TWE: eithriad sy’n ymwneud â threuliau a buddiannau’r cyflogwr
Defnyddiwch ffurflen eithrio ar gyfer y cyflogwr os ydych yn gyflogwr ac am wneud cais am gyfradd graddfa bwrpasol neu gyfradd graddfa’r diwydiant er mwyn rhoi gwybod am dreuliau a buddiannau nad ydynt yn drethadwy.
Fel cyflogwr, gallwch ddefnyddio’r ffurflen hon i wneud cais am gymeradwyaeth gan CThEF i dalu cyfradd graddfa bwrpasol neu gyfradd graddfa’r diwydiant i’ch cyflogeion i ad-dalu’r treuliau y mae’n rhaid iddynt eu talu.
Nid oes rhaid i chi wneud cais i CThEF os ydych am dalu cyfraddau graddfa meincnod CThEF.
Ni ellir ôl-ddyddio hysbysiadau cymeradwyo i ddechrau’r flwyddyn dreth nac i unrhyw adeg arall, a gellir ond gwneud cais o’r dyddiad y cânt eu hanfon gan CThEF. Ni all cyflogwyr ddechrau defnyddio cyfradd bwrpasol neu gyfradd y diwydiant hyd nes y byddant wedi cael copi o’r hysbysiad cymeradwyo.
Cyn i chi ddechrau
Dylech wirio bod eich cyflogeion wedi gwneud y canlynol:
- wedi ysgwyddo treuliau perthnasol
- wedi cadw tystiolaeth
Cadwch unrhyw waith papur sy’n ymwneud â’ch hawliad hyd nes y byddwn wedi cwblhau’r gwiriadau hyn.
Os ydych yn gwneud cais am gyfradd bwrpasol, gwnewch yn siŵr bod gennych dderbynebau i gyd-fynd â’r ymarfer samplu.
Llenwch y ffurflen hon ar-lein
Gallwch ddefnyddio ein harweiniad rhyngweithiol i lenwi’r ffurflen. Bydd angen i chi wneud y canlynol:
-
Casglu’r holl wybodaeth sydd gennych cyn i chi ddechrau arni. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.
-
Argraffwch y ffurflen.
-
Llofnodwch y datganiad.
-
Anfonwch y ffurflen at CThEF.
Swyddfa Cyfraniadau Yswiriant Gwladol a Chyflogwyr
Gwasanaeth Cwsmeriaid Cymraeg
CThEF
HMRC
BX9 1ST
Y Deyrnas Unedig
Yr hyn sy’n digwydd nesaf
Byddwn yn gwirio’ch ffurflen ac yn anfon hysbysiad cymeradwyo a fydd yn ddilys am hyd at 5 mlynedd os ydych yn bodloni’r meini prawf neu os bydd angen rhagor o wybodaeth arnom, byddwn yn cysylltu â chi.