Cael eich rhif Yswiriant Gwladol drwy’r post
Defnyddiwch ffurflen CA5403 i wneud cais am gopi o’ch rhif Yswiriant Gwladol drwy’r post.
Ble i ddod o hyd i’ch rhif Yswiriant Gwladol
Bydd eich rhif Yswiriant Gwladol ar ddogfennau sy’n ymwneud â threth, megis eich clip cyflog neu’ch P60. Gallwch hefyd ddod o hyd i’ch rhif Yswiriant Gwladol a chael copi ohono ar-lein.
Os oes angen i chi wneud cais am gopi o’ch rhif Yswiriant Gwladol drwy’r post
Llenwch ffurflen CA5403 ar y sgrin, yna’i hargraffu a’i phostio i CThEM.
Yn dibynnu ar yr atebion a rowch, efallai y bydd angen i chi anfon dogfennau eraill hefyd i gadarnhau pwy ydych i CThEM. Cewch wybod ar ôl llenwi’r ffurflen a oes angen i chi anfon dogfennau eraill.
Efallai y bydd angen i chi anfon hyd at 2 o’r dogfennau canlynol:
- tystysgrif geni
- pasbort
- trwydded yrru lawn neu dros dro (cerdyn plastig)
- tystysgrif mabwysiadu
- dogfen deithio’r Swyddfa Gartref
- trwydded waith
- tystysgrif dinasyddio
- tystysgrif briodas neu bartneriaeth sifil
- tystysgrif gwasanaethu yn Lluoedd Ei Fawrhydi neu’r llynges fasnachol
- cerdyn adnabod neu feddygol
Gall gymryd hyd at 15 diwrnod i gael eich rhif Yswiriant Gwladol drwy’r post.
Anfonwch y ffurflen i’w hargraffu a’i llenwi i:
Swyddfa Cyfraniadau Yswirian Gwladol a Chyflogwyr
Gwasanaeth Cwsmeriaid Cymraeg CThEM
HMRC
BX9 1ST
Cyn i chi ddechrau defnyddio ffurflen bost CA5403
Bydd angen i chi lenwi’r ffurflen CA5403 yn ei chyfanrwydd cyn i chi allu ei hargraffu. Ni allwch gadw ffurflen sydd wedi’i llenwi’n rhannol, felly casglwch eich holl wybodaeth at ei gilydd cyn i chi ddechrau ei llenwi.
Os nad oes gennych rif Yswiriant Gwladol
Gallwch wneud cais am rif Yswiriant Gwladol os nad ydych wedi cael un o’r blaen.