Cymdeithas Lluoedd Arfog Wrth Gefn a Chadetiaid Cymru (RFCA)

Question

Accepted Answer

RFCA Cymru yw’r llais galluogi ar gyfer y lluoedd arfog wrth gefn a chadetiaid yng Nghymru. Mae’n cynnal yr ystad, yn darparu cefnogaeth i’r tri Gwasanaeth ac yn cysylltu’r weinyddiaeth amddiffyn â chymdeithas drwy ddarparu ‘rhwydwaith o rwydweithiau’ helaeth.

Y newyddion diweddaraf

Cymdeithas Lluoedd Wrth Gefn a Chadetiaid dros Gymru yn croesawu 100 o westeion i’r Sesiwn Wybodaeth Flynyddol

Group of speakers at RFCA for Wales' annual briefing 2024. Copyright: RFCA for Wales.

Cynhaliwyd y digwyddiad nos Iau 24 Hydref yn HMS CAMBRIA ym Mae Caerdydd, ac roedd cynulleidfa amrywiol yn bresennol gan gynnwys aelodau o gymuned y Lluoedd Arfog, sefydliadau partner, cyflogwyr a rhanddeiliaid allweddol eraill.

Y siaradwr gwadd oedd yr Athro Simon Denny BA MA PhD, cyn Ddeon Gweithredol ym Mhrifysgol Northampton a phrif awdur adroddiad annibynnol newydd pwysig sy’n dathlu effaith gadarnhaol y Lluoedd Cadetiaid ar bobl ifanc, ar oedolion sy’n gwirfoddoli ac ar gymdeithas drwyddi draw yng Nghymru.

Darllen y stori’n llawn

Gwobr Aur i ddeg sefydliad o Gymru

Group of the ten Welsh organisations that received the ERS Gold Award with key military figures and hosts. Copyright: RFCA for Wales.

Hawlfraint: RFCA for Wales

Mae deg cyflogwr wedi cael Gwobr Aur fawreddog y Cynllun Cydnabod Cyflogwyr (ERS) mewn seremoni arbennig yng Nghaerdydd.

Cafodd y 10 cyflogwr o bob cwr o Gymru eu cydnabod am y gefnogaeth ragorol maen nhw’n ei rhoi i Gymuned y Lluoedd Arfog yn y seremoni wobrwyo a gynhaliwyd yn HMS CAMBRIA, Bae Caerdydd ar 26 Medi.

Dechreuodd y noson wobrwyo wych gyda derbyniad diodydd lle cafodd y gwesteion fwynhau cerddoriaeth gan y delynores gatrodol Cerys Rees o 3ydd Bataliwn y Cymry Brenhinol. Cafodd y gwesteion eu diddanu hefyd gan Fand Catrodol a Chorfflu Drymiau’r Cymry Brenhinol.

Darllen y stori’n llawn

Gwobrau Tystysgrifau Teilyngdod Arglwydd Raglaw Ei Fawrhydi

Welsh Lord-Lieutenant logo. Copyright: RFCA for Wales.

Mae enwebiadau bellach yn cael eu derbyn ar gyfer gwobrau Tystysgrif Teilyngdod Arglwydd Raglaw Ei Fawrhydi.

Mae’r gwobrau’n cydnabod gwasanaeth eithriadol milwyr wrth gefn a gwirfoddolwyr sy’n oedolion yn y cadetiaid ac fe’u bwriedir i ategu’r anrhydeddau a roddir gan y Brenin yn y Flwyddyn Newydd a’r Rhestr Anrhydeddau Pen-blwydd.

Mae’r Arglwydd Raglawiaid yn dyfarnu’r gwobrau hyn mewn wyth seremoni a gynhelir gan Gymdeithas Lluoedd Arfog Wrth Gefn a Chadetiaid Cymru ym mhob un o hen siroedd Cymru: sef Gorllewin Morgannwg, Gwent, Dyfed, Clwyd, Powys, Morgannwg Ganol, De Morgannwg a Gwynedd.

Darllen y stori’n llawn

Canolfan Newydd Cadetiaid ar y Cyd Cil-y-coed

Group of army cadets and adult volunteers in front of the new Joint Cadet Centre. Copyright: RFCA for Wales.

Mae prosiect y Ganolfan Cadetiaid ar y Cyd (JCC) newydd yn rhan o’r Rhaglen Optimeiddio Ystadau Wrth Gefn (REOP) sy’n ceisio moderneiddio a chreu canolfannau effeithlon er budd y Lluoedd Wrth Gefn a’r Cadetiaid, gan fodloni gofynion defnyddwyr heddiw. Dyma’r datblygiad diweddaraf yng Nghymru yn y rhaglen waith hon.

Fe’i hadeiladwyd ar safle hen adeilad Cadetiaid y Fyddin yn Mill Lane, Cil-y-coed. Cafodd yr hen adeilad ei chwalu i wneud lle i’r adeilad pwrpasol newydd sbon sy’n cael ei rannu gan gadetiaid y fyddin a’r awyr yn y dref.

Yn ystod y gwaith adeiladu, symudodd y cadetiaid o Lu Cadetiaid Byddin Cil-y-coed allan a chawsant groeso dafliad carreg i ffwrdd yn Jubilee Way gan gadetiaid awyr Sgwadron 2012 (Cil-y-coed) gan ddefnyddio’r adeilad hwn dros gyfnod y gwaith.

Darllen y stori’n llawn

Adroddiad annibynnol yn dathlu effaith gadarnhaol y Lluoedd Cadetiaid yng Nghymru

Group of military cadets in uniform for the front cover of the 'Getting an Edge' report. Copyright: RFCA for Wales.

Mae ymchwil newydd gyffrous wedi’i chyhoeddi sy’n dangos yr effaith gadarnhaol y mae’r Lluoedd Cadetiaid yn ei chael ar bobl ifanc, gwirfoddolwyr sy’n oedolion, a’r gymdeithas ehangach yng Nghymru.

Comisiynwyd yr ymchwil gan Gymdeithas Lluoedd Arfog Wrth Gefn a Chadetiaid Cymru a’i gyflawni gan yr Athro Simon Denny, yr Athro Richard Hazenberg a Dr Claire Peterson-Young o Brifysgol Northampton.

Canfu’r astudiaeth fod aelodaeth o’r Lluoedd Cadetiaid wedi arwain at fwy o symudedd cymdeithasol, gwell canlyniadau addysgol a mwy o sgiliau cyflogadwyedd.

Darllen y stori’n llawn

Dathlu cyflogwyr ERS Arian 2024

Silver ERS winners 2024. Copyright: Wales RFCA.

Mae 19 o gyflogwyr gorau Cymru, sy’n ystyriol o’r lluoedd arfog, wedi cael eu cydnabod gyda gwobr fawreddog.

Cafodd y pedwar sefydliad ar bymtheg o bob cwr o Gymru Wobr Arian y Cynllun Cydnabod Cyflogwyr Amddiffyn (ERS) ar gyfer 2024.

Dyfarnwyd cynrychiolwyr o’r sefydliadau oedd yn derbyn gwobrau mewn digwyddiad arbennig a gynhaliwyd yn Adeilad y Pierhead ym Mae Caerdydd, lle’r oedden nhw’n westeion anrhydeddus yn y Saliwt 21 Gwn Brenhinol i ddathlu pen-blwydd Ei Mawrhydi’r Frenhines.

Darllen y stori’n llawn

19 Enillydd Gwobr Arian y Cynllun Cydnabod Cyflogwyr y Weinyddiaeth Amddiffyn yng Nghymru

Mae’n bleser gennym gyhoeddi bod 19 sefydliad anhygoel yng Nghymru wedi ennill Gwobr Arian y Cynllun Cydnabod Cyflogwyr (ERS) Amddiffyn ar gyfer 2024.

Mae’r Wobr Arian ERS Amddiffyn arobryn yn cydnabod cyflogwyr sydd wedi dangos eu cefnogaeth i gymuned y Lluoedd Arfog trwy roi polisïau ymarferol ar waith yn y gweithle.

Bydd y 19 enillydd yn cael eu gwahodd i dderbyn eu gwobr mewn seremoni arbennig yng Nghaerdydd ar 17 Gorffennaf.

Darllen y stori’n llawn

Busnes Caerdydd yn llofnodi Cyfamod y Lluoedd Arfog

Cardiff Business Club signs Armed Forces Covenant. Copyright: Morgan James Photography.

Yn ei ddigwyddiad diweddaraf, llofnododd Clwb Busnes Caerdydd Gyfamod y Lluoedd Arfog ochr yn ochr â Bws Caerdydd. Y siaradwr oedd yr Uwchfrigadydd Duncan G Forbes, Cyfarwyddwr Strategaeth a Pholisi’r Llynges Frenhinol a Phennaeth Cynorthwyol Staff y Llynges.

Wedi ei noddi gan Gymdeithas Cadetiaid Lluoedd Wrth Gefn Cymru, mi wnaeth yr Uwchfrigadydd annerch y Clwb, gan gyfeirio at ei hen gapten a’i fentor, y Brigadydd Jock Fraser, wrth iddo ymddeol yr haf hwn, cyn tynnu sylw’n briodol at thema etifeddiaeth ei ddarlith.

Gan addo siarad heb agenda na sbin, ond gan ddefnyddio’r achlysur i adrodd straeon, meithrin cysylltiadau a gorffwys, dechreuodd yr Uwchfrigadydd drwy drafod cyd-destun strategol eang gwaith presennol y Llynges.

Darllen y stori’n llawn

Arglwydd Raglaw Ei Fawrhydi Gwynedd yn cydnabod 12 o bobl

Lord-Lieutenant of Gwynedd Awards. Copyright: RFCA for Wales.

Mae ymdrechion 12 o bobl o bob rhan o Wynedd, gan gynnwys dau gadét ifanc, wedi cael eu cydnabod gan gynrychiolydd y Brenin dros y sir.

I gydnabod eu gwasanaeth rhagorol a’u hymroddiad i ddyletswydd, dyfarnwyd Tystysgrif Teilyngdod yr Arglwydd Raglaw i saith o bobl gan Arglwydd Raglaw Gwynedd, Edmund Bailey Ysw CStJ FRAgS yn y seremoni wobrwyo yng Nghanolfan Lluoedd Wrth Gefn y Fyddin yng Nghaernarfon ddydd Iau 25 Ebrill, 2024.

Y rhain oedd yr Is-swyddog Andrew Westall o Gorfflu Cadetiaid Môr Caergybi; y Capten Michael Evans a’r Is-swyddog Oedolion Sharon Garland, ill dau o Lu Cadetiaid y Fyddin Clwyd a Gwynedd; yr Uwchgapten Aled ‘Rhys’ Jones a’r Swyddog Gadét Nyah Lowe, ill dau o Gorfflu Hyfforddi Swyddogion Prifysgolion Cymru; yr Hyfforddwr Sifil Geoffrey (Geoff) Ward o Adain Gymreig Rhif 2 Cadetiaid Awyr yr RAF, a’r Uwchgapten Bernie Pagent o Luoedd Wrth Gefn a Chymdeithas Cadetiaid Cymru.

Darllen y stori’n llawn

Arglwydd Raglaw Ei Fawrhydi Gwent yn cydnabod 14 o bobl

Lord-Lieutenant of Gwent Awards. Copyright: RFCA for Wales

Mae ymdrechion 14 o bobl o bob rhan o Went, gan gynnwys naw cadét ifanc, wedi cael eu cydnabod gan gynrychiolydd y Brenin dros y sir.

I gydnabod eu gwasanaeth rhagorol a’u hymroddiad i ddyletswydd, dyfarnwyd Tystysgrif Teilyngdod yr Arglwydd Raglaw i bump o bobl gan y Brigadydd Robert Aitken CBE CStJ , yn y seremoni wobrwyo yn Chapman VC House, Cwmbrân, ddydd Iau 11 Ebrill.

Y rhain oedd y Prif Is-swyddog Robert Evans o HMS CAMBRIA; yr Uwch-Sarjant Catrodol Cadetiaid Staff Ehsan Iqbal o Lu Cadetiaid Byddin Gwent a Phowys; y Peilot-Swyddog Sarah Louise Beach a’r Swyddog Gwarant Joanna Holley, ill dwy o Adain Gymreig Rhif 1 Cadetiaid y Llu Awyr Brenhinol, a’r Uwchgapten Stephen John, Swyddog Ymestyn Cyrhaeddiad y Cadetiaid mewn Ysgolion ar gyfer Cymdeithas Cadetiaid a Lluoedd Wrth Gefn Cymru.

Darllen y stori’n llawn

Arglwydd Raglaw Clwyd Ei Fawrhydi yn cydnabod deuddeg o bobl

Lord-Lieutenant of Clwyd Awards. Copyright: RFCA for Wales

Mae cynrychiolydd y Brenin dros Glwyd wedi cydnabod ymdrechion deuddeg o bobl o bob rhan o’r sir.

I gydnabod eu gwasanaeth rhagorol a’u hymroddiad i ddyletswydd, dyfarnwyd Tystysgrif Teilyngdod yr Arglwydd Raglaw i chwech o bobl gan Henry George Fetherstonhaugh OBE FRAgS, yn y seremoni ym Marics Hightown, Wrecsam ar ddydd Iau 21 Mawrth.

Y rhain oedd Graham Oliver, Is-gomander o HMS Eaglet; Gary Johnston, Swyddog Gwarant 2 o HMS Eaglet; Edward Ditchfield, Llongwr Abl 2 o HMS Eaglet; Paul Burrows, Prif Hyfforddwr Catrodol o Lu Cadetiaid y Fyddin Clwyd a Gwynedd; Charmaine Lloyd, Uwch Gapten o Lu Cadetiaid y Fyddin Clwyd a Gwynedd; a Stephen Davies, Sarjant Hyfforddwr Staff o Lu Cadetiaid y Fyddin Clwyd a Gwynedd.

Darllen y stori’n llawn

Deg o bobl yn cael eu cydnabod gan Arglwydd Raglaw Ei Fawrhydi Dyfed

Lord-Lieutenant of Dyfed Awards. Copyright: RFCA for Wales.

Mae ymdrechion deg o bobl o bob cwr o Ddyfed, gan gynnwys dau gadét ifanc, wedi cael eu cydnabod gan gynrychiolydd y Brenin dros y sir.

I gydnabod eu gwasanaeth rhagorol a’u hymroddiad i ddyletswydd, dyfarnwyd Tystysgrif Teilyngdod yr Arglwydd Raglaw i bump o bobl gan Miss Sara Edwards, yn y seremoni yng Ngwesty’r Ivy Bush, Caerfyrddin, ddydd Iau 7 Mawrth.

Y pump oedd Colin Sharp a Hilary Anderson, ill dau o Gorfflu Cadetiaid Môr Aberdaugleddau; Is-lefftenant (SCC) Lucy Killick RNR o Gorfflu Cadetiaid Môr Llanelli; Hyfforddwr Rhingyll Staff Colleen Chinnery a Hyfforddwr Rhingyll Staff Kirsty Richards o Lu Cadetiaid Byddin Dyfed a Morgannwg

Yn ystod y noson, cyflwynwyd tair gwobr am wasanaeth hir a gwasanaeth gwirfoddol i aelodau’r Corfflu Cadetiaid Môr hefyd.

Darllen y stori’n llawn

Cydnabyddiaeth frenhinol i wyth o bobl

Gwobrau Arglwydd Raglaw De Morgannwg. Hawlfraint: RFCA dros Gymru.

Dyfarnwyd Tystysgrif Teilyngdod yr Arglwydd Raglaw i wyth o bobl gan Arglwydd Raglaw Ei Fawrhydi ar gyfer De Morgannwg, Mrs Morfudd Meredith.

Dyma’r wyth a gafodd eu cydnabod: Prif Is-swyddog Paul Jones o HMS CAMBRIA; Is-swyddog Alan Lewis o Gorfflu Cadetiaid Môr Casnewydd; Capten Chris Cooper a’r Uwch-ringyll Hyfforddwr Staff Richard Cooper, ill dau o Lu Cadetiaid y Fyddin Dyfed a Morgannwg; Capten Jayne Simpson o Lu Cadetiaid y Fyddin Gwent a Phowys; Awyr-Lefftenant Jeffrey Thomas a’r Uwch-ringyll Hedfan Stuart Ansell, ill dau o Adain Gymreig Rhif 1 Cadetiaid y Llu Awyr Brenhinol; a Rick Hallet o Gymdeithas Lluoedd Wrth Gefn a Chadetiaid Cymru.

Cyflwynwyd eu gwobr iddynt i gydnabod eu gwasanaeth rhagorol a’u hymroddiad i ddyletswydd yn seremoni wobrwyo flynyddol yr Arglwydd Raglaw, a gynhaliwyd gan HMS CAMBRIA ym Mae Caerdydd ddydd Iau 22 Chwefror 2024.

Darllen y stori’n llawn

Arglwydd Raglaw Ei Fawrhydi ar gyfer Morgannwg Ganol yn cydnabod gwasanaeth rhagorol ac ymroddiad i ddyletswydd

Lord-Lieutenant of Mid Glam Awards. Copyright: RFCA for Wales.

Dyfarnwyd Tystysgrif Teilyngdod yr Arglwydd Raglaw i ddau o bobl gan Arglwydd Raglaw Ei Fawrhydi ar gyfer Morgannwg Ganol, Yr Athro Peter Vaughan QPM CStJ.

Yn seremoni wobrwyo flynyddol yr Arglwydd Raglaw yng Nghanolfan Wrth Gefn y Fyddin ym Mhontypridd ddydd Iau 8 Chwefror 2024, cafodd Awyr-Lefftenant Matthew Hackett a’r Parchedig Bernard Jones, ill dau o Adain Gymreig Rhif 3 Cadetiaid y Llu Awyr Brenhinol, eu cydnabod am eu gwasanaeth rhagorol a’u hymroddiad i ddyletswydd.

Darllen y stori’n llawn

Pymtheg o bobl yn cael eu cydnabod gan Arglwydd Raglaw Ei Fawrhydi Gorllewin Morgannwg

Lord-Lieutenant of West Glamorgan Awards. Copyright: RFCA for Wales.

Mae ymdrechion 15 o bobl, gan gynnwys pedwar cadét ifanc, o bob rhan o Orllewin Morgannwg wedi cael eu cydnabod gan gynrychiolydd y Brenin dros y sir.

I gydnabod eu gwasanaeth rhagorol a’u hymroddiad i ddyletswydd, dyfarnwyd Tystysgrif Teilyngdod yr Arglwydd Raglaw i un ar ddeg o bobl gan Mrs Louise Fleet YH, yn y seremoni yn John Chard VC House, Abertawe ddydd Iau 25 Ionawr.

Darllen y stori’n llawn

Pedwar o bobl yn cael eu cydnabod gan Arglwydd Raglaw Ei Fawrhydi ym Mhowys

Lord-Lieutenant of Powys Awards. Copyright: RFCA for Wales

Mae ymdrechion pedwar o bobl o bob rhan o Bowys wedi cael eu cydnabod gan gynrychiolydd y Brenin yn y sir.

Dyfarnwyd Tystysgrif Teilyngdod yr Arglwydd Raglaw i ddau berson gan Mrs Tia Jones i gydnabod eu gwasanaeth rhagorol a’u hymroddiad i ddyletswydd yn y seremoni yng Ngwesty’r Elephant and Castle yn y Drenewydd ddydd Iau, 11 Ionawr.

Cafodd cyflawniadau dau gadét yr Arglwydd Raglaw hefyd eu cydnabod a’u dathlu yn ystod y digwyddiad a fynychwyd gan tua 50 o bobl.

Darllen y stori’n llawn

Pencampwyr Cadetiaid

Sea cadet John Challenger being awarded a British Empire Medal (BEM) dressed in full service uniform. — Sea cadet John Challenger was awarded a British Empire Medal (BEM) for services to young people during Covid-19. Copyright: Open Government License.

Rydym yn cefnogi dros 4,400 o gadetiaid a dros 1,200 o oedolion sy’n gwirfoddoli mewn lluoedd cadetiaid yng Nghymru. Fel pencampwyr y mudiad cadetiaid, rydym yn hyrwyddo manteision profiad y cadetiaid i fywyd pobl ifanc.

Hawlfraint: Trwydded Llywodraeth Agored

Ydych chi erioed wedi ystyried bod yn gadét yn un o unedau cadetiaid Cymru? Mae John Challenger, 17 oed, yn esbonio pam ei fod yn meddwl ei bod mor bwysig helpu i gadw’r cysylltiad rhwng y 2,300 o gadetiaid môr ar draws gogledd Cymru a gogledd-orllewin Lloegr.

Dywedodd John: “Rwy’n credu bod llawer o bobl ifanc wedi cael trafferth gydag iechyd meddwl, gan deimlo nad ydyn nhw’n gallu taro cydbwysedd rhwng gwaith ysgol, y cadetiaid a chadw mewn cysylltiad â theulu a ffrindiau. Ond roedd y Cadetiaid Môr wedi gweithio’n galed i leihau’r anawsterau hyn i staff a chadetiaid drwy adeiladu rhwydweithiau cymorth sy’n ymestyn ledled y wlad, gyda’r nod o’n helpu ni i gyd drwy’r cyfnod heriol hwn.”

Darllenwch stori John: John Challenger yn trafod pwysigrwydd chwarae ei ran i helpu cadetiaid eraill Cafodd John Challenger, cadét môr, Fedal yr Ymerodraeth Brydeinig am wasanaethau i bobl ifanc yn ystod Covid-19.

Rhagor o wybodaeth am fod yn gadét.

Hyrwyddo’r Lluoedd Arfog Wrth Gefn

Reservist Tracy Llewellyn standing next to a tractor dressed in full service uniform. — Reservist Tracy Llewellyn combines being a military musician, mum and farmer. MOD Crown Copyright.

Rydym yn gweithio’n agos gyda’r Unedau Wrth Gefn (y Llynges Frenhinol, Byddin Prydain a’r Awyrlu Brenhinol) yng Nghymru i gefnogi’r gwaith recriwtio ac i hyrwyddo eu rôl yn darparu galluogrwydd Amddiffyn y DU.

Hawlfraint: Hawlfraint y Goron y Weinyddiaeth Amddiffyn

Yn ôl Tracy Llewellyn, chwaraewr trombôn ym Mand y Cymry Brenhinol, ni fyddai’n gallu dymuno cael gwell swydd ran-amser ar y cyd â gweithio ar fferm y teulu ger y Fenni.

Ymunodd Tracy â Band Llu Cadetiaid Powys pan oedd yn 13 oed ac yna aeth ymlaen i wasanaethu yn y Fyddin am 12 mlynedd fel rhan o Gorfflu Cerddoriaeth y Fyddin cyn gadael i ddechrau teulu.

Dywedodd Tracy: “I mi, mae’n golygu fy mod yn gallu gwneud y tri pheth pwysicaf yn fy mywyd, sef gweithio ar y fferm, bod yn fam, a bod yn gerddor milwrol.

Darllenwch stori lawn Tracy: Tracy Llewellyn, sy’n Filwr Wrth Gefn, yn llwyddo i gyfuno bod yn gerddor milwrol, yn fam ac yn ffermwraig.

Rhagor o wybodaeth am fod yn filwr wrth gefn.

Ymgysylltu â’r gymuned leol a chyflogwyr ar ran y weinyddiaeth amddiffyn

Rydym yn gweithio gyda chyflogwyr lleol i annog cefnogaeth i gymuned y Lluoedd Arfog a chydnabyddiaeth o’r set sgiliau gwerthfawr mae aelodau o gymuned y Lluoedd Arfog yn eu cyfrannu yn y gweithle. Mae ein perthynas barhaus â chymunedau lleol yn parhau i annog cefnogaeth ar gyfer milwyr wrth gefn, cadetiaid a’r teulu milwrol ehangach ledled Cymru.

Enillodd Alun Griffiths (Contractors) Ltd Wobr Aur Cynllun Cydnabod Cyflogwyr y Weinyddiaeth Amddiffyn yn 2020. Wedi’u sefydlu yn 1968, maen nhw’n un o’r prif gontractwyr peirianneg sifil a rheilffyrdd sy’n gweithio ledled Cymru. Yn y fideo hwn, mae Richard Bruten (Cyfarwyddwr Prosiectau Mawr a Chyn-filwr y Fyddin) ac Amanda Holmes (Cynghorydd Adnoddau Dynol a Chyn-filwr) yn siarad am y diwylliant cefnogol i’r lluoedd arfog yn Griffiths yn ogystal ag eiriolaeth barhaus y sefydliad dros gymuned y lluoedd arfog.

Darparu’r mannau gorau i weithio a hyfforddi ynddynt

Photograph taken outside of the new HMS Cambria building. — HMS Cambria is the brand new £11 million state-of-the-art home to three Maritime Reserve units. MOD Crown Copyright

Rydym yn rheoli ac yn cynnal a chadw y 400 a mwy o adeiladau sy’n gartref i unedau cadetiaid a milwyr wrth gefn lleol, yn ogystal â darparu addasiadau i gartrefi cyn-filwyr sydd wedi’u hanafu ac sy’n byw yng Nghymru.

Wedi’i disgrifio fel ‘trysor’ yn yr Ystad Amddiffyn, cafodd HMS Cambria ei chyflawni ar amser ac o fewn y gyllideb gan y Gymdeithas Lluoedd Wrth Gefn a Chadetiaid dros Gymru, mewn partneriaeth â’r Llynges Frenhinol ac Associated British Ports.

Mae’r prosiect hynod lwyddiannus hwn wedi galluogi HMS Cambria, unig uned y Llynges Frenhinol Wrth Gefn yng Nghymru, i ddychwelyd i’w chartref morol gwreiddiol yng Nghaerdydd, a mwynhau presenoldeb ger canolfan Lywodraethu Cymru.

Darllen y stori lawn: HMS Cambria newydd Caerdydd gwerth £11 miliwn

Newyddion archif

2023

Rhagor o straeon newyddion gan yr RFCA

Gwybodaeth gyswllt

RFCA for Wales,
Maindy Barracks,
Cardiff,
CF14 3YE

Ffôn: 02920375735

E-bost: wa-info@rfca.mod.uk

Dilynwch ni ar:

Facebook: @rfcawales

Twitter: @RFCAforWales

LinkedIn: RFCAforWales

Instagram: rfca.wales

Youtube: RFCAforWales

Gwybodaeth gysylltiedig

Cofrestrwch i gael ein cylchlythyr

Darllenwch ein cylchlythyr

Cymdeithas Lluoedd Arfog Wrth Gefn a Chadetiaid Cymru (RFCA)