‘Dupuytren’s Contracture’: canllawiau ar gyfer llenwi'r ffurflen gais (BI100PDW)
Diweddarwyd 22 Mai 2024
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/publications/industrial-injuries-disablement-benefit-claim-forms/b12bddc5-604e-4b56-974a-db48ef1af836
Defnyddiwch y nodiadau hyn i’ch helpu i lenwi’r ffurflen gais os ydych yn hawlio Budd-dal Anabledd Anafiadau Diwydiannol ar gyfer ‘Dupuytren’s contracture’ (clefyd rhagnodedig A15).
Cymhwyster
I fod yn gymwys i gael Budd-dal Anabledd Anafiadau Diwydiannol (IIDB) ar gyfer ‘Dupuytren’s contracture’ mae’n rhaid eich bod wedi:
- bod yn gyflogedig
- defnyddio offer dirgrynu llaw am o leiaf 10 mlynedd
Nid yw cyfnodau hunangyflogaeth yn cyfrif.
Darllenwch fwy am pwy sy’n gymwys i hawlio Budd-dal Anabledd Anafiadau Diwydiannol oherwydd Dupuytren’s contracture.
Rhan 3: Ynglŷn â’ch gwaith neu’ch cynllun neu gwrs hyfforddi cyflogaeth gymeradwywyd a’ch afiechyd
Rhowch gymaint o fanylion ag y gallwch pan fyddwch yn llenwi ‘Rhan 3: Ynglŷn â’ch gwaith neu’ch cynllun neu gwrs hyfforddi cyflogaeth a gymeradwywyd a’ch afiechyd.’
Mae angen o leiaf 10 mlynedd o wybodaeth am gyflogaeth arnom ar gyfer eich cais. Efallai yr hoffech feddwl am y cyflogwyr y buoch yn gweithio iddynt fwyaf hir. Gallai hyn gwmpasu’r 10 mlynedd sydd ei angen ac mae angen i chi roi manylion pob cyflogwr.
Pa fath o waith neu hyfforddiant yn eich barn chi a achosodd eich afiechyd?
Pan fyddwch yn ateb y cwestiwn ‘Pa fath o waith neu hyfforddiant y credwch iddo achosi eich afiechyd? rhowch:
- fanylion cyflogaeth yn ymwneud â 10 mlynedd neu fwy lle gwnaethoch ddefnyddio offer dirgrynu llaw
- i bob cyflogwr sawl awr y dydd a sawl diwrnod yr wythnos y gwnaethoch eu treulio’n defnyddio offer dirgrynu llaw
- enwau’r offer a ddefnyddiwyd
- y swyddi y gwnaethoch eu cyflawni
Os oes angen i chi ddweud wrthym am fwy na 2 gyflogwr
Defnyddiwch tudalen olaf y ffurflen gais BI100PDW i roi’r wybodaeth ychwanegol i ni. Gwnewch yn siŵr eich bod yn rhoi’r un faint o fanylion ar gyfer y cyflogwyr hyn ag y gwnaethoch yn Rhan 3.
Cysylltu â’ch cyflogwyr
Efallai y bydd angen i ni gysylltu ag unrhyw un o’r cyflogwyr y dywedwch wrthym amdanynt.