Canllawiau

Clirio nwyddau sy’n dod i mewn, yn gadael neu’n teithio drwy’r DU

Gwnewch yn siŵr bod eich nwyddau’n cael eu clirio gan y Ganolfan Clirio Genedlaethol (NCH) wrth symud nwyddau i mewn, allan neu drwy’r DU.

Gan:
Cyllid a Thollau EF
Cyhoeddwyd
2 Awst 2012
Diweddarwyd ddiwethaf
20 Awst 2024 — Gweld pob diweddariad

Mae’r Canolfan Clirio Cenedlaethol yn ymdrin â symud a phrosesu nwyddau sy’n symud i mewn i, allan o, neu drwy’r DU.

Mae’r Canolfan Clirio Cenedlaethol hefyd yn gyfrifol am reoli a diwygio datganiadau ar ôl eu clirio. Mae’r gwasanaeth hwn ar gael rhwng 9am a 5pm.

Prif gyfrifoldebau’r Ganolfan Clirio Genedlaethol yw:

  • prosesu datganiadau mewnforio ac allforio a ddewiswyd ar gyfer archwiliadau pellach
  • mewnbynnu eich ceisiadau â llaw ar gyfer gwybodaeth am lwytho wrth adael ac wrth gyrraedd
  • rheoli nwyddau heb eu cynnwys ar gyfer porthladdoedd a meysydd awyr sy’n gysylltiedig â stocrestr
  • awdurdodi a diwygio cofnodion stocrestr a symudiadau
  • rheoli nwyddau sy’n cael eu mewnforio o dan gyfundrefnau mewnforio penodol

Cyn i chi ddechrau

Ymdrinnir â datganiadau yn y drefn y’u cyflwynir i’r Canolfan Clirio Genedlaethol ac nid ydym yn rhoi blaenoriaeth i leoliadau penodol na mathau o nwyddau, gan gynnwys nwyddau darfodedig.

Os caiff eich datganiad ei ddewis ar gyfer gwiriad dogfennol, bydd angen i chi gyflwyno pob dogfen ategol, fel:

  • tystiolaeth o werth y nwyddau
  • rhestr bacio o’r holl eitemau sydd wedi eu cynnwys
  • unrhyw drwydded neu dystysgrif

Dylech ddangos yn glir beth yw’r nwyddau pan fyddwch chi’n cyflwyno eich dogfennau os yw eich nwyddau yn:

  • dân gwyllt a ffrwydron
  • anifeiliaid byw
  • gweddillion dynol

Tystiolaeth o werth

Rhaid i chi anfon digon o ddogfennau i brofi gwerth y llwyth cyfan.

Wrth gyflwyno datganiadau aml-anfoneb, dylech anfon yr holl anfonebau sy’n ymwneud â phob datganiad wrth gyrraedd neu anfon crynodeb un dudalen yn nodi’r canlynol (ar gyfer pob un o’r eitemau nwyddau):

  • rhif yr anfoneb
  • disgrifiad o’r nwyddau
  • nifer y darnau
  • arian cyfred
  • gwerth

Rhestrau pacio

Os cyflwynir datganiad gyda nifer o restrau pacio, gallwch gyflwyno’r atodlen i’r Canolfan Clirio Genedlaethol gyda’r holl ddogfennau priodol eraill.

Datganiadau aml-eitem neu ddatganiadau aml-fewnforiwr neu aml-allforiwr

Os oes gan ddatganiad sy’n cael ei ddewis ar gyfer gwiriad nifer o linellau, dylech gysylltu â’r Canolfan Clirio Genedlaethol (yn agor tudalen Saesneg) i gael gwybod beth sydd angen ei anfon i’w glirio.

Datganiadau ymlaen llaw

Ar ôl cyflwyno’r datganiad ymlaen llaw ond cyn i’r llong neu’r nwyddau gyrraedd y DU, rhaid i chi gyflwyno copïau o’r datganiad mewnforio (wedi ei dderbyn) ac unrhyw ddogfen ategol i’r Canolfan Clirio Genedlaethol, ynghyd â datganiad wrth gyrraedd gwahanol ar gyfer pob rhif.

Cyfyngir cyflwyno datganiadau ymlaen llaw i 5 diwrnod cyn y bydd disgwyl i’r llong neu’r nwyddau gyrraedd. Mae’r cyfnod hwn yn cynnwys penwythnosau a gwyliau banc.

Anfon dogfennau ategol ar gyfer archwiliad tollau i glirio eich nwyddau

Gallwch gyflwyno dogfennau i’r Canolfan Clirio Genedlaethol i glirio eich nwyddau os cânt eu dewis ar gyfer archwiliad tollau. Uwchlwythwch eich dogfennau a chael negeseuon ar gyfer y Gwasanaeth Datganiadau Tollau (yn agor tudalen Saesneg).

Ar ôl i chi anfon eich dogfennau ategol

Os ydych wedi cael neges yn eich cyfarwyddo i ddarparu dogfennau sydd eu hangen arnom, dylai’r nwyddau sy’n cyrraedd gael eu clirio o fewn 2 awr ar gyfer:

  • mewnforion cludiant awyr
  • mewnforion cludiant ffordd
  • mewnforion drwy’r ‘culforoedd byr’ (gyrru-ymlaen-ac-i-ffwrdd)
  • yr holl allforion

Bydd mewnforion cludiant morol wedi’u clirio:

  • o fewn 3 awr os byddwn yn cael y dogfennau rhwng 8am a 3pm
  • erbyn 8am y diwrnod canlynol os byddwn yn cael y dogfennau ar ôl 3pm

Byddwn yn rhoi blaenoriaeth uwch i eitemau fel anifeiliaid byw a gweddillion dynol.

Bydd clirio ac ôl-glirio ar gyfer allforion strategol (yn agor tudalen Saesneg) yn cymryd mwy o amser oherwydd:

  • mae gwiriadau strategol yn fwy cymhleth
  • nid oes terfyn amser hollbwysig ar gyfer gwiriadau ôl-glirio

Cysylltwch â’r Ganolfan Clirio Genedlaethol (yn agor tudalen Saesneg) os oes angen help arnoch i ddefnyddio’r gwasanaeth.

Datganiadau Canolfan Clirio Cenedlaethol sydd wedi’u cwestiynu

Os bydd y canolfan Clirio Cenedlaethol yn codi ymholiad am eich nwyddau, bydd yr ymholiad yn cael ei anfon i’ch blwch derbyn diogel ar y gwasanaeth ar-lein, sydd ar gael drwy uwchlwytho dogfennau a chael negeseuon y Gwasanaeth Datganiadau Tollau (yn agor tudalen Saesneg).

Dylai ymateb i ymholiadau drwy negeseuon diogel 2-ffordd atal unrhyw oedi a fyddai’n digwydd os na fyddwch yn ateb.

Os bydd angen i chi newid datganiad mewnforio yn dilyn ymholiad, bydd angen i chi anfon diwygiad i newid eich datganiad.

Os oes angen i chi ganslo datganiad wrth gyrraedd ar gyfer mewnforion, bydd angen i chi wneud cais i’w ganslo, gan roi rheswm dros y cais er mwyn i’r Canolfan Clirio Cenedlaethol ei gymeradwyo.

Nid yw hyn yn berthnasol i ddatganiadau a gyflwynwyd ymlaen llaw nad ydynt wedi cyrraedd.

Os bydd angen i chi newid datganiad allforio yn dilyn ymholiad, rhaid i chi wirio gyda’ch darparwr meddalwedd ei fod yn gallu gwneud hyn. Os na all eich darparwr wneud hyn, bydd angen i chi ganslo ac ailgyflwyno eich datganiad.

Datganiadau sy’n agored i wiriadau ôl-glirio

Rhaid i’r holl ddogfennau gwreiddiol gyrraedd y Canolfan Clirio Cenedlaethol ar gyfer y camau ôl-glirio cyn pen 3 diwrnod gwaith i ddyddiad ac amser y clirio. Nid yw’r terfyn amser hwn yn berthnasol i ddatganiadau ymlaen llaw. Mae gwasanaeth rhadbost ar gael i’ch helpu i fodloni’r gofyniad hwn.

Ar gyfer tystysgrifau EUR1, ATR1 a GSP mewn swmp, dylech anfon y ddogfen wreiddiol gyda’r datganiad cyntaf. Dylid cynnwys copi o’r dystysgrif dewis briodol gyda datganiadau dilynol. Dylai blwch 44 y datganiad ddangos y rhif sydd ynghlwm wrth y gwreiddiol.

Dylech ddefnyddio amlenni A4 os oes modd, a dylid anfon datganiadau i’r Canolfan Clirio Cenedlaethol bob dydd. Bydd datganiadau a dderbynnir yn cael eu harchwilio, a cheir cosbau am beidio â chydymffurfio â’r gofynion hyn.

Cadw cofnodion

Dylech gadw’r holl gofnodion am 4 blynedd.

Gallwch storio tystiolaeth ddogfennol ar ffurf electronig os yw’n eich galluogi i gynhyrchu copi o’r ddogfen wreiddiol. Rhaid i chi gadw copïau papur sy’n cynnwys stampiau neu ddyfrnodau gwreiddiol, er enghraifft, tystysgrifau dewis.

Bydd CThEF yn cadw datganiadau gwreiddiol a dogfennau ategol dim ond os ydynt wedi cael eu cyflwyno ymlaen llaw i’r Canolfan Clirio Cenedlaethol ar gyfer eu clirio.

Cysylltu â’r Canolfan Clirio Cenedlaethol

I gael help gyda’r datganiadau a gyflwynwyd gennych, gallwch gysylltu â’r Ganolfan Clirio Genedlaethol (yn agor tudalen Saesneg).

Llinell gymorth mewnforio ac allforio

Ar gyfer ymholiadau cyffredinol am fewnforio neu allforio, ffoniwch y llinell gymorth mewnforio ac allforio: ymholiadau cyffredinol (yn agor tudalen Saesneg).

Cwynion

Os oes angen, gallwch wneud cwyn i CThEF ar-lein neu dros y ffôn.

Updates to this page

Cyhoeddwyd ar 2 Awst 2012
Diweddarwyd ddiwethaf ar 20 Awst 2024 + show all updates

  1. References to CHIEF have been removed from the guidance as CHIEF has been decommissioned.

  2. Guidance on Customs Input Entries (CIE) has been removed, as the CIE team has ceased operations.

  3. Added translation

  4. More information about what to do after you’ve sent your supporting documents has been added.

  5. The section 'After you’ve submitted' has been updated with time limits for air freight imports, road freight imports, marine freight imports and exports.

  6. Welsh translation added.

  7. More information about 'Sending supporting documents for a customs check to clear your goods' has been added.

  8. This page has been updated because the Brexit transition period has ended.

  9. This page has been updated with information on the Customs Declaration Service.

  10. When you send your paperwork to the National Clearance Hub you’ll also need to send an NCH1 form in every instance.

  11. The contact telephone number for the National Clearance Hub Route 3 Car Team has been updated.

  12. New contact email address added to section 'Contacting the NCH' for enquiries on transfer of residence.

  13. Mention of withdrawn form 'Import and export: import of private motor vehicle from outside the EC (C104A)' changed to new form 'Application for Transfer of Residence (ToR) relief (ToR01)'.

  14. The Importation of motor vehicles using the National Clearance Hub Service Level Agreement was changed from 3 days to 10 days from 1 December 2015.

  15. Link to 'Import and export: trader submission form header for declarations (NCH1)' added to the guide.

  16. Fixing references to specialist guides

  17. First published.

Print this page

Cynnwys

Cynnwys cysylltiedig