Ystadegau swyddogol achrededig

Crynodeb o Fynegai Prisiau Tai y DU: Gorffennaf 2019

Cyhoeddwyd 18 Medi 2019

1. Prif ystadegau ar gyfer Gorffennaf 2019

pris eiddo cyfartalog yn y DU oedd

£232,710

y newid mewn prisiau blynyddol ar gyfer eiddo yn y DU oedd

0.7%

y newid mewn prisiau misol ar gyfer eiddo yn y DU oedd

0.5%

y ffigur mynegai misol (Ionawr 2015 = 100) ar gyfer y DU oedd

122.1

Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.

Dyddiad cyhoeddi nesaf Mynegai Prisiau Tai y DU

Cyhoeddir Mynegai Prisiau Tai y DU Awst 2019 am 9.30am ddydd Mercher 16 Hydref 2019. Gweler y calendr dyddiadau rhyddhau.

2. Datganiad economaidd

Cynyddodd prisiau tai y DU gan 0.7% yn y flwyddyn hyd at Orffennaf 2019, i lawr o 1.4% ym Mehefin 2019. Dyma’r gyfradd twf flynyddol isaf ar gyfer y DU er Medi 2012, pan gynyddodd prisiau tai gan 0.4%. Ar sail heb ei haddasu’n dymhorol, cynyddodd prisiau tai cyfartalog yn y DU gan 0.5% rhwng Mehefin 2019 a Gorffennaf 2019, o’i gymharu â chynnydd o 1.2% yn ystod yr un cyfnod flwyddyn yn gynharach (Mehefin 2018 a Gorffennaf 2018).

Roedd y twf cryfaf mewn prisiau tai yng Nghymru, lle y cynyddodd prisiau gan 4.2% yn y flwyddyn hyd at Orffennaf 2019, i lawr ychydig o 4.3% yn y flwyddyn hyd at Fehefin 2019. Roedd y twf blynyddol isaf yng Ngogledd Ddwyrain Lloegr, lle y gostyngodd prisiau gan 2.9% dros y flwyddyn hyd at Orffennaf 2019, wedi ei ddilyn gan Dde Ddwyrain Lloegr, lle y gostyngodd prisiau gan 2.0% dros y flwyddyn.

Nododd Arolwg o Farchnad Breswyl y DU Sefydliad Brenhinol y Syrfewyr Siartredig (RICS) ar gyfer Gorffennaf 2019 fod ymholiadau gan brynwyr newydd wedi cynyddu ychydig am yr ail fis yn olynol. Er gwaetha’r gwelliant cymedrol hwn yn y galw, gostyngodd gwerthiannau newydd eu cytuno ryw fymryn ar draws y DU dros y mis. Ochr yn ochr â hyn, roedd cyfarwyddiadau newydd i werthu yn ddigyfnewid ar gyfer yr ail adroddiad yn olynol. Mae hyn yn dilyn cyfres o un ar ddeg o ostyngiadau dilynol misol mewn rhestriadau newydd.

Adroddodd Adroddiad Chwyddiant Awst Banc Lloegr fod y farchnad dai yn parhau’n wan ond bod rhai arwyddion ei bod wedi sefydlogi. Adroddodd canlyniadau o’i arolwg NMG diweddar o ddisgwyliadau aelwydydd fod aelwydydd yn disgwyl i brisiau tai ostwng ychydig bach dros y 12 mis nesaf. Adroddodd oddeutu 20% o aelwydydd sy’n disgwyl symud tŷ yn y ddwy flynedd nesaf eu bod wedi oedi cyn symud oherwydd yr ansicrwydd ynghylch Brexit.

Dangosodd Ystadegau Trafodion Eiddo y DU ar gyfer Gorffennaf 2019, ar sail wedi ei hasesu’n dymhorol, mai 86,630 oedd y nifer amcangyfrifedig o drafodion ar eiddo preswyl gyda gwerth o £40,000 neu fwy. Mae hyn 12.4% yn is na blwyddyn yn ôl. Rhwng Mehefin 2019 a Gorffennaf 2019, gostyngodd trafodion gan 8.5%.

Dangosodd datganiad Arian a Chredyd Banc Lloegr fod morgeisi a gymeradwywyd ar gyfer prynu tai (dangosydd benthyca yn y dyfodol) wedi cynyddu yng Ngorffennaf 2019 i 67,306. Dyma’r ail cryfaf er Gorffennaf 2017, ond mae’n parhau o fewn yr amrediad cul iawn a welwyd dros y ddwy flynedd ddiwethaf.

3. Newidiadau mewn prisiau

3.1 Newidiadau mewn prisiau blynyddol

Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf

Llwytho data’r siart hon i lawr (CSV, 1KB)

Cynyddodd prisiau tai cyfartalog yn y DU gan 0.7% yn y flwyddyn hyd at Orffennaf 2019, i lawr o 1.4% ym Mehefin 2019.

Ar lefel gwlad, cofnodwyd y twf blynyddol mwyaf mewn prisiau yng Nghymru, lle y cynyddodd gan 4.2% dros y flwyddyn hyd at Orffennaf 2019.

Yn yr Alban cynyddodd prisiau tai gan 1.4% dros y 12 mis diwethaf.

Roedd y twf blynyddol arafaf yn Lloegr lle y cynyddodd prisiau gan 0.3% yn y flwyddyn hyd at Orffennaf 2019.

Yng Ngogledd Iwerddon cynyddodd prisiau tai gan 3.5% dros y flwyddyn hyd at Chwarter 2 (Ebrill i Fehefin) 2019.

3.2 Pris cyfartalog yn ôl gwlad a rhanbarth swyddfa’r llywodraeth

Pris, newid misol a newid blynyddol yn ôl gwlad a rhanbarth swyddfa’r llywodraeth

Gwlad a rhanbarth swyddfa’r llywodraeth	Pris	Newid misol	Newid blynyddol
Cymru	£165,303	1.0%	4.2%
Gogledd Iwerddon (Chwarter 2 - 2019)	£136,767	0.8%	3.5%
Lloegr	£248,837	0.5%	0.3%
Yr Alban	£153,968	0.7%	1.4%
De Ddwyrain Lloegr	£320,454	-0.7%	-2.0%
De Orllewin Lloegr	£258,602	1.2%	0.7%
Dwyrain Canolbarth Lloegr	£194,798	0.3%	1.9%
Dwyrain Lloegr	£292,444	0.1%	-0.5%
Gorllewin Canolbarth Lloegr	£199,802	1.2%	1.8%
Gogledd Ddwyrain Lloegr	£127,466	-2.1%	-2.9%
Gogledd Orllewin Lloegr	£166,022	1.0%	2.3%
Llundain	£477,813	1.0%	-1.4%
Swydd Gaerefrog a’r Humber	£167,181	1.9%	3.2%

Llwytho data’r tabl hwn i lawr (CSV, 1KB)

Newidiadau mewn prisiau yn ôl gwlad a rhanbarth swyddfa’r llywodraeth

Ar sail heb ei haddasu’n dymhorol, cynyddodd prisiau tai cyfartalog yn y DU gan 0.5% rhwng Mehefin 2019 a Gorffennaf 2019, o’i gymharu â chynnydd o 1.2% yn ystod yr un cyfnod flwyddyn yn gynharach (Mehefin 2018 a Gorffennaf 2018). Ar sail wedi ei haddasu’n dymhorol, gostyngodd prisiau tai cyfartalog yn y DU gan 0.3% rhwng Mehefin 2019 a Gorffennaf 2019.

Sylwer: bod ffigur Gogledd Iwerddon yn cynrychioli newid o 3 mis ac na ellir ei gymharu â’r rhanbarthau neu’r gwledydd eraill.

3.3 Pris cyfartalog yn ôl math o eiddo

Pris misol cyfartalog yn ôl math o eiddo

Math o eiddo	Gorffennaf 2019	Gorffennaf 2018	Gwahaniaeth
Tŷ sengl	£351,678	£350,350	0.4%
Tŷ pâr	£220,387	£217,959	1.1%
Tŷ teras	£189,638	£187,485	1.1%
Fflat neu fflat deulawr	£205,537	£206,118	-0.3%
Holl	£232,710	£231,187	0.7%

Llwytho data’r tabl hwn i lawr (CSV, 1KB)

4. Nifer y gwerthiannau

Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng 2 wythnos a 2 fis ond gall gymryd yn hwy. Nid yw ffigurau’r gwerthiannau ar gyfer y 2 fis diweddaraf ar lefel ddibynadwy ar gyfer adrodd eto, felly nid ydynt wedi’u cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.

Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllid (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.

4.1 Nifer y gwerthiannau

Nifer y gwerthiannau yn ôl gwlad

Gwlad	Mai 2019	Mai 2018
Lloegr	59,556	67,590
Gogledd Iwerddon (Chwarter 2 - 2019)	5,210	6,189
Yr Alban	9,540	8,135
Cymru	3,493	3,799

Llwytho data’r tabl hwn i lawr (CSV, 1KB)

Sylwer: Mae’r golofn ‘Gwahaniaeth’ wedi cael ei symud ymaith o’r tabl hwn oherwydd nid yw data’r mis diweddaraf yn gyflawn eto.

Mae’r amcangyfrif ar gyfer Mai 2019 wedi ei gyfrifo ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Mai 2019 yn cynyddu wrth i fwy o drafodion gael eu cynnwys yn y mynegai.

Gan gymharu’r amcangyfrif dros dro o drafodion ar gyfer Mai 2018 â’r amcangyfrif dros dro ar gyfer Mai 2019, cynyddodd nifer y trafodion gan 2.6% yn Lloegr, 19.4% yn yr Alban, 3.7% yng Nghymru a lleihaodd gan 1.8% yng Ngogledd Iwerddon.

Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, bod nifer y trafodion wedi lleihau gan 0.4% yn Lloegr a chynyddu gan 18.3% yn yr Alban a 4.6% yng Nghymru yn y flwyddyn hyd at Fai 2019.

4.2 Nifer y gwerthiannau ar gyfer y DU dros y pum mlynedd diwethaf

Nifer y gwerthiannau ar gyfer 2015 i 2019 yn ôl gwlad: Mai

Llwytho data’r siart hon i lawr (CSV, 1KB)

Mae’r amcangyfrif ar gyfer Mai 2019 wedi ei gyfrifo ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Mai 2019 yn cynyddu wrth i fwy o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.

Gan gymharu’r amcangyfrif dros dro o drafodion ar gyfer Mai 2018 â’r amcangyfrif dros dro ar gyfer Mai 2019, cynyddodd nifer y trafodion gan 4.2%.

Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn) yn adrodd, ar sail heb ei haddasu’n dymhorol, bod nifer y trafodion yn y DU wedi cynyddu gan 1.6% yn y flwyddyn hyd at Fai 2019.

5. Statws eiddo ar gyfer y DU

Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y 2 fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi’u cynnwys yn yr adroddiad.

Tai a adeiledir o’r newydd ac eiddo presennol a ailwerthwyd

Statws eiddo	Pris cyfartalog Mai 2019	Newid misol	Newid blynyddol
Tai a adeiledir o’r newydd	£282,367	-1.0%	2.0%
Eiddo presennol a ailwerthwyd	£226,263	0.4%	1.2%

Llwytho data’r tabl hwn i lawr (CSV, 1KB)

Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn dulliau a ddefnyddir i greu Mynegai Prisiau Tai y DU.

6. Statws y prynwr ar gyfer Prydain Fawr

Prynwr am y tro cyntaf a chyn berchen-feddiannydd

Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.

Math o brynwr	Pris cyfartalog Gorffennaf 2019	Newid misol	Newid blynyddol
Prynwr am y tro cyntaf	£196,482	0.9%	0.9%
Cyn berchen-feddiannydd	£269,144	0.2%	0.3%

Llwytho data’r tabl hwn i lawr (CSV, 1KB)

7. Statws ariannu ar gyfer Prydain Fawr

Arian parod a morgais

Ar gyfer Prydain Fawr yn unig – nid yw data Gogledd Iwerddon ar gael ar gyfer statws ariannu.

Statws ariannu	Pris cyfartalog Gorffennaf 2019	Newid misol	Newid blynyddol
Arian parod	£221,487	0.5%	0.5%
Morgais	£242,565	0.6%	0.7%

Llwytho data’r tabl hwn i lawr (CSV, 1KB)

8. Mynediad i’r data

Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.

Diwygiadau data

Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.

Mae cyfres y DU wedi cael ei ddiwygio yn ôl i 2016 fel rhan o’r datganiad hwn er mwyn cywiro rhai anghysondebau a nodwyd yn y data a achoswyd gan y broses cysylltu cyfnodau. Mae hyn wedi effeithio’n gyffredinol ar gyfradd twf flynyddol y DU o 2016 gan hyd at 0.1 pwynt canran. Mae’r holl ddaearyddiaethau eraill heb eu heffeithio.

9. Mynegai Prisiau Tai y DU

Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.

Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/Asiantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.

Darllenwch ragor Am Fynegai Prisiau Tai y DU.

10. Cysylltu

David Lockett, Rheolwr Cynnyrch, Cofrestrfa Tir EM

Ebost
[email protected]

Ffôn
0300 0068317

Rhys Lewis, Pennaeth Mynegeion y Farchnad Dai, Swyddfa Ystadegau Gwladol

Ebost
[email protected]

Ffôn
01633 456400

Ciara Cunningham, Ystadegydd ar gyfer Mynegai Prisiau Tai Gogledd Iwerddon

Ebost
[email protected]

Ffôn
028 90 336035

Rachael Fairley, Rheolwr Tîm Data Tir ac Eiddo, Cofrestri’r Alban

Ebost
[email protected]

Ffôn
07919570915