Stori newyddion

Cydweithio i wneud y gorau o fanteision Uwchgynhadledd NATO

David Jones a Carwyn Jones yn pwysleisio'r pwysigrwydd o gydweithio ar Uwchgynhadledd NATO.

• Gan: Swyddfa Ysgrifennydd Gwladol Cymru, Foreign & Commonwealth Office, Ministry of Defence and The Rt Hon David Jones
• Cyhoeddwyd: 15 Mai 2014
• Diweddarwyd ddiwethaf: 15 Mai 2014 — Gweld pob diweddariad

Cyhoeddwyd hwn o dan y 2010 to 2015 Conservative and Liberal Democrat coalition government

Secretary of State David Jones MP and First Minister Carwyn Jones AM meet Welsh crew members aboard HMS Dragon

Mae Prif Weinidog, Carwyn Jones ac yr Ysgrifennydd Gwladol Cymru, David Jones wedi pwysleisio pa mor bwysig yw hi i lywodraeth y DU a Chymru gydweithio ar Uwchgynhadledd NATO lwyddiannus yng Nghymru, a hynny yn ystod ymweliad ar y cyd â llong ddistryw y Llynges Frenhinol, HMS Dragon.

Yn ystod y daith o amgylch y llong ryfel, sydd yng Nghaerdydd er mwyn rhoi Rhyddfraint y Ddinas i griw’r llong, tynnodd y Gweinidogion sylw at ba mor amserol y mae’r ymweliad o ran codi ymwybyddiaeth am Uwchgynhadledd NATO sydd ar y gorwel ym mis Medi.

Dywedodd yr Ysgrifennydd Gwladol David Jones AS:

Yn Uwchgynhadledd NATO, bydd yr ymgynulliad mwyaf erioed o arweinwyr y byd yn y Deyrnas Unedig. Mae’n gyfle digynsail i Gymru ddisgleirio ar lefel fyd-eang. Mae gan fusnesau a sefydliadau academaidd Cymru gryfderau o ran gweithgynhyrchu, arloesi, gwyddorau bywyd, TG ac awyrofod, ac maen nhw’n dechrau mewn marchnadoedd newydd bob blwyddyn.

Mae potensial aruthrol yng Nghymru ar gyfer buddsoddiad a busnes, twristiaeth ac astudio. Bydd yr Uwchgynhadledd yn rhoi sylw rhyngwladol fel nas gwelwyd erioed o’r blaen i hyrwyddo’r potensial hwn, ac mae angen i ni wneud y gorau o hyn.

Dywedodd y Prif Weinidog Carwyn Jones:

Uwchgynhadledd NATO yng Nghasnewydd fydd y digwyddiad rhyngwladol mwyaf erioed i’w gynnal yng Nghymru. Bydd cyfryngau’r byd yn hoelio’u sylw ar Gymru dros nifer o ddiwrnodau, gan roi’r fath o sylw byd-eang nad ydyn ni erioed wedi’i gael o’r blaen. Mae’n llywodraethau yn benderfynol o wneud y gorau o hyn. Rydyn ni’n gweithio gyda Llywodraeth y Deyrnas Unedig i roi lliw Cymreig penodol i’r Uwchgynhadledd a thargedu’r cannoedd o newyddiadurwyr a fydd yn dod i Gymru ym mis Medi.

Yn ystod yr ymweliad heddiw â’r Llong Ddistryw Math-45, un o longau rhyfel mwyaf modern y Llynges Frenhinol, tywyswyd y Gweinidogion gan y Capten Rex Cox a chyfarfu’r ddau ag aelodau o’r criw o Gymru.

Ychwanegodd y Prif Weinidog:

Mae ymweliad HMS Dragon â Chaerdydd yn atgyfnerthu’r cysylltiadau cryf rhwng pobl Cymru a’n Lluoedd Arfog. Mae porthladdoedd Cymru yn croesawu llongau’r llynges yn rheolaidd. Mae HMS Pembroke ar ymweliad â Phenfro ar hyn o bryd, tref sy’n bodoli diolch i’r Llynges Frenhinol, i helpu i ddathlu ei daucanmlwyddiant.

Cynhelir Uwchgynhadledd NATO ar 4 a 5 Medi 2014 yng Ngwesty’r Celtic Manor, ac mae Llywodraeth y DU wrthi’n ei threfnu ar ran NATO.

Cyhoeddwyd ar 15 Mai 2014
Diweddarwyd ddiwethaf ar 15 Mai 2014 + show all updates

1. 15 Mai 2014

   First published.