Gwneud didyniadau dyled budd-daliadau o gyflog gweithiwr
Trosolwg
Fel cyflogwr efallai bydd gofyn i chi ddidynnu gordaliadau budd-dal sy’n ddyledus gan gyflogai i’r Adran Gwaith a Phensiynau (DWP) o’u cyflog. Gelwir hyn yn Atodiad Uniongyrchol o Enillion (DEA).
Bydd yr Adran Gwaith a Phensiynau yn ysgrifennu atoch ac yn gofyn i chi weithredu’r cynllun DEA os effeithir ar unrhyw un o’ch cyflogeion. Mae DEA ond yn berthnasol i gyfran fach o bobl sydd ag arian yn ddyledus i DWP.
Hefyd, efallai bydd gofyn i chi wneud didyniadau ar gyfer gordaliadau Budd-dal Tai sy’n ddyledus gan gyflogai i’w hawdurdod lleol. Cysylltwch ag awdurdodau lleol, nid DWP, am y didyniadau hyn.
Mae’r canllaw hwn hefyd ar gael yn Saesneg (English)