Canllawiau

Cael eich Treth Incwm yn gywir os ydych yn gadael y DU (P85)

Rhowch wybod i CThEF os ydych wedi gadael, neu os ydych yn bwriadu gadael, y DU, a dysgwch sut i gael rhyddhad rhag Treth Incwm y DU neu ad-daliad o’r dreth hon (P85).

Gan:
Cyllid a Thollau EF
Cyhoeddwyd
9 Awst 2023
Diweddarwyd ddiwethaf
23 Awst 2024 — Gweld pob diweddariad

Gallwch hawlio ar-lein, neu gallwch ddefnyddio ffurflen P85 i roi gwybod i CThEF eich bod wedi gadael, neu’n bwriadu gadael, y DU a’ch bod am hawlio treth yn ôl o’ch cyflogaeth yn y DU.

Gallwch hawlio os yw’r canlynol yn wir:

  • rydych wedi byw ac wedi gweithio yn y DU
  • rydych wedi gadael y DU, ac mae’n bosibl na fyddwch yn dychwelyd
  • rydych yn gweithio dramor amser llawn, a hynny am o leiaf un flwyddyn dreth llawn

Does dim rhaid i chi lenwi’r ffurflen hon os ydych yn cyflwyno Ffurflen Dreth Hunanasesiad ar gyfer y flwyddyn dreth yr ydych yn gadael y DU.

Cyn i chi ddechrau

Gwiriwch yr adran ‘manylion cyflogai sy’n gadael gwaith’ ar eich P45 — bydd angen yr wybodaeth hon arnoch wrth i chi wneud hawliad.

Rhowch wybod i ni os yw’r canlynol yn wir:

  • mae gennych gartref yn y DU
  • rydych yn gweithio amser llawn y tu allan i’r DU
  • mae cyflog yn cael ei dalu i chi yn y DU o hyd
  • byddwch yn treulio amser yn y DU dros y 3 blynedd nesaf

Dulliau o hawlio

Hawlio ar-lein

Bydd angen i chi fewngofnodi gan ddefnyddio’ch Dynodydd Defnyddiwr (ID) a’ch cyfrinair ar gyfer Porth y Llywodraeth (os nad oes gennych Ddynodydd Defnyddiwr (ID), gallwch greu un pan fyddwch yn ceisio mewngofnodi am y tro cyntaf).

Os nad ydych wedi gadael y DU eto, mae’n rhaid i chi argraffu ac anfon eich hawliad drwy’r post.

Gwneud cais ar-lein

Byddwch yn cael cyfeirnod y gallwch ei ddefnyddio i ddilyn hynt eich hawliad.

Hawlio drwy’r post

Hawliwch drwy’r post os:

  • nad ydych wedi gadael y DU eto
  • nad ydych am ddefnyddio’r gwasanaeth ar-lein

Er mwyn hawlio drwy’r post, bydd angen i chi wneud y canlynol:

  1. Casglu’ch holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.

  2. Llenwi ffurflen bost P85.

  3. Argraffu’r ffurflen hon, a’i hanfon at CThEF drwy’r post.

  4. Cynnwys eich P45, os oes un gennych — os nad oes un gennych, bydd yn rhaid i chi esbonio pam. Er enghraifft, efallai eich bod wedi ymddeol neu’n un o weision y Goron yn y DU a gyflogir dramor.

Dylech anfon y ffurflen i

Talu Wrth Ennill
Gwasanaeth Cwsmeriaid Cymraeg CThEF
HMRC
BX9 1ST

Yr hyn sy’n digwydd nesaf

Os oes ad-daliad yn ddyledus i chi, byddwn yn gwneud y canlynol:

  1. Eich talu chi, neu rywun arall ar eich rhan.

  2. Postio siec i’ch cyfeiriad chi neu gyfeiriad eich enwebai — bydd modd i’r siec hon gael ei thalu i gyfrif banc sydd yn eich enw chi, neu yn enw eich enwebai.

Gallwch wirio pryd i ddisgwyl ateb gan CThEF.

Ni fydd CThEF yn talu unrhyw ffioedd i drosi’ch ad-daliad yn arian gwlad dramor, neu i’w drosglwyddo i wlad dramor. Mae’n bosibl y byddech yn dymuno cadw’ch cyfrif banc yn y DU ar agor hyd nes eich bod yn cael yr ad-daliad er mwyn osgoi unrhyw ffioedd.

Updates to this page

Cyhoeddwyd ar 9 Awst 2023
Diweddarwyd ddiwethaf ar 23 Awst 2024 + show all updates

  1. Information about how to print and post your claim using the P85 form has been updated.

  2. If you have not left the UK yet, you must print and post your claim.

  3. The guidance has been amended to include information about keeping your UK bank account open until you receive the repayment.

  4. The planned downtime for the the print and post online service that started at 2pm on Friday 6 October 2023 will now end at 3pm on Friday 13 October 2023. We apologise for any inconvenience this may cause.

  5. Due to planned downtime, the print and post online service will be unavailable from 2pm on Friday 6 October 2023 to 10am on Tuesday 10 October 2023.

  6. Added translation

Print this page

Cynnwys

Cynnwys cysylltiedig