Canllawiau

Gwneud cais gwrthrych am wybodaeth i CThEF

Sut i gael yr wybodaeth bersonol sydd gan CThEF amdanoch.

Gan:
Cyllid a Thollau EF
Cyhoeddwyd
14 Ionawr 2016
Diweddarwyd ddiwethaf
28 Hydref 2024 — Gweld pob diweddariad

Mae gennych chi’r hawl i ofyn am gopi o’r wybodaeth bersonol sydd gennym amdanoch – gelwir hyn yn gais gwrthrych am wybodaeth (SAR).

Rydym yn cymryd ein cyfrifoldebau tuag at ddiogelu data o ddifrif. Mae ein hysbysiad preifatrwydd yn esbonio sut yr ydym yn casglu ac yn defnyddio gwybodaeth bersonol amdanoch chi yn unol â chyfraith diogelu data.

Os oes gennych gyfrif treth personol, efallai y byddwch yn dod o hyd i’r wybodaeth sydd ei hangen arnoch yn eich cyfrif.

Gallwch ofyn i Asiantaeth y Swyddfa Brisio am wybodaeth bersonol sydd ganddi amdanoch.

Mae ffordd wahanol o wneud cais am wybodaeth am rywun sydd wedi marw. Dysgwch beth i’w wneud os bydd rhywun yn marw ac a oes angen i chi wneud cais am brofiant er mwyn delio â’i ystâd.

Dod o hyd i wybodaeth yn eich cyfrif treth personol

Gallwch fewngofnodi i’ch cyfrif treth personol i wirio eich gwybodaeth bersonol ar gyfer y 5 mlynedd diwethaf heb wneud SAR.

Gwybodaeth ar gyfer y flwyddyn bresennol

Gallwch wirio eich:

  • hanes cyflogaeth gan gynnwys gwybodaeth am enillion — gan gynnwys yr amser rydych wedi’i dreulio mewn cyflogaeth, eich cyfeirnod TWE, a’r manylion cyflog a threth ar gyfer pob un o’ch cyflogaethau 

  • cod treth a’r swm o dreth a dalwyd — bydd y cod treth yn cynnwys rhestr o unrhyw lwfansau, treuliau cyflogaeth megis lwfans milltiroedd, a buddiannau cwmni megis car cwmni 

  • cyflog amcangyfrifedig 
  • lwfansau incwm a didyniadau budd-daliadau, er enghraifft Lwfans Priodasol ac incwm o gynilion 
  • ffynonellau incwm presennol, ac ychwanegu incwm newydd, er enghraifft difidendau, cildyrnau, incwm o fuddsoddiadau 
  • rhagolwg o’ch Pensiwn y Wladwriaeth hyd at 4 mis 8 diwrnod cyn eich ymddeoliad i roi gwybod i chi faint y byddwch yn ei gael 
  • pensiwn preifat — gan gynnwys y dyddiad pan ddechreuoch gael eich pensiwn, eich cyfeirnod TWE, a’r manylion cyflog a threth ar gyfer pob un o’ch pensiynau 
  • cyfraniadau Yswiriant Gwladol — eich didyniadau hyd at ddechrau’r flwyddyn dreth bresennol ac unrhyw gredydau Yswiriant Gwladol yr ydych wedi’u cael 
  • credydau treth, er mwyn gweld manylion eich hawliad, pryd y bydd eich 8 taliad nesaf yn ddyledus a’r symiau, manylion cyflogaeth, manylion unrhyw blant a darparwyr gofal plant (os oes gennych rai)  
  • Budd-dal Plant — gwybodaeth am eich hawliad gan gynnwys y dyddiad dechrau a’r dyddiad dod i ben, manylion y plentyn a’r dyddiad a’r symiau a gawsoch gan CThEF am y 5 taliad diwethaf a’r taliad nesaf sy’n ddyledus 
  • Hunanasesiad — y dyddiad y gwnaethoch gyflwyno’ch Ffurflen Dreth a gwneud taliad 

Gwybodaeth o’r 5 mlynedd flaenorol 

Gallwch wirio eich: 

  • hanes cyflogaeth flaenorol gan gynnwys gwybodaeth am enillion — gan gynnwys yr amser rydych wedi’i dreulio mewn cyflogaeth, eich cyfeirnod TWE, a’r manylion cyflog a threth ar gyfer pob un o’ch cyflogaethau 
  • Hunanasesiad — y dyddiad y gwnaethoch gyflwyno’ch Ffurflen Dreth a gwneud taliad. Hefyd gallwch argraffu copi o’r Ffurflen Dreth a gyflwynoch ar gyfer pob blwyddyn

Gwybodaeth arall

Yn ogystal, gallwch ddod o hyd i wybodaeth am y canlynol: 

  • cyfraniadau Yswiriant Gwladol, ar gyfer pob blwyddyn yr ydych wedi’u talu, gan gynnwys yr hyn rydych wedi’i dalu ac unrhyw gredydau Yswiriant Gwladol rydych wedi’u cael
  • Asesiad Syml — y dyddiad y gwnaethoch daliad i ni yn ystod y flwyddyn bresennol a’r flwyddyn flaenorol

Mewngofnodwch i’ch Cyfrif Treth Personol, neu sefydlwch gyfrif i gael mynediad at eich gwybodaeth bersonol.

Cael mynediad at yr wybodaeth fel asiant neu gyfreithiwr 

Gall asiantau a chyfreithwyr gael mynediad at wybodaeth bersonol eu cleient o’r 5 mlynedd diwethaf gan ddefnyddio’r Dangosydd Cofnodion Incwm os yw’r cleient wedi rhoi awdurdodiad iddynt. 

Dysgwch sut i wneud y canlynol:

Gofyn i rywun arall helpu

Gallwch roi gwybod i ni eich bod yn rhoi caniatâd i rywun (er enghraifft cyfreithiwr, asiant treth neu berson y gellir ymddiried ynddo) gael yr wybodaeth bersonol yr ydych yn gofyn amdani.

Bydd angen i chi roi awdurdodiad i ni drwy wneud y canlynol:

I gael rhagor o fanylion am beth i’w gynnwys yn eich llythyr, darllenwch yr adran ‘Yr hyn y bydd ei angen arnoch i wneud cais’.

Mae’n rhaid i chi anfon y ffurflen gydsynio CThEF wedi’i chwblhau ynghyd â’ch llythyr at:

SARS/DPU
HM Revenue and Customs
National Insurance Contributions Office
BX9 1AN

Gwneud SAR i CThEF

Dylech ond gofyn am SAR ar gyfer gwybodaeth nad yw wedi’i chynnwys yn y cyfrif treth personol na’r Dangosydd Cofnodion Incwm.

Nid oes unrhyw ffi i’w thalu er mwyn cael mynediad at eich gwybodaeth bersonol. Fodd bynnag, mae gennym hawl gyfreithiol i godi ffi resymol arnoch os yw’ch cais am fynediad yn ddi-sail neu’n ormodol. O dan yr amgylchiadau hyn, gallwn wrthod eich cais.

Gallwch ddarllen rhagor ynghylch pryd y gellid ystyried eich cais yn ddi-sail ac yn ormodol ar wefan Swyddfa’r Comisiynydd Gwybodaeth — pryd y gallwn wrthod cais (yn agor tudalen Saesneg).

Yr hyn y bydd ei angen arnoch i wneud cais

Bydd angen i chi roi cymaint o fanylion ag y gallwch ynglŷn â’r canlynol:

  • yr wybodaeth sydd ei hangen arnoch 
  • ar gyfer pa flynyddoedd y mae angen yr wybodaeth arnoch 
  • y rheswm dros y cais 

Bydd angen i chi brofi pwy ydych hefyd. Mae’n rhaid i chi roi gwybod i ni beth yw eich:

  • enw llawn
  • rhif Yswiriant Gwladol 
  • dyddiad geni 
  • cyfeiriadau presennol a blaenorol ar gyfer y 5 mlynedd diwethaf

Bydd angen i chi sicrhau eich bod yn cynnwys y canlynol: 

  • llofnod gwreiddiol ar eich llythyr ysgrifenedig atom 
  • e-lofnod wrth gwblhau’r ffurflen gydsynio CThEF ar-lein

Dysgwch ragor am beth i’w gynnwys yn eich cais gwrthrych am wybodaeth drwy wefan Swyddfa’r Comisiynydd Gwybodaeth.

Sut i wneud cais

Gwneud cais ar-lein

Gallwch lenwi a chyflwyno eich ffurflen Cais Gwrthrych am Wybodaeth, gan yr Uned Diogelu Data (yn agor tudalen Saesneg) ar-lein, neu gallwch ei hargraffu a’i hanfon drwy’r post i: 

SARS/DPU
HM Revenue and Customs
National Insurance Contributions Office
BX9 1AN

Gwneud cais drwy’r post

Gallwch anfon llythyr atom i ofyn am wybodaeth nad oeddech yn gallu dod o hyd iddi yn y cyfrif treth personol na’r Dangosydd Cofnodion Incwm.

I gael rhagor o fanylion am beth i’w gynnwys yn eich llythyr darllenwch yr adran ‘Yr hyn y bydd ei angen arnoch i wneud cais’.

Anfonwch eich llythyr i: 

SARS/DPU
HM Revenue and Customs
National Insurance Contributions Office
BX9 1AN

Gwneud cais dros y ffôn neu drwy sgwrs dros y we

Gallwch gysylltu â CThEF (yn agor tudalen Saesneg) er mwyn gwneud SAR.

Ar ôl i chi wneud cais

Anelwn at ymateb cyn pen mis ar ôl i’ch cais ddod i law. Fodd bynnag, mae’n bosibl y byddwn yn cymryd 3 mis i ateb os yw’r canlynol yn wir:

  • rydym wedi cael sawl cais gan yr un person
  • mae’r cais yn gymhleth

Byddwn yn anfon llythyr atoch i roi gwybod i chi y byddwn yn cymryd mwy o amser i ateb.

Updates to this page

Cyhoeddwyd ar 14 Ionawr 2016
Diweddarwyd ddiwethaf ar 28 Hydref 2024 + show all updates

  1. New sections, ‘Ask someone else to help’, ‘what you'll need to apply’ and ‘find information in your personal tax account’ have been added.

  2. Overview and Make a SAR to HMRC sections have been updated.

  3. Information about where to send a SAR for Income Tax has been updated.

  4. The 'Make a SAR to HMRC' apply online section has been updated.

  5. Information about your rights to request personal information, any fees you may have to pay, and how long this may take has been added to the guidance.

  6. Address to send Subject Access Requests has been updated.

  7. Information about making a subject access request for tax credits, Income Tax, Child Benefit, VAT, customs and other records has been added.

  8. The address to send the subject access request has been updated.

  9. First published.

Print this page

Cynnwys

Cynnwys cysylltiedig