Ystadegau swyddogol achrededig

Crynodeb o Fynegai Prisiau Tai y DU: Medi 2018

Cyhoeddwyd 14 Tachwedd 2018

1. Prif ystadegau ar gyfer Medi 2018

pris eiddo cyfartalog yn y DU oedd

£232,554

y newid mewn prisiau blynyddol ar gyfer eiddo yn y DU oedd

3.5%

y newid mewn prisiau misol ar gyfer eiddo yn y DU oedd

0%

y ffigur mynegai misol (Ionawr 2015 = 100) ar gyfer y DU oedd

122.0

Mae’r amcangyfrifon ar gyfer y misoedd mwyaf diweddar yn debygol o gael eu diweddaru wrth i ragor o ddata gael ei ymgorffori. Darllenwch Diwygiadau i ddata Mynegai Prisiau Tai y DU.

Dyddiad cyhoeddi nesaf Mynegai Prisiau Tai y DU

Cyhoeddir Mynegai Prisiau Tai y DU Medi 2018 am 9.30am ddydd Mercher 19 Rhagfyr 2018. Gweler y calendr dyddiadau rhyddhau.

2. Datganiad economaidd

Tyfodd prisiau tai y DU gan 3.5% yn y flwyddyn hyd at Fedi 2018, i fyny o 3.1% yn y flwyddyn hyd at Awst 2018.Ar sail heb ei haddasu’n dymhorol, mae prisiau tai cyfartalog yn y DU yn ddigyfnewid (0.0%) rhwng Awst 2018 a Medi 2018, o’i gymharu â gostyngiad o 0.4% mewn prisiau cyfartalog yn ystod yr un cyfnod flwyddyn yn gynt (Awst 2017 a Medi 2017).

Tyfodd prisiau tai gyflymaf yng Ngorllewin Canolbarth Lloegr gyda chynnydd o 6.1% yn y flwyddyn hyd at Fedi 2018, wedi’i ddilyn yn agos gan Ddwyrain Canolbarth Lloegr a gynyddodd gan 6.0% dros y flwyddyn. Gostyngodd prisiau tai yn Llundain gan 0.3% yn y flwyddyn hyd at Fedi 2018. Mae prisiau tai wedi bod yn gostwng yn Llundain dros y flwyddyn er Mawrth 2018.

Yn ôl adroddiad chwyddiant Tachwedd Banc Lloegr y rheswm tebygol dros yr arafu ym marchnad Llundain a welwyd ers canol 2016 yw oherwydd i’r ardal gael ei heffeithio’n anghymesur gan newidiadau i reoliadau a threth, a hefyd gan lefel is o ymfudo net o’r Undeb Ewropeaidd.

Adroddodd crynodeb o amodau busnes Asiantau Banc Lloegr ar gyfer 2018 Chwarter 3 ei bod hi’n ymddangos bod y farchnad dai wedi meddalu ychydig gyda llai o drafodion a chwyddiant gwannach mewn prisiau mewn sawl ardal.Mae gwerthiannau tai newydd pris is yn parhau i gael eu cynorthwyo gan y cynllun Cymorth i Brynu.

Mae Arolwg o Farchnad Breswyl y DU Sefydliad Brenhinol y Syrfewyr Siartredig (RICS) ar gyfer Medi 2018 yn nodi bod y galw cenedlaethol gan brynwyr wedi gwanhau ychydig am yr ail adroddiad yn olynol ar ôl bod yn weddol sefydlog dros y pedwar mis cyn hynny. Ar yr ochr gyflenwi, mae’r gweddill net ar gyfer gwerthiannau newydd eu cytuno wedi parhau’n negyddol ar draws y DU. Yn unol â hynny, mae ei gyfres disgwyliadau gwerthiannau yn negyddol am y 12 mis nesaf ar gyfer y DU gyfan.

Dangosodd Ystadegau Trafodion Eiddo y DU ar gyfer Medi 2018, ar sail wedi’i haddasu’n dymhorol, fod nifer y trafodion ar eiddo preswyl gyda gwerth o £40,000 neu fwy yn 98,400.Mae hyn 2.7% yn is o’i gymharu â blwyddyn yn ôl.Rhwng Awst a Medi 2018, lleihaodd trafodion gan 0.5%.

Dangosodd datganiad Arian a Chredyd Banc Lloegr fod nifer y morgeisi a gymeradwywyd ar gyfer prynu tai yn ddigyfnewid yn fras ar 65,000 ym Medi 2018. Ystyrir bod nifer y morgeisi a gafodd eu cymeradwyo yn brif ddangosydd nifer y trafodion.

3. Newidiadau mewn prisiau

3.1 Newidiadau mewn prisiau blynyddol

Newidiadau mewn prisiau blynyddol ar gyfer y DU yn ôl gwlad dros y pum mlynedd diwethaf

Llwytho data’r siart hon i lawr (CSV, 1KB)

Cynyddodd prisiau tai cyfartalog yn y DU gan 3.5% yn y flwyddyn hyd at Fedi 2018 (i fyny o 3.1% yn Awst 2018).

Ar lefel gwlad, cofnodwyd y twf blynyddol mwyaf mewn prisiau yng Nghymru a’r Alban, gyda chynnydd o 5.8% yn y ddwy wlad dros y flwyddyn hyd at Fedi 2018.

Yn Lloegr, cynyddodd y pris cyfartalog gan 3.0% dros y flwyddyn.

Cynyddodd y pris cyfartalog yng Ngogledd Iwerddon gan 4.8% dros y flwyddyn hyd at chwarter 3 (Gorffennaf i Fedi) 2018.

3.2 Pris cyfartalog yn ôl gwlad a rhanbarth swyddfa’r llywodraeth

Pris, newid misol a newid blynyddol yn ôl gwlad a rhanbarth swyddfa’r llywodraeth

Gwlad a rhanbarth swyddfa’r llywodraeth	Pris	Newid misol	Newid blynyddol
Cymru	£162,089	0.5%	5.8%
Gogledd Iwerddon (Chwarter 3 - 2018)	£135,060	2.3%	4.8%
Lloegr	£249,408	0.0%	3.0%
Yr Alban	£152,961	-0.1%	5.8%
De Ddwyrain Lloegr	£328,059	-0.2%	1.7%
De Orllewin Lloegr	£260,142	0.3%	4.3%
Dwyrain Canolbarth Lloegr	£194,803	1.1%	6.0%
Dwyrain Lloegr	£294,027	-0.1%	2.0%
Gorllewin Canolbarth Lloegr	£199,763	1.1%	6.1%
Gogledd Ddwyrain Lloegr	£132,049	0.8%	3.5%
Gogledd Orllewin Lloegr	£162,915	-0.8%	3.3%
Llundain	£482,241	-0.4%	-0.3%
Swydd Gaerefrog a’r Humber	£162,009	-1.1%	2.6%

Llwytho data’r tabl hwn i lawr (CSV, 1KB)

Newidiadau mewn prisiau yn ôl gwlad a rhanbarth swyddfa’r llywodraeth

Ar sail heb ei haddasu’n dymhorol, roedd prisiau tai cyfartalog yn y DU yn ddigyfnewid (0.0%) rhwng Awst 2018 a Medi 2018, o’i gymharu â gostyngiad o 0.4% mewn prisiau cyfartalog yn ystod yr un cyfnod flwyddyn yn gynt (Awst 2017 a Medi 2017). Ar sail wedi’i haddasu’n dymhorol, cynyddodd prisiau tai cyfartalog yn y DU gan 0.3% rhwng Awst 2018 a Medi 2018.

Sylwer bod ffigur Gogledd Iwerddon yn cynrychioli newid o dri mis ac na ellir ei gymharu â’r rhanbarthau neu’r gwledydd eraill.

3.3 Pris cyfartalog yn ôl math o eiddo

Pris misol cyfartalog yn ôl math o eiddo

Math o eiddo	Medi 2018	Medi 2017	Gwahaniaeth
Tŷ sengl	£356,912	£339,294	5.2%
Tŷ pâr	£219,776	£210,278	4.5%
Tŷ teras	£188,629	£181,686	3.8%
Fflat neu fflat deulawr	£203,374	£203,910	-0.3%
Holl	£232,554	£224,729	3.5%

Llwytho data’r tabl hwn i lawr (CSV, 1KB)

4. Nifer y gwerthiannau

Mae’r amser rhwng gwerthu eiddo a chofrestru’r wybodaeth hon yn amrywio. Fel arfer, mae’n cymryd rhwng pythefnos a dau fis ond gall gymryd yn hwy. Nid yw ffigurau’r gwerthiannau ar gyfer y ddau fis diweddaraf ar lefel ddibynadwy ar gyfer adrodd eto, felly nid ydynt wedi’u cynnwys yn yr adroddiad. Bydd trafodion cyhoeddedig ar gyfer y misoedd diwethaf yn cynyddu wrth i drafodion cofrestredig hwyrach gael eu cynnwys yn y mynegai.

Mae data ar nifer y gwerthiannau hefyd ar gael yn ôl statws eiddo (adeiladau newydd ac eiddo sy’n bodoli) a statws cyllid (arian parod a morgais) yn ein tablau data y gellir eu llwytho i lawr. Mae trafodion sy’n ymwneud â chreu cofrestr newydd, megis adeiladau newydd, yn fwy cymhleth ac mae angen mwy o amser i’w prosesu. Darllenwch Diwygiadau i ddata Mynegai Prisiau Tai y DU am ragor o wybodaeth.

4.1 Nifer y gwerthiannau

Nifer y gwerthiannau yn ôl gwlad

Gwlad	Gorffennaf 2018	Gorffennaf 2017	Gwahaniaeth
Lloegr	63,774	76,993	-17.2%
Gogledd Iwerddon (Chwarter 3 - 2018)	5,722	6,533	-12.4%
Yr Alban	8,770	8,943	-1.9%
Cymru	3,702	4,143	-10.6%

Sylwer: Bydd y ganran newid blynyddol yn y golofn ‘Gwahaniaeth’ yn cael ei dylanwadu’n bennaf gan lefel cyflawnrwydd data’r mis diweddaraf a adroddwyd, ac nid yw o reidrwydd yn adlewyrchu’r tueddiadau gwirioneddol.

Cyfrifwyd yr amcangyfrif ar gyfer Gorffennaf 2018 ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Gorffennaf 2018 yn cynyddu wrth i fwy o drafodion gael eu cynnwys yn y mynegai.

Gan gymharu’r amcangyfrif dros dro o drafodion ar gyfer Gorffennaf 2017 â’r amcangyfrif dros dro ar gyfer Gorffennaf 2018, lleihaodd nifer y trafodion gan 1.3% yn Lloegr a chynyddodd nifer y trafodion gan 0.5% yn yr Alban, 2.9% yng Nghymru a 4.9% yng Ngogledd Iwerddon.

Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn), yn adrodd ar sail heb ei haddasu’n dymhorol, bod nifer y trafodion wedi lleihau gan 2.9% yn Lloegr, 13.2% yn yr Alban ac wedi cynyddu gan 3.0% yng Nghymru yn y flwyddyn hyd at Orffennaf 2018.

4.2 Nifer y gwerthiannau ar gyfer y DU dros y pum mlynedd diwethaf

Nifer y gwerthiannau ar gyfer 2014 i 2018 yn ôl gwlad: Gorffennaf

Llwytho data’r siart hon i lawr (CSV, 1KB)

Yng Ngorffennaf 2018, lleihaodd nifer y trafodion eiddo a gwblhawyd yn y DU gan 15.1% o’i gymharu â Gorffennaf 2017. O’i gymharu â Mehefin 2018, lleihaodd nifer y trafodion eiddo a gwblhawyd yn y DU gan 9.2%.

Cyfrifwyd yr amcangyfrif ar gyfer Gorffennaf 2018 ar sail oddeutu 85% o’r trafodion cofrestredig terfynol. Bydd nifer y trafodion eiddo ar gyfer Gorffennaf 2018 yn cynyddu wrth i fwy o drafodion gael eu cynnwys yn y mynegai. Gweler ein Polisi Diwygiadau am ragor o wybodaeth.

O gymharu’r amcangyfrif dros dro o drafodion ar gyfer Gorffennaf 2017 â’r amcangyfrif dros dro ar gyfer Gorffennaf 2018, lleihaodd nifer y trafodion gan 0.5%.

Mae Ystadegau Trafodion Eiddo y DU a gyhoeddir gan Gyllid a Thollau EM (sy’n wahanol eu cwmpas ond yn fwy cyflawn ar gyfer y cyfnod hwn), yn adrodd ar sail wedi’i haddasu’n dymhorol, bod nifer y trafodion yn y DU wedi lleihau gan 6.4% yn y flwyddyn hyd at Orffennaf 2018.

5. Statws eiddo ar gyfer y DU

Mae trafodion sy’n cynnwys creu cofrestr newydd, megis adeiladau newydd, yn fwy cymhleth ac felly mae angen mwy o amser i’w prosesu. Mae hyn yn golygu y gallant gymryd yn hwy i ymddangos yn y cofrestri tir. Nid yw nifer y trafodion adeiladau newydd ar gyfer y ddau fis diweddaraf ar lefel ddibynadwy ar gyfer adrodd ar y dadansoddiad rhwng adeiladau newydd ac eiddo sy’n bodoli a ailwerthwyd, felly nid ydynt wedi’u cynnwys yn yr adroddiad.

Tai a adeiledir o’r newydd ac eiddo presennol a ailwerthwyd

Statws eiddo	Pris cyfartalog Gorffennaf 2018	Newid misol	Newid blynyddol
Tai a adeiledir o’r newydd	£293,064	2.5%	6.8%
Eiddo presennol a ailwerthwyd	£227,522	1.3%	2.9%

Llwytho data’r tabl hwn i lawr (CSV, 1KB)

Sylwer: er datganiad Hydref 2017, gwnaed newidiadau i’n model amcangyfrif wrth gyfrifo ein hamcangyfrif dros dro. Mae gwybodaeth bellach ac effaith y newid hwn i’w gweld yn methods used to produce the UK HPI.

6. Statws y prynwr ar gyfer Prydain Fawr

Prynwr am y tro cyntaf a chyn berchen-feddiannydd

Ar gyfer Prydain Fawr yn unig – nid yw data Gogledd Iwerddon ar gael ar gyfer statws y prynwr.

Math o brynwr	Pris cyfartalog Medi 2018	Newid misol	Newid blynyddol
Prynwr am y tro cyntaf	£195,404	-0.4%	2.9%
Cyn berchen-feddiannydd	£270,806	0.3%	3.9%

Llwytho data’r tabl hwn i lawr (CSV, 1KB)

7. Statws ariannu ar gyfer Prydain Fawr

Arian parod a morgais

Ar gyfer Prydain Fawr yn unig – nid yw data Gogledd Iwerddon ar gael ar gyfer statws ariannu.

Statws ariannu	Pris cyfartalog Medi 2018	Newid misol	Newid blynyddol
Arian parod	£221,681	-0.1%	3.3%
Morgais	£242,591	0.0%	3.5%

Llwytho data’r tabl hwn i lawr (CSV, 1KB)

8. Mynediad i’r data

Mae modd llwytho’r data i lawr fel ffeiliau CSV neu gael mynediad iddo gyda’n teclyn Mynegai Prisiau Tai y DU.

Diwygiadau data

Gallwch weld unrhyw ddiwygiadau i ddata a gyhoeddwyd yn flaenorol yn y lawrlwythiadau data neu cewch wybod rhagor am ddiwygiadau yn ein cyfarwyddyd Am Fynegai Prisiau Tai y DU.

9. Mynegai Prisiau Tai y DU

Mae Mynegai Prisiau Tai y DU yn cael ei gyfrifo gan y Swyddfa Ystadegau Gwladol a Gwasanaethau Tir ac Eiddo Gogledd Iwerddon. Darllenwch ragor am y fethodoleg a ddefnyddir i greu Mynegai Prisiau Tai y DU.

Mae data ar gyfer Mynegai Prisiau Tai y DU yn cael ei ddarparu gan Gofrestrfa Tir EM, Cofrestri’r Alban, Gwasanaethau Tir ac Eiddo/A siantaeth Ystadegau ac Ymchwil Gogledd Iwerddon ac Asiantaeth y Swyddfa Brisio.

Darllenwch ragor Am Fynegai Prisiau Tai y DU.

10. Cysylltu

David Lockett, Rheolwr Cynnyrch, Cofrestrfa Tir EM

Ebost
[email protected]

Ffôn
0300 0068317

Rhys Lewis, Pennaeth Mynegeion y Farchnad Dai, Swyddfa Ystadegau Gwladol

Ebost
[email protected]

Ffôn
01633 456400

Ciara Cunningham, Ystadegydd ar gyfer Mynegai Prisiau Tai Gogledd Iwerddon

Ebost
[email protected]

Ffôn
028 90 336035

Ailsa Robertson, Rheolwr Tîm Data Tir ac Eiddo, Cofrestri’r Alban

Ebost
[email protected]

Ffôn
0131 659 6111 Est. 6387