Rhoi sylw i wrthdaro buddiannau: rhestr gyfeirio
Diweddarwyd 31 Hydref 2022
Yn berthnasol i Gymru a Loegr
© Hawlfraint y Goron 2022
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/conflicts-of-interest-a-guide-for-charity-trustees-cc29/9360146f-37d7-4b52-aecf-7e925dcce5e4
Rhoi sylw i wrthdaro buddiannau: rhestr gyfeirio
C1. Os yw ymddiriedolwr wedi adnabod gwrthdaro buddiannau, ydy’r corff ymddiriedolwyr wedi ystyried a yw’r gwrthdaro yn ddifrifol ac felly dylid ei ddileu neu a ddylent geisio awdurdod ar ei gyfer (gweler rhan 4 y canllaw hwn). Os yw’r ymddiriedolwyr wedi penderfynu yn erbyn symud y gwrthdaro buddiannau neu geisio awdurdod ar ei gyfer, ewch i Gwestiwn 2.
C2. Ydy’r gwrthdaro buddiannau wedi codi oherwydd y bydd yr ymddiriedolwr dan sylw yn cael budd o ganlyniad i’r penderfyniad? (Mae manylion am fudd i ymddiriedolwr, a pha fuddion y mae angen eu hawdurdodi, i’w gweld yn rhan 3 ac Atodiad A y canllaw hwn). Os ydy, ewch i Gwestiwn 3. Os nac ydy, ewch i Gwestiwn 4.
C3. Ydy’r budd wedi’i awdurdodi:
- gan ddogfen lywodraethol yr elusen?
- gan ddarpariaeth statudol megis adran 185 o’r Ddeddf Elusennau?
- yn benodol, gan y Comisiwn Elusennau? (gweler Atodiad A y canllaw hwn)
Os nac ydy, mae’n rhaid i’r ymddiriedolwyr wneud cais i’r Comisiwn am awdurdod ar gyfer y budd (gweler rhan 3 ac Atodiad A y canllaw hwn). Ewch i Gwestiwn 5. Os ydy, ydy’r ymddiriedolwyr elusen wedi cydymffurfio â thelerau’r awdurdod? Ewch i Gwestiwn 5.
C4. Er nad oes unrhyw fudd i ymddiriedolwr, oes gweithdrefnau yn eu lle i sicrhau bod modd gwneud y penderfyniad er lles gorau’r elusen yn unig? (gweler rhan 4 y canllaw hwn).
Os nac ydy, dylai’r ymddiriedolwyr elusen geisio cyngor ar eu penderfyniad, ac yn y dyfodol, sicrhau bod gweithdrefnau gwrthdaro buddiannau addas yn eu lle ac yn cael eu dilyn. Os ydy, ewch i Gwestiwn 6.
C5. Ydy’r ymddiriedolwyr elusen wedi gwirio a oes angen iddynt ddatgelu’r budd i ymddiriedolwr yn yr adroddiad blynyddol a chyfrifon (gweler rhan 4 o’r canllaw). Ewch i Gwestiwn 6.
C6. Ydy’r ymddiriedolwyr elusen wedi gwneud cofnod o’r gwrthdaro, eu hymagwedd at ddelio â’r gwrthdaro, a’u penderfyniad? (gweler rhan 4 y canllaw)