Osgoi Gwaharddiadau: cyngor i gyfarwyddwyr cwmnïau
Diweddarwyd 24 Ionawr 2017
© Hawlfraint y Goron 2017
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/advice-for-company-directors-on-avoiding-cartel-infringements/e5f881c8-203f-4671-851f-d8c2e2c7f76a
Pam ddylai cyfarwyddwyr helpu cwmnïau i osgoi torri cyfraith cystadleuaeth?
Mae gan gyfarwyddwyr cwmnïau gyfrifoldeb arbennig i fod yn ymwybodol iawn o arferion eu cwmni ac i sicrhau eu bod yn cydymffurfio gyda’r gyfraith.
Os cant eu dal yn torri cyfraith cystadlu, gall cyfarwyddwyr gael eu datgymhwyso o weithredu fel cyfarwyddwr cwmni neu gyflawni rolau penodol eraill o fewn cwmni am hyd at 15 mlynedd.
Gallai gwybod am arferion anghyfreithlon heb gymryd camau i’w hatal fod yn sail dros ddatgymhwyso cyfarwyddwr.
Os yw cwmni yn torri cyfraith cystadlu heb i’r cyfarwyddwr wybod amdano ond nad oedd yn ddiwyd ac y dylai fod wedi gwybod, gallai hyn hefyd fod yn sail dros ddatgymhwyso.
Pa gamau sydd angen i gyfarwyddwyr cwmnïau eu cymryd?
Rhaid i chi sicrhau eich bod yn ddigon ymwybodol o faterion eich cwmni i nodi ac atal arferion anghyfreithlon cyn gynted â phosibl.
Os ydych chi’n amau arferion busnes anghyfreithlon, dylech ymchwilio.
Os dewch yn ymwybodol o arferion gwrth gystadleuol, dylech gymryd camau ar unwaith i’w hatal a cheisio cyngor cyfreithiol.
Arwain trwy esiampl - cyfarwyddwch eich hun â risgiau cyfraith cystadlu a rhaeadru cyngor i staff – mae’r CMA wedi cyhoeddi detholiad o ganllawiau byr a syml a chanllaw risg i helpu.
Profwch i ba raddau mae eich cwmni yn cydymffurfio â chyfraith cystadleuaeth, dyma rai cwestiynau i’w gofyn:
-
Beth yw ein risgiau cydymffurfiad cyfraith cystadleuaeth presennol?
-
Beth yw’r risgiau uchel, canolig ac isel?
-
Pa fesurau ydyn ni’n eu cymryd i liniaru’r risgiau hyn?
-
Pryd ydyn ni’n adolygu effeithlonrwydd y mesurau hyn nesaf?
Annog a hwyluso rhoi adroddiadau
Dynodwch berson annibynnol, y gellir ymddiried ynddo yn eich cwmni i staff adrodd ar bryderon iddo/iddi (er enghraifft, ysgrifennydd cwmni).
Ceisiwch gyngor cyfreithiol os oes gennych chi bryder am gyfraith cystadlu.
Beth yw cartél a sut mae bod yn rhan o un yn effeithio arnoch chi?
Yn syml, mae cartél yn gytundeb rhwng busnesau i beidio cystadlu gyda’i gilydd. Fel arfer mae’n gytundeb cyfrinachol ac anffurfiol.
Mae cartelau yn doriad arbennig o ddifrifol o gyfraith cystadleuaeth. Gall unigolion sy’n aelodau o gartél gael eu carcharu am hyd at bum mlynedd. Gall busnesau sy’n torri cyfraith cystadleuaeth gael dirwy o hyd at ddeg y cant o drosiant.
Os ydych chi wedi bod yn rhan o gartél anghyfreithlon eich hun
Efallai y byddwch yn cael budd o gael eich trin yn fwy trugarog os mai chi wnaiff gamu ymlaen gyntaf i’r CMA.
Ewch i’n gwefan am ragor o wybodaeth am drugaredd.