Canllawiau

Cofrestru partner ar gyfer Hunanasesiad ac Yswiriant Gwladol Dosbarth 2

Cofrestru ar gyfer Hunanasesiad ac Yswiriant Gwladol Dosbarth 2 pan rydych wedi ymuno â phartneriaeth gan ddefnyddio ffurflen SA401.

Gan:
Cyllid a Thollau EF
Cyhoeddwyd
23 Ebrill 2024
Diweddarwyd ddiwethaf
17 Rhagfyr 2024 — Gweld pob diweddariad

Os mai chi yw’r partner enwebedig, gallwch gofrestru fel partner ar gyfer Hunanasesiad a chyfraniadau Yswiriant Gwladol Dosbarth 2 gan ddefnyddio’r gwasanaeth ar-lein. Os na allwch ddefnyddio’r gwasanaeth ar-lein, gallwch gofrestru drwy anfon ffurflen bost at CThEF.

Cyn i chi ddechrau

Bydd angen y canlynol arnoch:

  • eich rhif Yswiriant Gwladol
  • eich Cyfeirnod Unigryw y Trethdalwr (UTR), os oes un gennych* eich Cyfeirnod Unigryw y Trethdalwr (UTR), os oes un gennych
  • y dyddiad y dechreuodd eich hunangyflogaeth* y dyddiad y dechreuodd eich hunangyflogaeth
  • y dyddiad y gwnaethoch ymuno â’r bartneriaeth
  • enw, cyfeiriad a UTR y bartneriaeth
  • Rhif Cofrestru’r Cwmni (CRN) os yw’r bartneriaeth yn bartneriaeth atebolrwydd cyfyngedig (PAC) neu’n bartneriaeth gyfyngedig sydd wedi’i chofrestru gyda Thŷ’r Cwmnïau ar neu ar ôl 25 Hydref 2010

Dim ond y partner enwebedig all gofrestru ar-lein. Os nad chi yw’r partner enwebedig a’ch bod yn ymuno â phartneriaeth, mae’n rhaid i chi gofrestru drwy’r post.

Cofrestru ar-lein

Bydd angen Dynodydd Defnyddiwr (ID) a chyfrinair ar gyfer Porth y Llywodraeth arnoch. Os nad oes gennych ID Defnyddiwr, gallwch greu un wrth gofrestru.

Cofrestru nawr

Cofrestru drwy’r post

Os na allwch gofrestru ar-lein, gallwch gofrestru drwy’r post.

Gallwch wneud un o’r canlynol:

  • llenwi fersiwn ar-lein o’r ffurflen, ac yna’i hargraffu
  • llenwi’r fersiwn PDF o’r ffurflen ar y sgrin, ac yna’i hargraffu
  • argraffu’r fersiwn PDF o’r ffurflen, ac yna’i llenwi

Yna, bydd angen i chi anfon eich ffurflen wedi’i llenwi at CThEF.

Llenwi fersiwn ar-lein o’r ffurflen

I ddefnyddio’r fersiwn ar-lein o’r ffurflen mae angen i chi:

  1. Casglwch eich holl wybodaeth at ei gilydd cyn i chi ddechrau. Byddwch yn llenwi’r ffurflen hon ar-lein, ac ni fydd modd i chi gadw’ch cynnydd.

  2. Cofrestrwch gan ddefnyddio’r fersiwn ar-lein o’r ffurflen ‘Cofrestru partner ar gyfer Hunanasesiad a CYG Dosbarth 2 (SA401).

  3. Argraffwch y ffurflen a’i hanfon drwy’r post at CThEF gan ddefnyddio’r cyfeiriad post a ddangosir ar y ffurflen.

Os nad yw’r ffurflen yn agor, cysylltwch â Gwasanaeth Cwsmeriaid Cymraeg CThEF.

Efallai na fydd y ffeil hon yn addas ar eich cyfer os ydych yn defnyddio technoleg gynorthwyol (megis darllenydd sgrin). Os oes angen fformat mwy hygyrch arnoch, e-bostiwch [email protected] a rhoi gwybod i ni ba fformat sydd ei angen arnoch. Bydd o gymorth i ni os nodwch pa dechnoleg gynorthwyol yr ydych yn ei defnyddio. Darllenwch y datganiad hygyrchedd ar gyfer ffurflenni CThEF (yn agor tudalen Saesneg).

Llenwch fersiwn PDF o’r ffurflen

Gallwch wneud y naill neu’r llall o’r canlynol:

  • argraffwch y ffurflen a’i llenwi
  • llenwch y ffurflen ar y sgrin, ac yna ei hargraffu

Yna, bydd angen i chi bostio’ch ffurflen wedi’i llenwi i CThEF, gan ddefnyddio’r cyfeiriad post a ddangosir ar y ffurflen.

I gwblhau’r ffurflen ar y sgrin, mae angen i chi wneud y canlynol:

  1. Lawrlwytho’r ffurflen a’i chadw ar eich cyfrifiadur.

  2. Agorwch y ffurflen gan ddefnyddio’r fersiwn ddiweddaraf o Adobe Reader (yn agor tudalen Saesneg) sy’n rhad ac am ddim.

  3. Llenwch y ffurflen ar y sgrin.

Cofrestru partner ar gyfer Hunanasesiad a chyfraniadau Yswiriant Gwladol Dosbarth 2 (SA401)

PDF, 197 KB, 2 pages

This file may not be suitable for users of assistive technology.

Request an accessible format.
If you use assistive technology (such as a screen reader) and need a version of this document in a more accessible format, please email [email protected]. Please tell us what format you need. It will help us if you say what assistive technology you use.

Efallai na fydd y ffurflen yn gweithio os byddwch yn ceisio’i hagor yn eich porwr rhyngrwyd. Os nad yw’r ffurflen yn agor, cysylltwch â Gwasanaeth Cwsmeriaid Cymraeg CThEF.

Ar ôl i chi gofrestru

Fel arfer, byddwn yn cysylltu â chi cyn pen 15 diwrnod i’r dyddiad y daw eich ffurflen i law, ond gall hyn gymryd yn hirach yn ystod cyfnodau prysur.

Os gwnaethoch gofrestru ar-lein, mae’n bosibl y byddwch yn gallu cael eich UTR yn gynt drwy ddefnyddio Ap CThEF neu’ch cyfrif treth personol.

Os na fyddwn wedi cysylltu â chi ar ôl 3 wythnos, gallwch wirio pryd y gallwch ddisgwyl ateb.

Ffurflenni ac arweiniad cysylltiedig

Gallwch wirio’r hyn y gall asiant sy’n cael ei dalu ei wneud ar eich rhan.

Mae sut yr ydych yn awdurdodi’r asiant yn dibynnu ar y dreth, ac efallai bydd yn rhaid i chi ddefnyddio ffurflen bapur 64-8 neu wasanaeth ar-lein.

Updates to this page

Cyhoeddwyd ar 23 Ebrill 2024
Diweddarwyd ddiwethaf ar 17 Rhagfyr 2024 + show all updates

  1. Information on what you'll need before you start has been added.

  2. Added translation

Print this page

Cynnwys