Crynodeb o Fynegai Prisiau Tai y DU: Rhagfyr 2016
Cyhoeddwyd 14 Chwefror 2017
© Hawlfraint y Goron 2017
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-summary-december-2016/087e23e3-17a4-4806-ba15-d4228f13dd07
1. Prif ystadegau ar gyfer Rhagfyr 2016
pris eiddo cyfartalog yn y DU oedd
£219,544
y newid mewn prisiau blynyddol ar gyfer eiddo yn y DU oedd
7.2%
y newid mewn prisiau misol ar gyfer eiddo yn y DU oedd
1.4%
y ffigur mynegai misol (Ionawr 2015 = 100) ar gyfer y DU oedd
115.2
Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch y polisïau adolygu.
2. Datganiad economaidd
Awgrymodd dangosyddion y farchnad dai ar gyfer Rhagfyr gynnydd cyson mewn prisiau. Tyfodd prisiau tai y DU gan 7.2% yn y flwyddyn hyd at Ragfyr, sef 1.1 pwynt canran yn uwch nag yn Nhachwedd. Fodd bynnag, mae hyn yn parhau i fod yn is na lefel y twf blynyddol a welwyd yn ystod hanner cyntaf y flwyddyn.
Yn ôl crynodeb Asiantau Banc Lloegr o amodau busnes, ar gyfer chwarter olaf 2016 (Hydref i Ragfyr), mae gweithgarwch wedi adfer yn y farchnad dai yn dilyn cyfnod o wendid ym mhob ardal ar wahân i ganol Llundain. Nododd yr adroddiad gystadleuaeth gref yn y farchnad rhoi benthyg morgais sydd efallai’n adlewyrchu’r cyfnod hir cyfredol o gyfraddau llog isel.
O ran y galw am dai, nododd arolwg o’r farchnad breswyl Sefydliad Brenhinol y Syrfewyr Siartredig (RICS) gynnydd cymharol fach yn yr ymholiadau gan brynwyr newydd ar gyfer Rhagfyr. Mae’r newid bach hwn wedi’i adlewyrchu hefyd yn ystadegau Trafodion Eiddo y DU. Mae’r rhain yn dangos i nifer y gwerthiannau tai yn y DU (wedi’i addasu’n dymhorol) gynyddu gan 0.2% rhwng Tachwedd a Rhagfyr 2016, ond o’i gymharu â Rhagfyr 2015 cafwyd 8.5% yn llai o werthiannau tai.
Mae Cymeradwyaethau rhoi benthyg wedi’u gwarantu ar anheddau Banc Lloegr yn dangos i gyfanswm y cymeradwyaethau gynyddu 1.6% yn Rhagfyr 2016 o’i gymharu â Thachwedd 2016. Roedd nifer y cymeradwyaethau 3.9% yn uwch yn Rhagfyr 2016 nag yn Rhagfyr 2015.
Ar yr ochr gyflenwi, nododd RICS na fu unrhyw welliant yn y rhestriadau cenedlaethol am y 10fed mis yn olynol. Tynnodd RICS sylw hefyd at bwysau’r lefelau stoc isel ar weithgarwch prynwyr wrth iddynt ystyried prynu tŷ. Nododd adroddiad Allbwn yn y Diwydiant Adeiladu y Swyddfa Ystadegau Gwladolyn Nhachwedd 2016 fod cyfanswm y tai newydd 12.7% yn uwch nag yn Nhachwedd 2015. Dangosodd adroddiad Allbwn yn y Diwydiant Adeiladu y Swyddfa Ystadegau Gwladol ar gyfer Tachwedd 2016 i 36.5% yn fwy o dai newydd gael eu hadeiladu yn y cyfnod rhwng Ionawr 2014 a Thachwedd 2016 nag yn y cyfnod rhwng Ionawr 2011 a Thachwedd 2013.
3. Newidiadau mewn prisiau
3.1 Newidiadau mewn prisiau blynyddol
Newidiadau mewn prisiau blynyddol ar gyfer y DU yn ôl gwlad dros y pum mlynedd diwethaf
3.2 Pris cyfartalog yn ôl gwlad a rhanbarth swyddfa’r llywodraeth
Pris, newid misol a newid blynyddol yn ôl gwlad a rhanbarth swyddfa’r llywodraeth
| Gwlad a rhanbarth swyddfa’r llywodraeth | Pris | Newid misol | Newid blynyddol |
|---|---|---|---|
| Cymru | £148,177 | 1.0% | 4.7% |
| Gogledd Iwerddon (Chwarter 4 – 2016) | £125,480 | 0.6% | 5.7% |
| Lloegr | £236,424 | 1.6% | 7.7% |
| Yr Alban | £141,553 | -0.2% | 3.5% |
| De Ddwyrain Lloegr | £316,026 | 1.7% | 8.5% |
| De Orllewin Lloegr | £242,808 | 1.3% | 7.0% |
| Dwyrain Canolbarth Lloegr | £176,790 | 1.0% | 7.1% |
| Dwyrain Lloegr | £281,513 | 1.9% | 11.3% |
| Gorllewin Canolbarth Lloegr | £181,328 | 0.4% | 7.1% |
| Gogledd Ddwyrain Lloegr | £128,631 | 2.3% | 4.1% |
| Gogledd Orllewin Lloegr | £152,259 | 1.9% | 6.6% |
| Llundain | £483,803 | 1.8% | 7.5% |
| Swydd Gaerefrog a’r Humber | £154,985 | 2.2% | 6.5% |
Newidiadau mewn prisiau yn ôl gwlad a rhanbarth swyddfa’r llywodraeth
3.3 Pris cyfartalog yn ôl math o eiddo
Pris misol cyfartalog yn ôl math o eiddo
| Math o eiddo | Rhagfyr 2016 | Rhagfyr 2015 | Gwahaniaeth |
|---|---|---|---|
| Tŷ sengl | £333,441 | £309,507 | 7.7% |
| Tŷ pâr | £206,216 | £191,816 | 7.5% |
| Tŷ teras | £176,571 | £166,204 | 6.2% |
| Fflat neu fflat deulawr | £198,483 | £184,519 | 7.6% |
| Holl | £219,544 | £204,839 | 7.2% |
4. Nifer y gwerthiannau
Oherwydd bod cyfnod o 2 i 8 wythnos rhwng cwblhau a chofrestru gwerthiannau, nid yw ffigurau nifer y gwerthiannau ar gyfer y ddau fis diweddaraf yn gyflawn eto, felly nid ydynt wedi’u cynnwys yn yr adroddiad.
4.1 Nifer y gwerthiannau: Hydref 2016
Nifer y gwerthiannau yn ôl gwlad
| Gwlad | Hydref 2016 | Hydref 2015 | Gwahaniaeth |
|---|---|---|---|
| Lloegr | 58,853 | 89,884 | -34.5% |
| Gogledd Iwerddon (Chwarter 4 – 2016) | 5,081 | 6,163 | -17.6% |
| Yr Alban | 8,329 | 9,767 | -14.7% |
| Cymru | 3,415 | 4,610 | -25.9% |
4.2 Nifer y gwerthiannau ar gyfer y DU dros y pum mlynedd diwethaf
Nifer y gwerthiannau ar gyfer 2012 i 2016 yn ôl gwlad: Hydref 2016
5. Statws eiddo ar gyfer y DU
Tai a adeiledir o’r newydd ac eiddo presennol a ailwerthwyd
| Statws eiddo | Pris cyfartalog | Newid misol | Newid blynyddol |
|---|---|---|---|
| Tai a adeiledir o’r newydd | £308,767 | 10.7% | 25.6% |
| Eiddo presennol a ailwerthwyd | £213,953 | 0.7% | 5.9% |
Sylwer: mae’r amcangyfrif cyntaf ar gyfer tai a adeiledir o’r newydd yn seiliedig ar sampl fach a all achosi anwadalrwydd yn yr amcangyfrif cychwynnol hwn.
6. Statws y prynwr ar gyfer Prydain Fawr
Prynwr am y tro cyntaf a chyn berchen-feddiannydd
Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.
| Math o brynwr | Pris cyfartalog | Newid misol | Newid blynyddol |
|---|---|---|---|
| Prynwr am y tro cyntaf | £184,973 | 1.4% | 7.0% |
| Cyn berchen-feddiannydd | £254,924 | 1.4% | 7.4% |
7. Statws ariannu ar gyfer Prydain Fawr
Arian parod a morgais
Ar gyfer Prydain Fawr yn unig – nid yw data Gogledd Iwerddon ar gael ar gyfer statws ariannu.
| Statws ariannu | Pris cyfartalog | Newid misol | Newid blynyddol |
|---|---|---|---|
| Arian parod | £208,731 | 1.1% | 6.8% |
| Morgais | £229,292 | 1.6% | 7.4% |
8. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan y Gofrestrfa Tir, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.
Darllenwch ragor am Fynegai Prisiau Tai y DU.
9. Mynediad i’r data
Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.
10. Cysylltu
Lorna Jordan, Rheolwr Cynnyrch, Cofrestrfa Tir
Ebost [email protected]
Ar gyfer ymholiadau cyffredinol 0300 0068084
Rhys Lewis, Pennaeth Mynegeion y Farchnad Dai, Swyddfa Ystadegau Gwladol
Ebost [email protected]
Ar gyfer ymholiadau data 01633 456400
Ciara Cunningham, Ystadegydd ar gyfer Mynegai Prisiau Tai Gogledd Iwerddon
Ebost [email protected]
Ar gyfer ymholiadau Gogledd Iwerddon 028 90 336035