Carchar Pentonville
Mae Pentonville yn garchar i ddynion ac yn sefydliad i droseddwyr ifanc ym Mwrdeistref Islington, Llundain, Gogledd Llundain.
Yn berthnasol i Gymru a Loegr
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Bwcio a chynllunio eich ymweliad â Pentonville
I ymweld â rhywun yn Pentonville rhaid i chi: s - fod ar restr ymwelwyr y person hwnnw - archebwch eich ymweliad o leiaf 24 awr ymlaen llaw - dewch â’r ID angenrheidiol gyda chi pan fyddwch yn mynd
Caniateir hyd at 3 ymwelydd dros 12 oed ar y tro, yn ogystal â phlant dan 12 oed. Rhaid i o leiaf un ymwelydd fod yn 18 oed neu’n hŷn ar bob ymweliad.
Efallai y bydd cyfyngiadau ar nifer yr ymweliadau y gall person eu cael. Gallwch wirio hyn gyda Pentonville.
Cysylltwch â Pentonville os oes gennych chi unrhyw gwestiynau am ymweld.
Help gyda chost eich ymweliad
Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:
- teithio i Pentonville
- rhywle i aros dros nos
- prydau bwyd
Sut i drefnu ymweliadau teulu a ffrindiau
Gallwch drefnu eich ymweliad dros y ffôn.
Llinell archebu: 0300 060 6504
Mae’r llinell archebu ar agor: Dydd Llun i ddydd Gwener, rhwng 9:15am a 4pm
Amseroedd ymweld:
- Dydd Llun: 1:45pm i 2:40pm a 3:20pm i 4:15pm
- Dydd Mawrth: 1:45pm i 2:40pm a 3:20pm i 4:15pm
- Dydd Mercher: 1:45pm i 2:40pm a 3:20pm i 4:15pm
- Dydd Iau: 1:45pm i 2:40pm a 3:20pm i 4:15pm
- Dydd Gwener: 1:45pm i 2:40pm a 3:20pm i 4:15pm
- Dydd Sadwrn: 10:30am i 11:30am a 3pm i 4pm
- Dydd Sul: Ymweliad Ychwanegol dim ond rhwng 2:30pm a 4:30pm (archebu’n fewnol gan garcharor yn unig)
Ni chewch eich derbyn os ydych dros hanner awr yn hwyr.
Darperir ymweliadau fesul adain mewn cylch o 6 wythnos. Mae’r cylchoedd newydd yn cael eu cyhoeddi ar yr adeiniau er sylw’r carcharorion ac yn cael eu rhannu â’r llinell archebu.
Sut i drefnu ymweliadau cyfreithiol a phroffesiynol
Gallwch drefnu eich ymweliad cyfreithiol neu broffesiynol drwy e-bostio: [email protected]
Amseroedd ymweld:
- Ymweliadau wyneb yn wyneb: O dydd Llun i ddydd Gwener rhwng 9am a 11am
- Ymweliadau cyfreithiol cyswllt fideo: Slotiau 1 awr rhwng 9am a 4pm. Sylwer bod egwyl i’r staff rhwng 12:30pm ac 1:30pm
Mynd i Pentonville
Dod o hyd i Pentonville ar fap
Mae Pentonville yn daith gerdded 5 munud o orsaf tanddaearol Caledonian Road neu orsaf uwchddaearol Caledonian Road a Barnsbury. Yr orsaf drenau agosaf yw King’s Cross Llundain. Mae sawl llwybr bysiau lleol yn pasio’r carchar, fel Bws 17, 91, 2559 a 274.
I gynllunio eich taith ar drafnidiaeth gyhoeddus:
- defnyddiwch cynllunydd siwrnai Transport for London
- defnyddiwch National Rail Enquiries
Nid oes lle i ymwelwyr barcio yn y carchar ac mae ffyrdd lleol wedi’u cyfyngu i ddeiliaid trwyddedau.
Cyrraedd Pentonville
Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.
Dylai plant dan 16 ddod â’u tystysgrif geni lawn gyda nhw.
Bydd angen i bob ymwelydd gael chwiliad ‘patio i lawr’, gan gynnwys plant. Efallai y cewch eich arogli gan gŵn diogelwch hefyd.
Mae gan Pentonville bolisi cod gwisg llym, sy’n golygu y dylai ymwelwyr wisgo’n briodol. Byddwch yn cael eich troi i ffwrdd os ydych chi’n gwisgo eitemau fel hwdis, festiau, topiau isel, trowsusau bach neu ffrogiau byr, jîns wedi’u rhwygo, fflip-fflops neu ddillad pen ac eithrio am resymau crefyddol. Ar ben hynny, chewch chi ddim gwisgo unrhyw beth sydd â phatrymau neu sloganau sarhaus, crysau pêl-droed, esgidiau â blaenau dur neu esgidiau beic modur. Bydd angen i chi dynnu cotiau, hetiau, menig, ategolion metel, sbectol haul, ac oriawr glyfar cyn mynd i mewn. Holwch yn y ganolfan ymwelwyr os oes gennych chi gwestiynau am y cod gwisg.
Bydd lluniaeth ar gael yn ystod eich ymweliad. Bydd yn rhaid i chi dalu am eich dewis yn y Ganolfan Ymwelwyr lle byddwch yn cael tocyn i’w gyflwyno yn y bar te.
Dim ond yr eitemau canlynol y cewch fynd â nhw i’r carchar:
- Eich prawf hunaniaeth
- Eich tocyn ar gyfer lluniaeth
- Potel fwydo i fabi
- Ffurflen ymwadiad wedi’i llofnodi
Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto. Gwaherddir masnachu eitemau heb eu hawdurdodi. Os oes unrhyw amheuaeth neu os cewch eich dal, bydd hyn yn arwain at waharddiad o 3 mis o leiaf a bydd y carcharor yn cael ymweliadau caeedig am yr un cyfnod.
Cyfleusterau ymweld
Mae canolfan ymwelwyr yn cael ei rhedeg gan elusen Ymddiriedolaeth Cyngor a Gofal Carchardai (PACT). Gall teulu a ffrindiau ymlacio a chael cyngor a chefnogaeth gan y staff.
Mae ar agor o ddydd Llun i ddydd Sadwrn rhwng 30am a 30pm ac ar ddydd Sul o 12:30 i 4:30pm.
E-bost: [email protected]
Ffôn: 020 7700 0912
Gwybodaeth am gost galwadau
Mae loceri yn y ganolfan ymwelwyr i storio eich eiddo. Mae’r rhain yn derbyn tocynnau y gallwch eu cael am £1 gan staff y ganolfan ymwelwyr.
Diwrnodau teulu
Mae diwrnodau teulu bellach ar waith, a dim ond i’r carcharorion hynny sydd ar lefelau IEP Uwch y mae’n berthnasol. Darperir diwrnodau teulu ar ddiwrnod ymweld estynedig pob adain ar ddydd Sul ar sail rota. Mae carcharorion IEP Uwch yn cael cyfle i wneud cais am hyn pan fydd y sesiwn ar gyfer eu hadain nhw.
Cadw mewn cysylltiad â rhywun yn Pentonville
Mae sawl ffordd y gallwch gadw mewn cysylltiad â rhywun yn ystod eu hamser y Pentonville.
Galwadau fideo diogel
I gael galwad fideo ddiogel gyda rhywun yn y carchar hwn, mae angen i chi wneud y canlynol:
- Lawrlwytho ap Prison Video
- Creu cyfrif
- Cofrestru pob ymwelydd
- Ychwanegu’r carcharor at eich rhestr cysylltiadau.
Sut i drefnu galwad fideo ddiogel
Dim ond carcharorion all wneud cais am alwadau fideo diogel yn y carchar hwn.
Byddwch yn cael hysbysiad os bydd carcharor wedi gofyn am alwad fideo gyda chi.
Rhagor o wybodaeth am sut mae’n gweithio
Galwadau ffôn
Mae gan garcharorion ffonau yn eu celloedd felly maen nhw bob amser yn gallu ffonio pan fydd hynny’n gyfleus iddyn nhw. Rhaid iddynt brynu credydau ffôn i wneud hyn.
Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.
Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.
Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.
E-bost
Gallwch anfon negeseuon e-bost at rywun yn Pentonville drwy ddefnyddio’r gwasanaeth E-bostio Carcharor.
Efallai y byddwch hefyd yn gallu atodi lluniau a derbyn ymatebion gan y carcharor, yn dibynnu ar y rheolau yn Pentonville.
Llythyrau
Gallwch ysgrifennu ar unrhyw adeg.
Dylech gynnwys enw a rhif y carcharor ar yr amlen.
Os nad ydych chi’n gwybod eu rhif carcharor, cysylltwch â Pentonville.
Bydd pob llythyr yn y post, ar wahân i lythyrau cyfreithiol, yn cael eu hagor a’i gwirio gan swyddogion.
HMP/YOI Pentonville Caledonian Road London N7 8TT
Anfon arian a rhoddion
Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.
Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.
Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:
- os nad ydych yn gallu defnyddio cyfrifiadur, ffôn clyfar na’r rhyngrwyd
- os nad oes gennych chi gerdyn debyd
Bydd hyn yn caniatáu i chi anfon arian drwy’r post.
Rhoddion a pharseli
Pan fydd person yn cyrraedd Pentonville am y tro cyntaf, bydd yn cael label parseli a ffurflen ddanfon. Gall aelod o’r teulu neu ffrind ddefnyddio’r rhain i anfon parsel i’r carchar. Mae’r ffurflen ddanfon yn disgrifio pa eitemau sy’n cael eu caniatáu a sut mae labelu’r parsel yn gywir. Mae uchafswm pwysau o 15kg.
Mae carcharorion yn cael un parsel bob 6 mis.
Gall teulu a ffrindiau roi llyfrau i garcharorion yn y ganolfan ymwelwyr cyn unrhyw ymweliad, anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu cael gafael ar y llyfrau a’u hanfon ymlaen at garcharorion. I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.
Gall carcharorion ar y lefel ymddygiad ‘uwch’ hefyd wneud cais i aelod o’r teulu neu ffrind anfon consol gemau a gemau atynt.
Bydd pob parsel yn cael ei agor a’i wirio gan swyddogion.
Cysylltwch â Pentonville i gael rhagor o wybodaeth am anfon parseli.
Bywyd yn Pentonville
Mae Pentonville wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau.
Diogelwch a diogelu
Mae gan bob person yn Pentonville hawl i deimlo’n ddiogel. Mae’r staff yn gyfrifol am eu diogelwch a’u lles bob amser.
I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.
Mae Pentonville hefyd yn hyfforddi carcharorion i fod yn ‘wrandawyr’ i helpu i gefnogi carcharorion eraill sy’n mynd drwy gyfnodau anodd.
Cyrraedd a’r noson gyntaf
Pan fydd rhywun yn cyrraedd Pentonville am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.
Byddan nhw’n cael siarad â rhywun a fydd yn gweld sut maen nhw’n teimlo, a gweld gweithiwr iechyd proffesiynol i ymdrin ag unrhyw anghenion iechyd a llesiant sydd ganddyn nhw bryd hynny.
Cynefino
Bydd pawb sy’n cyrraedd Pentonville yn cael sesiwn gynefino sy’n para am 4 diwrnod. Byddant yn cwrdd â gweithwyr proffesiynol a fydd yn eu helpu gyda’r canlynol:
- iechyd a lles, gan gynnwys iechyd meddwl a rhywiol
- unrhyw broblemau camddefnyddio sylweddau, gan gynnwys cyffuriau ac alcohol
- datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
- mathau eraill o gymorth (a elwir weithiau’n ‘ymyriadau’), fel rheoli emosiynau anodd
Mae pawb hefyd yn cael gwybod am y rheolau, diogelwch tân, a sut mae pethau fel galwadau ac ymweliadau yn gweithio.
Llety
Mae tua 1,300 o garcharorion yn byw yn Pentonville mewn cymysgedd o gelloedd unigol a rhai a rennir, ar 7 adain.
Mae 4 ardal gampfa ar gael sy’n cynnig amrywiaeth o weithgareddau i garcharorion o bob gallu corfforol.
Mae Pentonville yn cynnig gwasanaeth caplaniaeth aml-ffydd sy’n cynnig gwasanaethau crefyddol ac addysg i bob carcharor, beth bynnag fo’u ffydd. Maent hefyd yn darparu cwnsela a chefnogaeth i garcharorion.
Addysg a gwaith
Mae gan garcharorion fynediad at addysg a hyfforddiant a ddarperir gan Novus.
Cynigir cymorth i bob carcharor wella eu sgiliau llythrennedd, rhifedd ac iaith a gallant astudio ar gyfer cymwysterau mewn ystod eang o bynciau cysylltiedig â gwaith, gan gynnwys:
- busnes
- technoleg gwybodaeth a chyfathrebu (ICT)
- newyddiaduraeth
- iechyd a diogelwch
- peintio ac addurno
- gwaith coed
- glanhau diwydiannol
- torri gwallt
- cynyrchiadau radio
- gwasanaethau cwsmeriaid.
- diogelwch bwyd
Mae Pentonville yn cynnal 2 weithdy sy’n darparu cyflogaeth i garcharorion. Mae’r gweithdy tecstilau yn cynhyrchu dillad gwely ar gyfer carchardai ac mae’r gweithdy ailgylchu’n ailgylchu gwastraff o’r carchar. Mae llawer o rolau ar gael ledled Pentonville hefyd, gan gynnwys glanhau, dyletswyddau dydd, arlwyo a thorri gwallt.
Sefydliadau y mae Pentonville yn gweithio gyda nhw
Mae Pentonville yn gweithio gyda Catch 22, busnes nid-er-elw, i helpu carcharorion sydd â chysylltiad â gangiau a materion cysylltiedig.
Cefnogaeth i deulu a ffrindiau
Cael gwybod am gyngor a llinellau cymorth ar gyfer teulu a ffrindiau.
Cefnogaeth yn Pentonville
Mae Ymddiriedolaeth Cyngor a Gofal Carchardai (PACT) a Phoenix Futures yn darparu cymorth unigol gydag amrywiaeth o faterion gan gynnwys dieithrio teuluol, cyswllt â phlant a gwasanaethau cymdeithasol.
I gael help gyda mater teuluol, anfonwch e-bost at [email protected].
Pryderon, problemau a chwynion
Mewn argyfwng
Ffoniwch 020 7023 7000 os ydych chi’n meddwl bod carcharor mewn perygl uniongyrchol o niwed. Gofynnwch am y Swyddog Dydd ac egluro bod eich pryder yn un brys.
| Categori cyswllt | Rhif ffôn | Gwybodaeth ychwanegol |
|---|---|---|
| Dim brys | 020 7023 7341 | Ffoniwch y rhif hwn os oes gennych chi bryderon difrifol am ddiogelwch neu lesiant carcharor ond nad yw’r pryderon yn peryglu bywyd, neu gallwch lenwi ffurflen gyswllt dalfa fwy diogel ar wefan Llinell Gymorth Teuluoedd Carcharorion. |
| Pryderon iechyd | 0117 240 1193 | Os ydych chi’n poeni am iechyd rhywun yn CEF Pentonville, ffoniwch y Llinell Gyswllt a Gwybodaeth am Iechyd Carcharorion (PHILL) i siarad â’r tîm iechyd yn gyfrinachol. |
| Llinell Gymorth Gonestrwydd Staff | 0800 917 6877 (peiriant ateb 24 awr) |
Gallwch ffonio’r rhif hwn yn ddienw. Os ydych chi’n poeni bod carcharor yn cael ei fwlio gan aelod o staff, gallwch ddefnyddio’r rhif hwn. Gan fod y llinell hon yn cael ei rheoli ar wahân i’r carchar, gallwch ffonio’r rhif hwn yn ddienw. |
| Llinell Gymorth Teuluoedd Carcharorion | 0808 808 2003 | Gall y Llinell Gymorth i Deuluoedd Carcharorion ddarparu cymorth, cyngor ac arweiniad cyfrinachol. |
| Cyswllt Digroeso gan Garcharor | 0300 060 6699 | Os yw carcharor yn cysylltu â chi a’ch bod am iddo roi’r gorau i wneud hyn, gallwch ddefnyddio’r Gwasanaeth Cyswllt Digroeso gan Garcharor. Gallwch lenwi’r ffurflen ar-lein ar gyfer atal cyswllt gan garcharor, anfon e-bost at [email protected] neu gysylltu dros y ffôn. |
Problemau a chwynion
Os oes gennych chi broblem arall, cysylltwch â Pentonville.
Adroddiadau arolygu
Mae Gwasanaeth Carchardai a Phrawf EF yn cyhoeddi cynlluniau gweithredu ar gyfer Pentonville mewn ymateb i arolygiadau annibynnol.
Cysylltu â Pentonville
Llywodraethwr: Ian Blakeman
Ffôn: 020 7023 7000
Ffacs: 020 7023 7001
Gwybodaeth am gost galwadau
Cyfeiriad
HMP/YOI Pentonville
Caledonian Road
London
N7 8TT
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Updates to this page
Cyhoeddwyd ar 7 Ebrill 2020Diweddarwyd ddiwethaf ar 14 Chwefror 2024 + show all updates
-
Opening hours updated for visits booking telephone line.
-
Secure video calls update.
-
Updated visiting guidance based on 1 April COVID rule changes
-
Added link to new safer custody information under Security and safeguarding.
-
Updated visiting information: Testing for visitors aged 12 and over.
-
Added link to information about testing for physical contact at visits.
-
New visiting times and booking information added.
-
Prison moved into National Stage 3 framework and is now preparing to open visits for family, friends and significant others. We will update this page with specific visiting information as soon as possible.
-
visits update
-
Updated visit info
-
Updated visit info
-
Updated visiting information in line with new national restrictions in England.
-
Covid update
-
Updated visiting times and visiting procedure changes in line with coronavirus restrictions.
-
Added confirmation of secure video calls being made available at this prison.
-
added survey link
-
First published.