Ysgrifennydd Cymru yn croesawu cynlluniau’r Adran dros Ddiwylliant, y Cyfryngau a Chwaraeon i leihau biwrocratiaeth
Mae’r Adran dros Ddiwylliant, y Cyfryngau a Chwaraeon wedi nodi ei chynlluniau i ddadreoleiddio rhai mathau o drefniadau trwyddedu adloniant…
Mae’r Adran dros Ddiwylliant, y Cyfryngau a Chwaraeon wedi nodi ei chynlluniau i ddadreoleiddio rhai mathau o drefniadau trwyddedu adloniant yng Nghymru, sy’n cael eu trwyddedu ar hyn o bryd o dan Ddeddf Trwyddedu 2003.
Dywedodd David Jones: “Mae’r cynlluniau a gyhoeddwyd heddiw i leihau’r rheoleiddio o ran trwyddedu digwyddiadau yn y gymuned yn cael eu croesawu ledled Cymru. Mae digwyddiadau cymunedol mewn canolfannau cymunedol, ysgolion a neuaddau pentref yn hynod bwysig o safbwynt diwylliannol a chymdeithasol, felly rwy’n falch na fydd yn rhaid i ddigwyddiadau o’r fath gael trwydded gan awdurdod lleol mwyach.”
Nodyn i Olygyddion:
Mae’r Adran dros Ddiwylliant, y Cyfryngau a Chwaraeon wedi nodi ei chynlluniau i ddadreoleiddio rhai mathau o drefniadau trwyddedu adloniant sy’n cael eu trwyddedu ar hyn o bryd o dan Ddeddf Trwyddedu 2003, mewn Datganiad Ysgrifenedig gan y Gweinidog. Daw’r cynigion hyn mewn ymateb i ymgynghoriad a gynhaliwyd ddiwedd 2011, a dderbyniodd gefnogaeth gan Lywodraeth Cynulliad Cymru (drwy Banel y Sector Diwydiannau Creadigol), Cymdeithas Llywodraeth Leol Cymru, Sefydliad Cerddoriaeth Gymreig a Chyngor Gweithredu Gwirfoddol Cymru.
Dolen at ddatganiad i’r wasg yr Adran dros Ddiwylliant, y Cyfryngau a Chwaraeon