Gwneud cais i ymuno â’r Cynllun Cyfrifyddu Blynyddol TAW
Defnyddiwch ffurflen VAT600AA os ydych eisoes wedi cofrestru ar gyfer TAW ac am ymuno â’r Cynllun Cyfrifyddu Blynyddol.
Pwy ddylai wneud cais
Mae’n rhaid i chi fod wedi cofrestru ar gyfer TAW a bod yn gymwys i ymuno â’r Cynllun Cyfrifyddu Blynyddol (yn agor tudalen Saesneg).
Os nad ydych wedi cofrestru ar gyfer TAW, gallwch fynd ati i gofrestru ar gyfer TAW a gwneud cais i ymuno â’r Cynllun Cyfrifyddu Blynyddol ar yr un pryd.
Yr hyn y bydd ei angen arnoch
Er mwyn gwneud cais i ymuno â’r Cynllun Cyfrifyddu Blynyddol, bydd angen y canlynol arnoch:
-
eich enw busnes — dyma enw’ch busnes, a dylai fod ar eich Tystysgrif Cofrestru TAW
-
cyfeiriad eich busnes — dyma’ch prif leoliad busnes
-
eich rhif cofrestru TAW — os nad ydych wedi cael y rhif hwn, nodwch gyfeirnod eich cais i gofrestru ar gyfer TAW (os yw’n hysbys)
-
eich rhif ffôn — byddwn ond yn ei ddefnyddio os bydd angen i ni gysylltu â chi ynghylch eich cais
-
diwedd blwyddyn cyfrifyddu flynyddol — dyma’r mis yr hoffech i’ch datganiad blynyddol ddod i ben
-
amlder eich taliadau — gallwch ddewis talu’n fisol neu wneud taliadau interim chwarterol
-
eich dull o wneud taliadau interim
Sut i wneud cais
Bydd angen eich Dynodydd Defnyddiwr (ID) a’ch cyfrinair ar gyfer Porth y Llywodraeth arnoch i wneud cais ar-lein. Os nad oes gennych ID, gallwch greu un pan fyddwch yn gwneud cais.
Ffyrdd eraill o wneud cais
-
Casglwch eich holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.
-
Argraffwch y ffurflen a’i hanfon at CThEF drwy’r post gan ddefnyddio’r cyfeiriad post a ddangosir ar y ffurflen.
Efallai na fydd y ffeil hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch [email protected] a rhowch wybod i ni ba fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).
Ar ôl i chi wneud cais
Os gwnaethoch ddefnyddio’r ffurflen ar-lein i wneud eich cais, cewch gyfeirnod y gallwch ei ddefnyddio i ddilyn hynt eich ffurflen.
Os nad oedd modd i chi wneud eich cais ar-lein, mae’n syniad da i gadw copi o’ch ffurflen – bydd gwneud hyn yn eich helpu os oes gennych unrhyw gwestiynau ynghylch eich cais.
Mae’n rhaid i chi roi digon o amser i ni brosesu’ch cais. Mae hyn oherwydd bod eich awdurdodiad i ddefnyddio’r Cynllun Cyfrifyddu Blynyddol fel arfer yn dod i rym o ddiwrnod cyntaf y cyfnod pan gaiff eich cais ei gadarnhau.
Os ydych wedi dewis wneud taliadau TAW drwy Ddebyd Uniongyrchol, dylech ddefnyddio’ch cyfrif TAW ar-lein i drefnu’r Debyd Uniongyrchol hwnnw.
Pryd y gallwch ddechrau defnyddio’r cynllun
Byddwn yn eich hysbysu’n ysgrifenedig i roi gwybod a yw’ch cais yn llwyddiannus neu beidio. Os yw’ch cais yn llwyddiannus, bydd y llythyr yn rhoi’r wybodaeth ganlynol i chi:
-
swm y taliadau interim yr ydym wedi’u cyfrifo ar eich cyfer, a phryd i wneud y taliadau hyn
-
y dull electronig o dalu a ddewiswyd gennych
-
y dyddiad cau ar gyfer eich ffurflen flynyddol a thaliad mantoli