Sian-Nia Davies
Bywgraffiad
Ymunodd Sian-Nia â’r IPO ym mis Mehefin 2021 fel Pennaeth Platfformau. Daeth hi’n Brif Swyddog Technoleg Dros Dro ym mis Hydref 2021 a chadarnhawyd ei bod yn Brif Swyddog Digidol, Data a Thechnoleg ym mis Gorffennaf 2022.
Cyn ymuno â’r IPO, fe wnaeth Sian-Nia fwynhau gyrfa hir ac amrywiol yn BT, gan arwain yn ddiweddarach ar gyflwyno rhaglenni digidol cymhleth, gwerth miliynau o bunnoedd. Dyma hefyd lle adeiladodd hi’r profiad o arwain timau technegol mawr a thraws-fedrus ar draws sbectrwm eang o blatfformau a thechnolegau, gan gwmpasu’r Cylch Bywyd TG cyfan.
Mae gan Sian-Nia BSc mewn Bioleg Gymhwysol o Brifysgol Caerdydd ac mae’n siarad Cymraeg yn rhugl.
Prif Swyddog Data a Thechnoleg Digidol (CDDTO)
Mae’r Gyfarwyddiaeth Data a Thechnoleg Digidol yn ganolog i daith drawsnewid yr IPO ac mae’n gyfrifol am greu llwyfan a gwasanaeth technoleg o’r radd flaenaf a all ddarparu’r offer sydd eu hangen ar fusnesau a dinasyddion i harneisio pŵer IP.
Mae’r CDDTO yn sicrhau bod uchelgeisiau strategol yr IPO yn cael eu cefnogi’n llawn gan ei allu technegol a’i fodel gweithredu.
Mae hyn yn cynnwys arwain tîm digidol, data a thechnoleg amlddisgyblaethol ymroddedig o tua 200 o staff ac mae’n cynnwys ymelwa ar dechnolegau newydd aflonyddgar gan gynnwys Dysgu Peirianyddol ac AI, ynghyd â thechnoleg mwy sefydledig, i ddarparu gwasanaeth sy’n canolbwyntio ar y defnyddiwr sy’n bodloni gofynion disgwyliadau a dyheadau cwsmeriaid yr IPO nawr ac yn y dyfodol ar gyfer y gwasanaethau a ddarparwn.