Crynodeb o Fynegai Prisiau Tai y DU: Rhagfyr 2023
Cyhoeddwyd 14 Chwefror 2024
© Hawlfraint y Goron 2024
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-for-december-2023/0a7dd5d3-6a85-4f16-b524-9c5086b24f7d
1. Prif ystadegau ar gyfer Rhagfyr 2023
Pris eiddo cyfartalog yn y DU oedd £284,691
Y newid mewn prisiau blynyddol ar gyfer eiddo yn y DU oedd -1.4%
Y newid mewn prisiau misol ar gyfer eiddo yn y DU oedd 0.1%
Y ffigur mynegai misol (Ionawr 2015 = 100) ar gyfer y DU oedd 149.3
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.
Dyddiad cyhoeddi nesaf Mynegai Prisiau Tai y DU
Cyhoeddir Mynegai Prisiau Tai y DU Ionawr 2024 am 9.30am ddydd Mercher 20 Mawrth 2023. Gweler y calendr dyddiadau rhyddhau am ragor o wybodaeth.
2. Datganiad economaidd
Roedd chwyddiant blynyddol prisiau tai cyfartalog y DU yn negyddol 1.4% (amcangyfrif dros dro) yn y 12 mis hyd at Ragfyr 2023, o’i gymharu â negyddol 2.3% (amcangyfrif diwygiedig) yn y 12 mis hyd at Dachwedd 2023.
£285,000 oedd pris tŷ cyfartalog y DU yn Rhagfyr 2023 (amcangyfrif dros dro), sy’n £4,000 yn is na 12 mis yn ôl. Gostyngodd prisiau tai cyfartalog yn y 12 mis hyd at Ragfyr 2023 yn Lloegr i £302,000 (negyddol 2.1%), gostyngodd yng Nghymru i £214,000 (negyddol 2.5%) a chynyddodd yn yr Alban i £190,000 (3.3%). Cynyddodd prisiau tai cyfartalog yn y flwyddyn hyd at Chwarter 4 (Hydref i Ragfyr) 2023 i £178,000 yng Ngogledd Iwerddon (1.4%).
Ar sail heb ei haddasu’n dymhorol, cynyddodd prisiau tai cyfartalog y DU gan 0.1% rhwng Tachwedd 2023 a Rhagfyr 2023, o’i gymharu â gostyngiad o 0.8% yn ystod yr un cyfnod 12 mis yn ôl.
O ranbarthau Lloegr, roedd y chwyddiant prisiau tai blynyddol uchaf yng Ngogledd Orllewin Lloegr, lle cynyddodd prisiau gan 1.2% yn y 12 mis hyd at Ragfyr 2023. Llundain oedd yr ardal gyda’r chwyddiant blynyddol isaf yn Lloegr, lle gostyngodd prisiau gan 4.8% yn y 12 mis hyd at Ragfyr 2023.
Nododd Arolwg o Farchnad Breswyl y DU Rhagfyr 2023 Sefydliad Brenhinol y Syrfewyr Siartredig (RICS) ostyngiad yn y galw gan brynwyr er bod y metrig hwn wedi bod yn llai negyddol ym mhob un o’r pedwar mis blaenorol. O ran cyflenwad, cafodd tuedd sefydlog gyffredinol ei hadrodd ar gyfer cyfarwyddiadau newydd dros y mis. Fodd bynnag, mae lefelau stoc cyfredol yn parhau’n isel o edrych arnynt mewn cymhariaeth hanesyddol tymor hwy.
Adroddodd crynodeb o amodau busnes Asiantau Banc Lloegr 2023 Chwarter 4 welliant graddol yn y farchnad dros y mis, sy’n debygol o gael ei yrru gan y tawelu parhaus mewn cyfraddau llog morgeisi.
Dangosodd Ystadegau Trafodion Eiddo y DU CThEF ar gyfer Rhagfyr 2023, ar sail wedi ei haddasu’n dymhorol, mai’r nifer amcangyfrifedig o drafodion ar eiddo preswyl gyda gwerth o £40,000 neu fwy oedd 80,420. Mae hyn 17.8% yn is na 12 mis yn ôl (Rhagfyr 2022). Rhwng Tachwedd 2023 a Rhagfyr 2023, lleihaodd trafodion y DU gan 0.8% ar sail wedi ei haddasu’n dymhorol.
Adroddodd datganiad Arian a Chredyd Banc Lloegr Rhagfyr 2023 fod morgeisi a gymeradwywyd ar gyfer prynu tai, sy’n ddangosydd rhoi benthyg yn y dyfodol, wedi cynyddu i 50,500 yn Rhagfyr 2023, o 49,300 yn Nhachwedd 2023.
3. Newidiadau mewn prisiau
3.1 Newidiadau mewn prisiau blynyddol
Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf
Llwytho data’r siart hon i lawr (CSV, 1KB)
Gostyngodd prisiau tai cyfartalog yn y DU gan 1.4% (amcangyfrif dros dro) yn y 12 mis hyd at Ragfyr 2023, i fyny o ostyngiad o 2.3% (amcangyfrif diwygiedig) yn y 12 mis hyd at Dachwedd 2023.
Ar lefel gwlad, cofnodwyd y newid canrannol blynyddol mwyaf mewn prisiau tai yn y 12 mis hyd at Ragfyr 2023 yn yr Alban, lle cynyddodd prisiau tai gan 3.3%.
Yn Lloegr, gostyngodd prisiau tai cyfartalog gan 2.1% yn y 12 mis hyd at Ragfyr 2023.
Yng Nghymru, gostyngodd prisiau tai cyfartalog gan 2.5% yn y 12 mis hyd at Ragfyr 2023.
Yng Ngogledd Iwerddon, cynyddodd prisiau tai cyfartalog gan 1.4% yn y 12 mis hyd at Chwarter 4 (Hydref i Ragfyr) 2023.
3.2 Pris cyfartalog yn ôl gwlad a rhanbarth swyddfa’r llywodraeth
Pris, newid misol a newid blynyddol yn ôl gwlad a rhanbarth swyddfa’r llywodraeth
| Gwlad a rhanbarth swyddfa’r llywodraeth | Pris | Newid misol | Newid blynyddol |
|---|---|---|---|
| Cymru | £213,816 | 0.9% | -2.5% |
| Gogledd Iwerddon (Chwarter 4 – 2023) | £177,611 | -0.9% | 1.4% |
| Lloegr | £302,164 | 0.2% | -2.1% |
| Yr Alban | £190,341 | -0.9% | 3.3% |
| De Ddwyrain Lloegr | £377,162 | -1.9% | -4.6% |
| De Orllewin Lloegr | £318,966 | -0.5% | -2.2% |
| Dwyrain Canolbarth Lloegr | £248,390 | 1.6% | -1.0% |
| Dwyrain Lloegr | £342,489 | -0.5% | -3.8% |
| Gorllewin Canolbarth Lloegr | £252,532 | 2.6% | 0.3% |
| Gogledd Ddwyrain Lloegr | £157,557 | -1.2% | -0.8% |
| Gogledd Orllewin Lloegr | £218,353 | 2.5% | 1.2% |
| Llundain | £508,037 | 0.0% | -4.8% |
| Swydd Gaerefrog a’r Humber | £207,501 | 0.1% | -1.2% |
Llwytho data’r tabl hwn i lawr (CSV, 1KB)
Newidiadau mewn prisiau yn ôl gwlad a rhanbarth swyddfa’r llywodraeth
Ar sail heb ei haddasu’n dymhorol, cynyddodd prisiau tai cyfartalog yn y DU gan 0.1% rhwng Tachwedd 2023 a Rhagfyr 2023, o’i gymharu â gostyngiad o 0.8% yn ystod yr un cyfnod 12 mis yn ôl (Tachwedd 2022 a Rhagfyr 2022). Ar sail wedi ei haddasu’n dymhorol, cynyddodd prisiau tai cyfartalog yn y DU gan 0.3% rhwng Tachwedd 2023 a Rhagfyr 2023.
Sylwer: Mae ffigur Gogledd Iwerddon yn cynrychioli newid o 3 mis ac ni ellir ei gymharu â’r rhanbarthau neu’r gwledydd eraill.
3.3 Pris cyfartalog yn ôl math o eiddo
Pris misol cyfartalog yn ôl math o eiddo
| Math o eiddo | Rhagfyr 2023 | Rhagfyr 2022 | Gwahaniaeth |
|---|---|---|---|
| Tŷ sengl | £447,076 | £450,562 | -0.8% |
| Tŷ pâr | £280,024 | £280,548 | -0.2% |
| Tŷ teras | £232,113 | £238,063 | -2.5% |
| Fflat neu fflat deulawr | £224,757 | £230,014 | -2.3% |
| Holl | £284,691 | £288,744 | -1.4% |
Llwytho data’r tabl hwn i lawr (CSV, 1KB)
4. Nifer y gwerthiannau
Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hwy. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi eu cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.
Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllido (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen rhagor o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.
Yn ddiweddar, mae cyfanswm y trafodion sydd ar gael i gyfrifo amcangyfrifon Mynegai Prisiau Tai y DU ar gyfer y misoedd diweddaraf wedi bod yn is nag yn hanesyddol (gweler UK HPI QMI Section 2.2: Accuracy). Mae hyn wedi deillio o gyfuniad o gyfanswm nifer y trafodion yng Nghymru a Lloegr yn disgyn dros y flwyddyn ddiwethaf (mae CThEF wedi nodi gostyngiad o 22% yn y 12 mis hyd at fis Tachwedd 2023) a gostyngiad yng nghyfran y trafodion, a broseswyd gan Gofrestrfa Tir EF, am yr amcangyfrif cyntaf. Y sampl ar gyfer yr amcangyfrif diweddaraf yw tua hanner y trafodion arferol. Effeithiwyd yn arbennig ar brosesu adeiladau newydd.
Mae’r Swyddfa Ystadegau Gwladol a Chofrestrfa Tir EF yn cydweithio i ddatrys hyn, gan gynnwys ceisio mwy o gydbwysedd rhwng prosesu ceisiadau a dderbyniwyd yn ddiweddar a’r rheini sy’n hŷn, er mwyn helpu i ddiogelu ansawdd ystadegau Mynegai Prisiau Tai y DU.
Yn 2020, cyflwynwyd cronni ar gyfer trafodion adeiladau newydd am fisoedd penodol yng Nghymru a Lloegr. Yn Rhagfyr 2023, gwnaed gwelliant methodoleg i fodel Prydain Fawr, a oedd yn cynyddu cydlyniad y DU ac yn gwella ansawdd ystadegau Mynegai Prisiau Tai y DU. O Ragfyr 2023, cynyddwyd prosesu Mynegai Prisiau Tai y DU gan Gofrestrfa Tir EF, felly disgwylir i gyfran cyfanswm y trafodion a broseswyd ar gyfer yr amcangyfrif cyntaf gynyddu o’r rhyddhau ar 14 Chwefror 2024.
Yn y cyfamser, dylai defnyddwyr fod yn ymwybodol y gall diwygiadau fod yn fwy nag arfer ac fe’u cynghorir i nodi’r ansicrwydd sylweddol uwch ynghylch prisiau adeiladau newydd.
4.1 Nifer y gwerthiannau
Nifer y gwerthiannau yn ôl gwlad
Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y mis cyfatebol yn y flwyddyn flaenorol
| Gwlad | Hydref 2023 | Hydref 2022 |
|---|---|---|
| Lloegr | 37,026 | 67,264 |
| Gogledd Iwerddon | 1,773 | 2,242 |
| Yr Alban | 7,722 | 9,184 |
| Cymru | 2,119 | 3,921 |
Sylwer: Gan gymharu’r amcangyfrif dros dro o drafodion ar gyfer y mis cyfredol â’r amcangyfrif dros dro ar gyfer y 12 mis diwygiedig
Llwytho data’r tabl hwn i lawr (CSV, 1KB)
Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diweddaraf yn gyflawn eto.
Sylwer: Bydd nifer y trafodion eiddo ar gyfer Hydref 2023 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.
Gan gymharu’r amcangyfrif dros dro o drafodion ar gyfer Hydref 2022 â’r amcangyfrif dros dro o drafodion Mynegai Prisiau Tai y DU ar gyfer Hydref 2023, lleihaodd nifer y trafodion gan 29.3% yn Lloegr, gan 13.7% yn yr Alban a chan 29.2% yng Nghymru. Lleihaodd nifer o drafodion Mynegai Prisiau Tai y DU yng Ngogledd Iwerddon gan 13.4% yn y flwyddyn hyd at Chwarter 4 2023.
Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol yn y 12 mis hyd at Hydref 2023, fod nifer y trafodion CThEF wedi lleihau gan 18.3% yn Lloegr, gan 15.3% yn yr Alban, gan 20.7% yng Nghymru a chan 16.5% yng Ngogledd Iwerddon.
4.2 Nifer y gwerthiannau ar gyfer y DU dros y 5 mlynedd diwethaf
Nifer y gwerthiannau ar gyfer 2019 i 2023 yn ôl gwlad: Hydref
Llwytho data’r siart hon i lawr (CSV, 1KB)
Sylwer: Bydd nifer y trafodion eiddo ar gyfer Hydref 2023 yn cynyddu wrth i ragor o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.
Gan gymharu’r amcangyfrif dros dro o drafodion ar gyfer Hydref 2022 â’r amcangyfrif dros dro ar gyfer Hydref 2023, lleihaodd nifer y trafodion yn y DU gan 26.7%.
Mae Ystadegau Trafodion Eiddo y DU a gyhoeddir gan Gyllid a Thollau EF (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, fod nifer y trafodion CThEF yn y DU wedi lleihau gan 18.1% yn y 12 mis hyd at Hydref 2023.
5. Statws eiddo ar gyfer y DU
Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen rhagor o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi eu cynnwys yn yr adroddiad.
Tai a adeiledir o’r newydd ac eiddo presennol a ailwerthwyd
| Statws eiddo | Pris cyfartalog Hydref 2023 | Newid misol | Newid blynyddol |
|---|---|---|---|
| Tai a adeiledir o’r newydd | £389,716 | 1.2% | 9.4% |
| Eiddo presennol a ailwerthwyd | £280,889 | -0.2% | -1.8% |
Llwytho data’r tabl hwn i lawr (CSV, 1KB)
Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn dulliau a ddefnyddir i greu Mynegai Prisiau Tai y DU.
6. Statws y prynwr ar gyfer Prydain Fawr
Prynwr am y tro cyntaf a chyn berchen-feddiannydd
Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.
| Math o brynwr | Pris cyfartalog Rhagfyr 2023 | Newid misol | Newid blynyddol |
|---|---|---|---|
| Prynwr am y tro cyntaf | £237,655 | 0.7% | -1.4% |
| Cyn berchen-feddiannydd | £331,686 | -0.5% | -1.7% |
Llwytho data’r tabl hwn i lawr (CSV, 1KB)
7. Statws cyllido ar gyfer Prydain Fawr
Arian parod a morgais
Ar gyfer Prydain Fawr yn unig – nid yw data Gogledd Iwerddon ar gael ar gyfer statws cyllido.
| Statws cyllido | Pris cyfartalog Rhagfyr 2023 | Newid misol | Newid blynyddol |
|---|---|---|---|
| Arian parod | £268,346 | -0.2% | -1.9% |
| Morgais | £297,185 | 0.3% | -1.3% |
Llwytho data’r tabl hwn i lawr (CSV, 1KB)
8. Dosbarthiadau trafodion tai
Rhwng Gorffennaf a Medi 2023 cafwyd 182,888 o werthiannau eiddo.
Yr amrediad pris mwyaf poblogaidd ar gyfer:
- Lloegr oedd £175,000 i £199,999 – 9,304 o eiddo wedi eu prynu
- yr Alban oedd £125,000 i £149,999 – 2,470 o eiddo wedi eu prynu
- Cymru oedd £150,000 i £174,999 – 1025 o eiddo wedi eu prynu
- Gogledd Iwerddon oedd £150,000 i £174,999 – 807 o eiddo wedi eu prynu
Mae’r siartiau isod yn dangos dosbarthiad trafodion tai ar gyfer Chwarter 3 (Gorffennaf i Fedi) 2023 ar gyfer gwledydd y DU. Mae’r data ar gyfer Prydain Fawr wedi eu cyflwyno mewn bandiau o £25,000 hyd at £10 miliwn, wedi ei ddilyn gan fandiau mwy ar gyfer dros £10 miliwn. Mae’r data ar gyfer Gogledd Iwerddon wedi eu cyflwyno mewn bandiau o £25,000 hyd at £500,000, wedi ei ddilyn gan fandiau mwy ar gyfer dros £500,000.
Yn unol â pholisi diwygiadau Mynegai Prisiau Tai y DU, bydd nifer y trafodion yn cynyddu wrth i ragor o ddata gael eu cynnwys yn y mynegai, a fyddai hefyd yn effeithio ar y dosbarthiadau a gyflwynir yn y dadansoddiad hwn.
9. Cyrchu’r data
Mae modd llwytho’r data i lawr fel ffeiliau CSV neu ei gyrchu gyda’n teclyn Mynegai Prisiau Tai y DU.
Diwygiadau data
Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.
10. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EF, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor Am Fynegai Prisiau Tai y DU.
Un o’r prif ffactorau sy’n penderfynu prisiau tai yw nodweddion demograffig yr ardal lle y lleolir yr eiddo. Mae Mynegai Prisiau Tai y DU yn defnyddio’r dosbarthiad demograffig-gymdeithasol a elwir Acorn, yn y model atchweliad hedonig i fesur cyfoeth yr ardal.
Cyn 20 Rhagfyr 2023, cafodd trafodion eiddo ym Mhrydain Fawr eu heithrio o’r model atchweliad os oedd eu dosbarthiad Acorn ar goll. O gyhoeddiad 20 Rhagfyr 2023, mae’r eiddo hyn wedi eu cynnwys yn y model atchweliad o ddata Ionawr 2023 ymlaen, ond yn cael llai o bwysiad yn y cyfrifiadau, fel y disgrifir uchod. Mae’r gwelliant hwn yn y fethodoleg yn alinio sut mae trafodion gyda dosbarthiad Acorn coll yn cael eu defnyddio ym model Prydain Fawr a model Gogledd Iwerddon, gan gynyddu cydlyniant ar draws y DU a gwella ansawdd ystadegau Mynegai Prisiau Tai y DU.
11. Cysylltu
Eileen Morrison, Arweinydd Tîm Gwasanaethau Data, Cofrestrfa Tir EF
Ebost [email protected]
Ffôn 0300 006 5288
Aimee North, Pennaeth Mynegeion y Farchnad Dai, Swyddfa Ystadegau Gwladol
Ebost aimee.north@ons
Ffôn 01633 456400
Ciara Cunningham, Ystadegydd ar gyfer Mynegai Prisiau Tai Gogledd Iwerddon
Ebost [email protected]
Ffôn 028 90 336035
Anne MacDonald, Rheolwr Tîm Data Tir ac Eiddo, Cofrestri’r Alban
Ebost [email protected]
Ffôn 0131 378 4991