Canllawiau

Carchar Abertawe

Mae Carchar Abertawe yn garchar i ddynion yng nghanol Abertawe, Cymru.

Gan:
HM Prison and Probation Service and Gweinyddiaeth Cyfiawnder
Cyhoeddwyd
19 Mai 2020
Diweddarwyd ddiwethaf
13 Mawrth 2024 — Gweld pob diweddariad

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Bwcio a chynllunio eich ymweliad â charchar Abertawe

I ymweld â rhywun yng Ngharchar Abertawe, rhaid i chi:

  • fod ar restr ymwelwyr y person hwnnw
  • bwcio eich ymweliad o leiaf 24 awr ymlaen llaw
  • bod â’r dogfennau adnabod gofynnol gyda chi pan fyddwch yn ymweld

Rhaid i o leiaf un ymwelydd fod yn 18 oed neu’n hŷn ar bob ymweliad.

Efallai y bydd cyfyngiadau ar nifer yr ymweliadau y gall carcharor eu cael. Gallwch wirio hyn gyda Charchar Abertawe.

Cysylltwch â Charchar Abertawe os oes gennych unrhyw gwestiynau am ymweld.

Help gyda chost eich ymweliad

Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:

  • teithio i Garchar Abertawe
  • rhywle i aros dros nos
  • prydau bwyd

Sut i drefnu ymweliadau teulu a ffrindiau

Gallwch drefnu eich ymweliad ar-lein.

Gallwch archebu eich ymweliad ar-lein, dros y ffôn neu drwy anfon e-bost.

E-bost: [email protected]Llinell archebu: 01792 485 322
Mae’r llinell archebu ar agor o ddydd Llun i ddydd Gwener, 8:45am i 11:45am ac 1pm i 3:45pm
Gwybodaeth am gostau galwadau

Fel arall, gallwch anfon e-bost at: [email protected].

Amseroedd ymweld:

  • Dydd Llun i ddydd Sul: 1pm i 1:30pm a 2:30pm i 3pm

(Ac eithrio’r trydydd dydd Mercher o bob mis – diwrnod hyfforddi staff)

Atgoffir ymwelwyr yn garedig i gadw at yr amseroedd hyn gan y bydd unrhyw ymwelwyr hwyr yn cael eu troi i ffwrdd.

Rydym hefyd yn cynnig 30 munud o sesiynau fideo carchar:

  • Dydd Llun: 6:10pm - Adain A, 6:50pm - Adain G
  • Dydd Mawrth: 6:10pm a 6:50pm - Adain D a F
  • Dydd Mercher: 6:10pm - Adain B, 6:50pm - Adain C
  • Dydd Iau: 6:10pm - Adain A, 6:50pm - Adain D a F
  • Dydd Sadwrn: 2pm - Adain G, 2:45pm a 3.30pm - Adain D a F
  • Dydd Sul: 2pm - Adain D, 2:45pm Adain A a 3:30pm Adain G

Sut i drefnu ymweliadau cyfreithiol a phroffesiynol

Amseroedd ymweld cyfreithiol:

  • O ddydd Llun i ddydd Gwener: 8:30am i 9:15am, 9:30am i 10:15am a 10:30am i 11:15am

Sesiynau awr yw ymweliadau cymdeithasol:

  • Dydd Llun, dydd Iau, dydd Sadwrn a dydd Sul: 2pm i 3pm a 3:30pm i 4:30pm.

Gellir gwneud ceisiadau am ymweliadau cyfreithiol ac ymweliadau cymdeithasol drwy anfon neges i’r mewnflwch derbyn swyddogaethol [email protected] neu drwy ffonio 01792 485322

Mae’r gwasanaeth Trefnu Ymweliadau ar agor rhwng 8:45am ac 11:45am ac 1pm i 3:45pm o ddydd Llun i ddydd Gwener.

Cyrraedd Carchar Abertawe

Dod o hyd i Garchar Abertawe ar fap

Mae Carchar EF Abertawe ar Heol Ystumllwynarth. Dim ond milltir o’r orsaf drenau a thaith gerdded fer o’r orsaf fysiau.

Mae maes parcio talu ac arddangos gyferbyn â’r carchar ym “Maes parcio Stryd Paxton”. Defnyddiwch y chwiliwr llwybrau i gael cyfarwyddiadau ar gyfer SA1 3SR.

Os oes gennych unrhyw ymholiadau pellach, anfonwch e-bost at [email protected].

I gynllunio eich taith ar drafnidiaeth gyhoeddus:

Nid oes lle parcio i ymwelwyr yn y carchar ond gall ymwelwyr ddefnyddio maes parcio talu ac arddangos Stryd Paxton yn union gyferbyn.

Mynd i Garchar Abertawe

Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ddogfennau adnabod wrth ymweld â charchar.

Bydd pob ymwelydd yn cael chwiliad ‘patio i lawr’ lefel B, gan gynnwys plant.

Efallai y byddwch hefyd yn cael eich arogli gan ein cŵn diogelwch.

Rhaid i ymwelwyr gadw at god gwisg y carchar – priodol a chyfeillgar i’r teulu.

Mae rheolaethau llym ar yr hyn y gallwch ddod i mewn i Garchar Abertawe. Bydd yn rhaid i chi adael y rhan fwyaf o’ch pethau mewn locer yn y ganolfan ymwelwyr neu yn eich car - mae hyn yn cynnwys pramiau a seddi car.

Ffoniwch y llinell archebu os oes gennych chi unrhyw gwestiynau am ymweld.

Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto.

Cyfleusterau ymweld

Mae yna ganolfan ymwelwyr sy’n cael ei rhedeg gan elusen Ymddiriedolaeth Cyngor a Gofal Carchardai (PACT).

Ffôn: 01792 485 300
Gwybodaeth am gost galwadau

Diwrnodau teulu

Mae Carchar EF Abertawe yn cynnal 12 ymweliad teulu bob blwyddyn. Mae manylion am sut mae’r ymweliadau hyn yn cael eu cynnal ar gael drwy anfon e-bost at: [email protected].

Cadw mewn cysylltiad â rhywun yng Ngharchar Abertawe

Mae sawl ffordd y gallwch gadw mewn cysylltiad â rhywun yn ystod eu hamser yng Ngharchar Abertawe.

Galwadau fideo diogel

I gael galwad fideo ddiogel gyda rhywun yn y carchar hwn, mae angen i chi wneud y canlynol:

  • Lawrlwytho ap Prison Video
  • Creu cyfrif
  • Cofrestru pob ymwelydd
  • Ychwanegu’r carcharor at eich rhestr cysylltiadau.

Sut i drefnu galwad fideo ddiogel

Dim ond carcharorion all wneud cais am alwadau fideo diogel yn y carchar hwn.

Byddwch yn cael hysbysiad os bydd carcharor wedi gofyn am alwad fideo gyda chi.

Rhagor o wybodaeth am sut mae’n gweithio

Galwadau ffôn

Nid oes gan garcharorion ffonau yn eu celloedd, felly bydd yn rhaid iddynt eich ffonio chi bob amser. Rhaid iddynt brynu credydau ffôn i wneud hyn.

Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.

Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.

Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.

E-bost

Gallwch anfon negeseuon e-bost at rywun yng Ngharchar Abertawe drwy ddefnyddio’r gwasanaeth E-bostio Carcharor.

Efallai y byddwch hefyd yn gallu atodi lluniau a derbyn ymatebion gan y carcharor, yn dibynnu ar y rheolau yng Ngharchar Abertawe.

Llythyrau

Gallwch ysgrifennu ar unrhyw adeg.

Dylech gynnwys enw a rhif y carcharor ar yr amlen.

Os nad ydych chi’n gwybod eu rhif carcharor, cysylltwch â Charchar Abertawe.

Bydd pob llythyr yn y post, ar wahân i lythyrau cyfreithiol, yn cael eu hagor a’u gwirio gan swyddogion.

Anfon arian a rhoddion

Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.

Rhoddion a pharseli

Efallai y bydd carcharorion yn cael derbyn parseli gan anwyliaid.

Gofynnwch yn y ganolfan ymwelwyr am wybodaeth am brosesau eiddo yng Ngharchar Abertawe.

Bywyd yng Ngharchar Abertawe

Mae Carchar Abertawe wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau.

Diogelwch a diogelu

Mae gan bob carcharor yng Ngharchar Abertawe hawl i deimlo’n ddiogel. Mae’r staff yn gyfrifol am eu diogelwch a’u lles bob amser.

Gall carcharorion hefyd gael eu hyfforddi gan y Samariaid i fod yn ‘wrandawyr’ i helpu i gefnogi pobl sy’n mynd drwy gyfnodau anodd.

Cyrraedd a’r noson gyntaf

Pan fydd rhywun yn cyrraedd Carchar Abertawe am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.

Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.

Cynefino

Bydd pawb sy’n cyrraedd Abertawe yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:

  • iechyd a lles, gan gynnwys iechyd meddwl a rhywiol
  • unrhyw broblemau camddefnyddio sylweddau, gan gynnwys cyffuriau ac alcohol
  • datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
  • mathau eraill o gymorth (a elwir weithiau’n ‘ymyriadau’), fel rheoli emosiynau anodd

Mae pawb hefyd yn cael gwybod am y rheolau, diogelwch tân, a sut mae pethau fel galwadau ac ymweliadau yn gweithio.

Llety

Mae tua 500 o garcharorion yn byw yng Ngharchar Abertawe ar draws 6 uned.

Addysg a gwaith

Mae gan garcharorion fynediad at raglen eang o gyfleoedd dysgu, yn amrywio o sgiliau sylfaenol, fel Cymraeg, Saesneg a mathemateg, i ddysgu a chymwysterau uwch.

Mae cyflogaeth ar gael mewn gweithdai carchar, ceginau ac unedau ailgylchu.

Cefnogaeth i deulu a ffrindiau

Gwybodaeth am gyngor a llinellau cymorth ar gyfer teulu a ffrindiau.

Y pennaeth gweithredol ar gyfer teuluoedd yw’r Llywodraethwr Calvin Hughes, Pennaeth Lleihau Aildroseddu.

Cefnogaeth yng Ngharchar Abertawe

Mae’r tîm Ymddiriedolaeth Cyngor a Gofal (PACT) yn darparu amrywiaeth o wybodaeth, arweiniad a chefnogaeth i deuluoedd a ffrindiau carcharorion. Gallwch ffonio neu ofyn yn y ganolfan ymwelwyr i gael siarad â rhywun.

Problemau a chwynion

Os oes gennych chi broblem, cysylltwch â Charchar Abertawe. Os na allwch ddatrys y broblem yn uniongyrchol, gallwch wneud cwyn i Wasanaeth Carchardai a Phrawf EF.

Mae Gwasanaeth Carchardai a Phrawf EF yn cyhoeddi cynlluniau gweithredu ar gyfer Carchar Abertawe mewn ymateb i arolygiadau annibynnol.

Cysylltu â Charchar Abertawe

Llywodraethwr: Brian Ward

Ffôn: 01792 485 300
Ffacs: 01792 485 430
Gwybodaeth am gost galwadau

Dilynwch Garchar Abertawe ar Twitter

Cyfeiriad


CEF Abertawe,
200 Heol Ystumllwynarth,
Abertawe
SA1 3SR

Gweler y map

Mewn argyfwng

Ffoniwch 01792 4853 00 os oes gennych bryder brys am les carcharor a rhowch wybod i’r swyddog negesau.

Llinell gymorth dalfa mwy diogel

Os oes gennych bryderon am ddiogelwch neu les carcharor yng ngharchar Abertawe nad ydynt yn bryderon uniongyrchol, ffoniwch y llinell gymorth dalfa mwy diogel.

Ffôn: 01792 485 364
Peiriant ateb 24 awr, yn cael ei fonitro bedair gwaith y dydd.
Costau galwadau

Gadewch neges sy’n rhoi cymaint o fanylion â phosibl gan gynnwys enw’r carcharor, rhif y carcharor a’r adain mae wedi’i lleoli arni os ydych chi’n gwybod hynny. Os ydych chi’n dymuno, gallwch adael eich manylion a’ch rhif cyswllt eich hun er mwyn i’r carchar allu rhoi galwad yn ôl i chi.

Gallwch hefyd ddarllen mwy o wybodaeth am bryderon am garcharu mwy diogel ar wefan Teuluoedd Carcharorion.

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Updates to this page

Cyhoeddwyd ar 19 Mai 2020
Diweddarwyd ddiwethaf ar 13 Mawrth 2024 + show all updates

  1. Updated Governor to Chris Simpson.

  2. Added translation

  3. Updated visiting information

  4. Updated visiting guidance based on 1 April COVID rule changes

  5. Updated visiting information: Testing for visitors aged 12 and over.

  6. Added link to information about testing for physical contact at visits.

  7. New visiting times and booking information added.

  8. Updated visiting information in line with coronavirus restrictions.

  9. Updated visiting information.

  10. Updated visiting information in line with new coronavirus rules in Wales.

  11. Updated visiting information in line with coronavirus restrictions. 

  12. Updated covid legal visit times

  13. Updated visiting information in line with coronavirus restrictions.

  14. Updated visiting information in line with coronavirus restrictions.

  15. updated video call info

  16. First published.

Print this page

Cynnwys

Cynnwys cysylltiedig