Crynodeb o Fynegai Prisiau Tai y DU: Mai 2016
Cyhoeddwyd 19 Gorffennaf 2016
Yn berthnasol i Loegr
© Hawlfraint y Goron 2016
Mae'r cyhoeddiad hwn wedi'i drwyddedu o dan delerau Trwydded Agored y Llywodraeth v3.0 ac eithrio ble nodir yn wahanol. I weld y drwydded hon, ewch i nationalarchives.gov.uk/doc/open-government-licence/version/3 neu ysgrifennwch at y Tîm Polisi Gwybodaeth, Yr Archifau Gwladol, Kew, Llundain TW9 4DU, neu anfonwch e-bost at: [email protected].
Lle byddwn wedi nodi unrhyw wybodaeth am hawlfraint trydydd parti, bydd angen i chi gael caniatâd gan ddeiliaid yr hawlfraint dan sylw.
Mae'r cyhoeddiad hwn ar gael yn https://www.gov.uk/government/statistics/uk-house-price-index-summary-may-2016/250ec8ef-2961-419b-b204-8b5f474e5ed9
1. Prif ystadegau
Ar gyfer Mai 2016:
- pris eiddo cyfartalog yn y DU oedd £211,230
- y newid mewn prisiau blynyddol ar gyfer eiddo yn y DU oedd 8.1%
- y newid mewn prisiau misol ar gyfer eiddo yn y DU oedd 1.1%
- y ffigur mynegai misol ar gyfer y DU oedd 110.8 (Ionawr 2015 = 100)
2. Datganiad economaidd
Mae’r pwysau parhaus ar brisiau yn y farchnad dai wedi mynd law yn llaw â dangosyddion galw cryf o’i gymharu â dangosyddion cyflenwi yn y misoedd diwethaf. Fodd bynnag, yn dilyn cyfraddau uwch o Dreth Tir Toll Stamp a’r Dreth Trafodion Adeiladau ar eiddo ychwanegol yng Nghymru, Lloegr, Gogledd Iwerddon a’r Alban yn Ebrill 2016, ceir arwyddion bod gweithgarwch y farchnad dai ym Mai 2016 wedi bod yn llai bywiog o’i gymharu â’r cyfnod cyn y newidiadau.
Mae’n ymddangos bod amseriad y dreth tir toll stamp wedi arafu galw dros y misoedd diwethaf, ond mae hyn yn dilyn cyfnod estynedig o gynnydd mewn gweithgarwch. Yn dilyn gostyngiad o 6.2% ar y mis yn Ebrill 2016, gwelwyd ychydig o adferiad yn nifer y cymeradwyaethau rhoi benthyg ar gyfer prynu tai, gan 1.3% ym Mai. Fodd bynnag, mae cymeradwyaethau misol yn parhau i fod yn is na’r lefelau a welwyd yn y 10 mis cyn y newidiadau i’r doll stamp. Yn dilyn cynnydd cryf mewn gwerthiannau yn y mis cyn y newidiadau i’r doll stamp (Mawrth 2016), cwympodd gwerthiannau tai y DU gan 42.3% yn Ebrill 2016 i’w lefel isaf er Mai 2013; dim ond ychydig o adferiad a welwyd ym Mai 2016. Mae data Sefydliad Brenhinol y Syrfewyr Siartredig (RICS) hefyd yn awgrymu y lleihaodd y galw gan brynwyr am yr ail fis yn olynol ym Mai 2016, gyda’r gyfradd gyflymaf o leihad yn y galw ers canol 2008. Lleihaodd ymholiadau gan brynwyr newydd ar draws y rhan fwyaf o ardaloedd yn y DU gydag amrywiadau rhanbarthol yng nghyflwr y farchnad dai.
Roedd dangosyddion o gyflenwad yn y farchnad dai yn fwy cymysg. Nododd Crynodeb o Amodau Busnes Asiantau Banc Lloegr ar gyfer Mai 2016 brinder o gyflenwad tai a adeiledir o’r newydd a marchnad eilaidd. Nododd RICS hefyd fod y cyflenwad cyffredinol, fel y’i mesurir gan gyfarwyddiadau newydd i werthu, wedi lleihau’n gyffredinol ym Mai 2016.
Mewn cyferbyniad, awgrymodd datganiad diweddaraf Allbwn yn y Diwydiant Adeiladu’r Swyddfa Ystadegau Gwladol y cynyddodd allbwn tai a adeiledir o’r newydd gan 3.3% yn y tri mis blaenorol (Chwefror i Ebrill 2016) o’i gymharu â’r un cyfnod flwyddyn yn gynharach. Fodd bynnag, gall fod oedi cyn i’r cyflenwad hwn o dai a adeiledir o’r newydd gael effaith ar gyflwr y farchnad dai yn fwy cyffredinol.
3. Newidiadau mewn prisiau
3.1 Newidiadau mewn prisiau blynyddol
Newidiadau mewn prisiau blynyddol ar gyfer y DU yn ôl gwlad dros y 5 mlynedd diwethaf
3.2 Pris cyfartalog yn ôl gwlad a rhanbarth swyddfa’r llywodraeth
Pris, newid misol a newid blynyddol yn ôl gwlad a rhanbarth swyddfa’r llywodraeth
| Gwlad a rhanbarth swyddfa’r llywodraeth | Pris | Newid misol | Newid blynyddol |
|---|---|---|---|
| Cymru | £142,568 | 0.9% | 3.6% |
| Gogledd Iwerddon (Chwarter 1 – 2016) | £117,524 | -1.0% | 5.9% |
| Lloegr | £226,807 | 1.0% | 8.9% |
| Yr Alban | £141,142 | 2.8% | 4.0% |
| De Ddwyrain Lloegr | £306,037 | 1.8% | 12.9% |
| De Orllewin Lloegr | £231,469 | 1.3% | 7.4% |
| Dwyrain Canolbarth Lloegr | £170,120 | 1.6% | 7.9% |
| Dwyrain Lloegr | £265,156 | 1.4% | 12.8% |
| Gorllewin Canolbarth Lloegr | £173,566 | -0.1% | 6.7% |
| Gogledd Ddwyrain Lloegr | £124,466 | 2.1% | 3.2% |
| Gogledd Orllewin Lloegr | £145,730 | -0.3% | 4.3% |
| Llundain | £472,163 | 1.5% | 13.6% |
| Swydd Gaerefrog a’r Humber | £147,044 | -0.2% | 3.8% |
Newidiadau mewn prisiau yn ôl gwlad a rhanbarth swyddfa’r llywodraeth
3.3 Pris cyfartalog yn ôl math o eiddo
Pris misol cyfartalog yn ôl math o eiddo
| Math o eiddo | Mai 2016 | Mai 2015 | Gwahaniaeth |
|---|---|---|---|
| Tŷ sengl | £313,413 | £292,765 | 7.1% |
| Tŷ pâr | £198,115 | £183,485 | 8.0% |
| Tŷ teras | £172,084 | £158,540 | 8.5% |
| Fflat neu fflat deulawr | £192,999 | £176,819 | 9.2% |
| Holl | £211,230 | £195,313 | 8.1% |
4. Nifer y gwerthiannau
Oherwydd bod cyfnod o 2 i 8 wythnos rhwng cwblhau a chofrestru gwerthiannau, nid yw ffigurau nifer y gwerthiannau ar gyfer y ddau fis diweddaraf yn gyflawn eto, felly nid ydynt wedi’u cynnwys yn yr adroddiad.
4.1 Nifer y gwerthiannau: Mawrth 2016
Nifer y gwerthiannau yn ôl gwlad
| Gwlad | Mawrth 2016 | Mawrth 2015 | Gwahaniaeth |
|---|---|---|---|
| Cymru | 5,002 | 3,358 | 49.0% |
| Gogledd Iwerddon | 5,272 | 4,555 | 15.7% |
| Lloegr | 102,597 | 67,489 | 52.0% |
| Yr Alban | 11,017 | 7,576 | 45.4% |
4.2 Nifer y gwerthiannau ar gyfer y DU dros y 5 mlynedd diwethaf
Nifer y gwerthiannau ar gyfer 2012 i 2016 yn ôl gwlad: Mawrth 2016
5. Statws eiddo ar gyfer y DU
Tai a adeiledir o’r newydd ac eiddo presennol a ailwerthwyd
| Statws Eiddo | Pris cyfartalog | Newid misol | Newid blynyddol |
|---|---|---|---|
| Tai a adeiledir o’r newydd | £270,178 | 9.0% | 16.4% |
| Eiddo presennol a ailwerthwyd | £207,281 | 0.6% | 7.5% |
Sylwer: mae’r amcangyfrif cyntaf ar gyfer adeiladau newydd yn seiliedig ar sampl fach a all achosi anwadalrwydd yn yr amcangyfrif cychwynnol hwn.
6. Statws y prynwr ar gyfer Prydain Fawr
Prynwr am y tro cyntaf a chyn berchen-feddiannydd
Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.
| Math o brynwr | Pris cyfartalog | Newid misol | Newid blynyddol |
|---|---|---|---|
| Prynwr am y tro cyntaf | £178,923 | 1.2% | 8.3% |
| Cyn berchen-feddiannydd | £244,413 | 1.1% | 8.2% |
7. Statws ariannu ar gyfer Prydain Fawr
Arian parod a morgais
Ar gyfer Prydain Fawr yn unig – nid yw data Gogledd Iwerddon ar gael ar gyfer statws ariannu.
| Statws ariannu | Pris cyfartalog | Newid misol | Newid blynyddol |
|---|---|---|---|
| Arian parod | £200,699 | 1.1% | 7.4% |
| Morgais | £220,765 | 1.2% | 8.7% |
8. Mynegai Prisiau Tai y DU
Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.
Mae data ar gyfer Mynegai Prisiau Tai y DU yn cael ei ddarparu gan y Gofrestrfa Tir, Cofrestri’r Alban, Gwasanaethau Tir ac Eiddo Gogledd Iwerddon ac Asiantaeth y Swyddfa Brisio.
Darllenwch ragor am Fynegai Prisiau Tai y DU.
9. Mynediad i’r data
Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.
10. Cysylltu
Lorna Jordan, Rheolwr Cynnyrch, Cofrestrfa Tir
Ebost [email protected]
Ar gyfer ymholiadau cyffredinol 0300 0068084
Rhys Lewis, Pennaeth Mynegeion y Farchnad Dai, Swyddfa Ystadegau Gwladol
Ebost [email protected]
Ar gyfer ymholiadau data 01633 456400
Ciara Cunningham, Ystadegydd ar gyfer Mynegai Prisiau Tai Gogledd Iwerddon
Ebost [email protected]
Ar gyfer ymholiadau Gogledd Iwerddon 028 90 336035