgan ag Arweinwyr Bwrdd Uchelgais Economaidd Gogledd Cymru, y Cynghorydd Dyfrig Siencyn a’r Cynghorydd Mark Pritchard sydd wedi ymrwymo i’r cytundeb sy’n gosod allan y camau nesaf yn y fargen gwerth miliynau o bunnoedd.
Mae’r arwyddiad a gynhaliwyd yn Llundain heddiw yn Swyddfa Ysgrifennydd Gwladol Cymru yn dangos ymrwymiad gan bob un o’r partneriaid i weithio gyda’i gilydd dros bobl a busnesau Gogledd Cymru a chyflawni prosiectau lleol fydd yn cynyddu cyfleoedd a ffyniant mewn cymunedau ar draws y rhanbarth.
Mae Llywodraeth y DU a Llywodraeth Cymru eisoes wedi ymrwymo £120 miliwn yr un i’r fargen gyda’r sector breifat a’r partneriaid eraill sy’n rhan o’r buddsoddiad.
Mae Bwrdd Uchelgais Economaidd Gogledd Cymru, sef cydweithrediad rhwng y chwe awdurdod lleol a phartneriaid rhanbarthol wedi amcangyfrif fod gan fuddsoddiad y llywodraethau o £240 miliwn botensial i greu 4,000 o swyddi a sicrhau dros £500 miliwn o fuddsoddiad y sector breifat dros y 15 mlynedd nesaf.
Yn ôl Ysgrifennydd Gwladol Cymru Alun Cairns:
Mae Llywodraeth y DU yn gweithio i ddod â mwy o fuddsoddiad, twf a chyfleoedd swyddi i gymunedau ar draws Gogledd Cymru ac mae arwyddo’r fargen heddiw yn cynrychioli cynnydd gwirioneddol i gyflawni’r nodau yma.
Mae Bargen Twf Gogledd Cymru yn gyfle enfawr a chyffrous i weddnewid y rhanbarth a helpu i ail-gydbwyso’r economi. Byddwn yn parhau i weithio gyda’n partneriaid i ddatblygu’r fargen twf ac i sicrhau ei bod yn cael ei darparu ar gyfer pobl a busnesau Gogledd Cymru.
Meddai’r Gweinidog ar gyfer y Northern Powerhouse a Thwf Lleol, Jake Berry AS:
Bydd y cytundeb yma’n darparu buddsoddiad gwerth miliynau o bunnoedd gyda photensial i greu swyddi amgylcheddol yn y sectorau niwclear a charbon-isel, heb sôn am gynyddu twristiaeth a busnesau ar draws Gogledd Cymru, y Northern Powerhouse a thu hwnt.
Y cyfleodd sy’n cael eu creu gan y Fargen yma yw’r enghraifft ddiweddaraf o ymrwymiad y llywodraeth i lefelu pob rhan o’r DU a rhoi pŵer i bobl leol i adeiladu cymunedau ffyniannus a llwyddiannus.
Yn ôl Gweinidog Cysylltiadau Rhyngwladol Llywodraeth Cymru, Eluned Morgan:
Mae gan Bargen Twf Gogledd Cymru’r potensial i drawsnewid y rhanbarth. Mae arwyddo’r Penawdau Telerau heddiw yn dangos ein hymrwymiad i’r Bwrdd Uchelgais a’n partneriaid rhanbarthol i weithio gyda’i gilydd dros bobl a busnesau Gogledd Cymru.
Ychwanegodd Ken Skates, Gweinidog dros yr Economi, Trafnidiaeth a Gogledd Cymru:
Mae’r arwyddiad heddiw yn gam pwysig ymlaen ar gyfer y fargen drawsnewidiol hon a byddwn yn parhau i weithio gyda’n partneriaid i sicrhau’r fargen sy’n iawn i ogledd Cymru.
Ein nod ar y cyd yw creu swyddi, hybu’r economi a chyflawni bargen twf a fydd yn cael effaith gadarnhaol a pharhaol ar genedlaethau drwy greu Cymru fwy cyfartal, Cymru fwy ffyniannus, a Chymru wyrddach.
Meddai’r Cynghorydd Dyfrig Siencyn, cadeirydd y Bwrdd Uchelgais ac arweinydd Cyngor Gwynedd:
Drwy arwyddo’r Penawdau Telerau, rydym yn dangos ein hymrwymiad a’n hymroddiad i’r rhanbarth.
Byddwn yn parhau i weithio gyda’n gilydd dros bobl a busnesau Gogledd Cymru gyda’r nod ar y cyd o greu swyddi, hybu’r economi a darparu Bargen Twf fydd yn cael effaith gadarnhaol a pharhaol ar genedlaethau i ddod.
Ychwanegodd:
Y camau nesaf fydd i ddechrau gweithredu’r prosiectau sy’n flaenoriaeth a’r cyllid drosoli gan y sector breifat mewn meysydd allweddol. Bydd y flwyddyn nesa’n allweddol i osod y seilwaith ar gyfer y dyfodol a sicrhau ymrwymiad y sefydliadau a’r busnesau i ddatblygu’r cynlluniau yma’n bellach.
Mae’r gwaith caled yn dechrau nawr, ac ar ran y Bwrdd Uchelgais, hoffwn ddiolch i’r nifer fawr o gyrff yn y sector breifat a’r sector gyhoeddus sydd wedi ein cefnogi ni, yn ogystal â’r rhanddeiliaid, Llywodraethau Cymru a’r DU a’n cydweithwyr yn yr awdurdodau lleol.
Bydd y fargen yn pennu ffordd clir ymlaen ac yn canolbwyntio ar ynni carbon-isel, cysylltedd digidol yn ogystal â thir ac eiddo. Bydd y partneriaid rhanbarthol yn datblygu cynigion penodol a manwl gyda’r nod o sicrhau cytundeb terfynol erbyn diwedd 2020.
