Datganiad i'r wasg

Ysgrifennydd Cymru: "Mae cynnal busnes yn Ne-ddwyrain Asia yn hanfodol i ddiogelwch a ffyniant hirdymor Prydain yn y dyfodol”

Ysgrifennydd Cymru yn cychwyn ar ymweliad masnach a diplomyddol â Singapôr ac Indonesia

• Gan: Swyddfa Ysgrifennydd Gwladol Cymru, Foreign & Commonwealth Office and The Rt Hon David Jones
• Cyhoeddwyd: 6 Tachwedd 2013
• Diweddarwyd ddiwethaf: 7 Tachwedd 2013 — Gweld pob diweddariad

Cyhoeddwyd hwn o dan y 2010 to 2015 Conservative and Liberal Democrat coalition government

Secretary of State for Wales David Jones embarks on a trade and diplomatic visit to Singapore and Indonesia

Mae Prydain yn cryfhau ei hymgysylltiad ag Asia wrth i Ysgrifennydd Gwladol Cymru, y Gwir Anrhydeddus David Jones AS, ymweld ag Indonesia a Singapôr.

Bydd Mr Jones yn cynrychioli Llywodraeth y DU ar yr ymweliad tri diwrnod â’r ardal, gan atgyfnerthu cysylltiadau busnes sydd eisoes wedi’u sefydlu a chwilio am fwy o gyfleoedd i gwmnïau a sefydliadau’r DU weithredu yn yr ardal.

Wrth siarad cyn yr ymweliad, dywedodd Mr Jones:

Mae cynnal busnes yn Ne-ddwyrain Asia yn hanfodol i ddiogelwch a ffyniant hirdymor Prydain yn y dyfodol. Yn y flwyddyn 2012, yr oedd y DU wedi allforio mwy i’r chwe economi fwyaf yn ne-ddwyrain Asia nag i dir mawr Tseina. Mae’r gwledydd hyn yn hollbwysig i’n dyfodol hirdymor ac rydym yn benderfynol o gryfhau ein partneriaethau â nhw.

Rwyf yn awyddus i siarad â busnesau, sefydliadau addysgol a llywodraethau’r rhanbarth er mwyn sicrhau bod cwmnïau Prydain yn cael y cyfleoedd gorau bosibl i gystadlu yn y ras fyd-eang.

Dywedodd Antony Phillipson, Uwch Gomisiynydd Prydain yn Singapôr:

Mae cysylltiadau cryf rhwng Singapôr a’r DU a Singapôr yw marchnad allforio fwyaf y DU yn ne-ddwyrain Asia. Bydd ymweliad Ysgrifennydd Cymru yn cryfhau ein cysylltiadau amddiffyn ac addysgol wrth iddo ymweld â Sefydliad Rheolwyr Dwyrain Asia i weld y gwaith y mae wedi bod yn ei wneud â Phrifysgol Fetrapolitan Caerdydd a chyfarfod ag arweinwyr busnes ar HMS Daring.

Gan mai Singapôr yw marchnad allforio fwyaf y DU yn ASEAN, bydd Ysgrifennydd Gwladol Cymru yn cyfarfod ag Aireen Omar, Prif Swyddog Gweithredol AirAsia Berhad a Thomas Friedberger, Prif Swyddog Gweithredol swyddfa EADS yn Singapôr, rhiant-gwmni Airbus. Yn ddiweddar, mae AirAsia wedi llofnodi contract am 100 o awyrennau A320 yn ffatri gwneud adenydd Airbus ym Mrychdyn, Cymru, ac roedd Mr Jones a David Cameron, Prif Weinidog Prydain, yn dystion i’r digwyddiad.

Wedyn, bydd Mr Jones yn hedfan i Indonesia i hyrwyddo gwerthoedd democrataidd y DU yn Fforwm Democratiaeth Bali. Gan mai Indonesia yw’r economi fwyaf yn Ne-ddwyrain Asia, bydd Mr Jones yn edrych ar y cyfleoedd sydd ar gael i gynyddu marchnad allforio’r DU i’r ardal, sydd werth ychydig dros £1bn y flwyddyn ar hyn o bryd.

Yn ystod ei gyfnod yn Bali, bydd yn gosod torch ar safle’r bomio yn 2002 pan laddwyd 202 o bobl, gan gynnwys 27 o wladolion Prydeinig. Bydd hefyd yn ymweld â Chanolfan Gweithrediadau Brys Bali i drafod cynllunio ar gyfer argyfwng.

Dywedodd Mark Canning, Llysgennad Prydain yn Indonesia:

Indonesia yw’r economi cryfaf yn ne-ddwyrain Asia ac mae’n briodol iawn fod y DU yn buddsoddi yn y berthynas honno drwy ymweliad Ysgrifennydd Gwladol Cymru.

Nodyn i Olygyddion:

Bu’r Prif Weinidog ar ymweliad ag Indonesia a Singapôr ym mis Ebrill 2012 a chroesawyd Arlywydd Indonesia i dderbyniad gan Ei Mawrhydi’r Frenhines yn ystod Ymweliad Gwladol ym mis Tachwedd 2012.

Cyhoeddwyd ar 6 Tachwedd 2013
Diweddarwyd ddiwethaf ar 7 Tachwedd 2013 + show all updates

1. 7 Tachwedd 2013

   Added translation

2. 6 Tachwedd 2013

   First published.