Platfform Cyffredin GLlTEM: rheoli neu edrych ar fanylion achos
Mae’r Platfform Cyffredin yn galluogi’r heddlu, y farnwriaeth, cyfreithwyr, bargyfreithwyr ac asiantaethau cyfiawnder troseddol i edrych ar achosion a golygu gwybodaeth am achosion.
Yn berthnasol i Gymru a Loegr
Os ydych yn weithiwr proffesiynol ar gyfer yr amddiffyniad, gallwch ddefnyddio’r gwasanaeth hwn i:
- gysylltu eich hun ag achos neu ddiffynnydd fel bo’r Asiantaeth Cymorth Cyfreithiol yn cael ei hysbysu, at ddibenion talu
- hunan-gyflwyno deunyddiau achos, yn cynnwys manylion cychwynnol am achos yr erlyniad (IDPC) a’r ffurflen paratoi ar gyfer treial (ffurflen PET) yn y llys ynadon
- cyflwyno dogfennau i’r llys mewn achosion Platfform Cyffredin
Os ydych yn aelod o’r farnwriaeth, GLlTEM neu asiantaeth partner, gallwch ddefnyddio’r gwasanaeth hwn i edrych ar fanylion achosion a chymryd rhan mewn gwrandawiadau’r Platfform Cyffredin.
Cyn cychwyn
Rhaid i chi gael cyfrif cyn y gallwch ddefnyddio’r gwasanaeth hwn. Os ydych yn weithiwr proffesiynol i’r amddiffyniad, rhaid i’ch cwmni neu siambrau gofrestru eich enw fel y gallwch gael cyfrif.
Byddwn yn gwirio eich cais ac yn anfon neges ebost cymeradwyo o fewn 3 diwrnod gwaith.
Chwilio am achos
Unwaith y byddwch wedi actifadu eich cyfrif, gallwch ddechrau defnyddio cyfrifiadur bwrdd gwaith, gliniadur neu dabled i edrych ar wybodaeth am achosion ar y Platfform Cyffredin.
Byddwch angen eich ffôn ar gyfer y broses dilysu diogelwch ond ni allwch ei ddefnyddio i gael mynediad i’r Platfform Cyffredin.
Ni allwch ddefnyddio Internet Explorer i gael mynediad i’r Platfform Cyffredin, felly efallai y bydd angen ichi gopïo’r ddolen i un o’r porwyr canlynol:
- Edge (neu Edge Chromium)
- Chrome
- Firefox
- Safari
Cymorth a chanllawiau
Gweler ein canllawiau ar sut i ddefnyddio’r Platfform Cyffredin:
- Sut i ddefnyddio’r Platfform Cyffredin: canllaw ar gyfer gweithwyr proffesiynol yr amddiffyniad ar sut i gadarnhau cyfrif a defnyddio’r Platfform Cyffredin i reoli achosion
- Canllaw Platfform Cyffredin ar gyfer gweinyddwyr yr amddiffyniad: creu cyfrifon i ddefnyddwyr, neilltuo rolau a nodweddion gweinyddol eraill
Os ydych yn aelod o’r farnwriaeth, GLlTEM neu asiantaeth bartner, darllenwch y canllawiau ar eich mewnrwyd.
Os oes angen help arnoch i gael rhif unigryw ar gyfer achos, neu os oes gennych ymholiad ynghylch achos sydd ar y Platfform Cyffredin, cysylltwch â chanolfan gwasanaethau’r llysoedd a’r tribiwnlysoedd (CTSC).
Os oes arnoch angen cymorth pellach neu os oes gennych gwestiynau nas atebir yn yr arweiniad hwn, gallwch gysylltu â’r ddesg gymorth
CTSC
Rhif ffôn: 0330 808 4407
Dydd Llun i ddydd Gwener, 8.30am hyd 5.30pm
Ar gau ar Wyliau Banc
Ebost: [email protected]
Desg Gymorth
Rhif ffôn: 020 3989 6060
Dydd Llun i ddydd Gwener, 8am hyd 8pm
Dydd Sadwrn, 8am hyd 2pm
Ar gau ar ddydd Sul a gwyliau banc
Ebost: [email protected]
Os nad ydych yn gyfreithiwr yr amddiffyniad neu’n weinyddwr, anfonwch neges ebost i [email protected].
Ein nod yw ymateb i negeseuon ebost o fewn 5 diwrnod gwaith.
Updates to this page
Cyhoeddwyd ar 23 Tachwedd 2021Diweddarwyd ddiwethaf ar 10 Mehefin 2024 + show all updates
-
Updated the Courts and Tribunals Service Centre email address.
-
Added browser and security info and consistency changes to get help guidance
-
Added links to new guides
-
Added translation