Canllawiau

Carchar Belmarsh

Mae Belmarsh yn garchar i garcharorion diogelwch uchel yn ne-ddwyrain Llundain.

Gan:
HM Prison and Probation Service and Gweinyddiaeth Cyfiawnder
Cyhoeddwyd
19 Mai 2020
Diweddarwyd ddiwethaf
2 Awst 2022 — Gweld pob diweddariad

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Bwcio a chynllunio eich ymweliad â Belmarsh

I ymweld â rhywun yn Belmarsh, rhaid i chi:

  • fod ar restr ymwelwyr y person hwnnw
  • archebu eich ymweliad ymlaen llaw
  • bod â’r ID gofynnol gyda chi pan fyddwch yn mynd

Gellir trefnu ymweliad hyd at bythefnos ymlaen llaw.

Cysylltwch â Belmarsh os oes gennych chi unrhyw gwestiynau am ymweld.

Help gyda chost eich ymweliad

Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:

  • teithio i Belmarsh
  • rhywle i aros dros nos
  • prydau bwyd

Sut i drefnu ymweliadau teulu a ffrindiau

Gallwch drefnu eich ymweliad ar-lein, drwy anfon e-bost at [email protected] neu dros y ffôn.

Gallwch hefyd gofrestru i ddefnyddio’r gwasanaeth galwadau fideo diogel.

Llinell archebu dros y ffôn: 0208 331 4760 neu 020 8331 4750
Mae’r llinell archebu ar agor o ddydd Llun i ddydd Gwener, 9:30am i 3pm
Gwybodaeth am gostau galwadau

Gallwch gyrraedd hyd at 1 awr cyn amser eich ymweliad i fynd drwy’r system ddiogelwch a chofrestru.

Dim ond hyn a hyn o lefydd parcio sydd ar gael, felly rhowch ddigon o amser i barcio neu ddefnyddio trafnidiaeth leol.

Rhaid trefnu pob ymweliadau ymlaen llaw. Dim ond yr ymwelwyr hynny y mae eu manylion wedi’u rhestru ar Restr Cysylltiadau Awdurdodedig y Carcharor (fel y’i darperir gan y carcharor) a’r rheini sydd wedi’u henwi ar yr archeb fydd yn cael mynd i mewn i’r carchar.

Ni all staff carchar ychwanegu ymwelydd/ymwelwyr at Restr Gyswllt Awdurdodedig Carcharor heb ganiatâd / awdurdodiad Carcharor.

Amseroedd ymweld:

  • Dydd Mawrth i ddydd Iau: 9:15am i 10:45am, 2:15pm i 3:45pm
  • Dydd Gwener: 9:15am i 10:45am
  • Dydd Sadwrn: 9:30am i 11:30am, 2:15pm i 4:15pm
  • Dydd Sul: 2:15pm i 4:15pm

Sut i drefnu ymweliadau cyfreithiol a phroffesiynol

Amseroedd ymweliadau Cyfreithiol Wyneb yn Wyneb:

  • Dydd Mawrth i ddydd Iau: 9:15am i 11:15am a 2:15pm i 4:15pm
  • Dydd Gwener: 9am i 10:30 am
  • Dydd Sadwrn, dydd Sul a dydd Llun: Wedi Cau

Rhaid i unrhyw gyfarpar electronig awdurdodedig megis gliniaduron, gael rhif cyfresol wedi’i argraffu mewn ffatri yn weladwy i gael mynediad. Holwch y tîm trefnu apwyntiadau ynghylch unrhyw broblemau.

Gallwch drefnu ymweliadau cyfreithiol wyneb yn wyneb drwy ffonio 0208 331 4750 neu anfon e-bost at [email protected]. Bydd y llinell archebu ar agor o ddydd Llun i ddydd Gwener rhwng 9:30am a 3pm.

Amseroedd ymweliadau cyfreithiol drwy gyswllt fideo:

  • O ddydd Llun i ddydd Gwener: 9:30am i 11:30am a 2:30pm i 4:30pm

I archebu ymweliadau cyfreithiol drwy gyswllt fideo, anfonwch e-bost at [email protected]

Rhaid archebu drwy gyfrif CJSM neu gyfrif e-bost. Gofynnir i chi ddarparu prawf o bwy ydych chi pan fyddwch yn archebu gyda charcharor CAT A. Bydd angen I.D arnoch hefyd ar adeg apwyntiad ar gyfer CAT A a phob carcharor arall.

Cyrraedd Belmarsh

Dod o hyd i Belmarsh ar fap

Y gorsafoedd rheilffordd agosaf yw Woolwich Arsenal a Plumstead. O Plumstead, gallwch gerdded i Belmarsh, neu o Woolwich Arsenal gallwch chi fynd ar fws.

I gynllunio eich taith ar drafnidiaeth gyhoeddus:

Mae llefydd parcio ar gael, gan gynnwys llefydd parcio ar gyfer deiliaid Bathodyn Glas.

Mynd i Belmarsh

Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.

Bydd angen i bob ymwelydd gael chwiliad ‘patio i lawr’, gan gynnwys plant. Ar eich ymweliad cyntaf, bydd eich llun yn cael ei dynnu. Efallai y bydd eich olion bysedd a sgan llygaid yn cael eu cymryd. Efallai y cewch eich arogli gan gŵn diogelwch hefyd.

Mae gan Belmarsh bolisi cod gwisg llym, sy’n golygu y dylai ymwelwyr wisgo dillad smart sy’n ystyriol o deuluoedd (dim dillad wedi’u rhwygo, dim festiau, dim topiau isel, dim trowsusau byr, dim ffrogiau byr, dim dillad tîm chwaraeon, dim oriawr, dim ond ychydig o emwaith, dim sloganau sarhaus a dim dillad pen, ar wahân i’r rhai a wisgir am resymau crefyddol).

Bydd lluniaeth ar gael yn ystod eich ymweliad.

Mae rheolaethau llym ar yr hyn y gallwch ddod i mewn i Belmarsh. Bydd yn rhaid i chi adael y rhan fwyaf o’r pethau sydd gennych gyda chi mewn locer (bydd angen darn £1 arnoch) neu gyda swyddogion diogelwch. Mae hyn yn cynnwys pramiau a seddi ceir.

Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto.

Cyfleusterau ymweld

Mae canolfan ymwelwyr ystyriol o deuluoedd yn cael ei rhedeg gan yr Ymddiriedolaeth Cyngor a Gofal Carchardai (PACT).

Dylai ymwelwyr gyrraedd y ganolfan ymwelwyr i gofrestru ar gyfer ymweliad. Mae bar te yn y ganolfan ymwelwyr y tu allan i’r carchar a bar te llawn y tu mewn i’r brif neuadd ymweliadau.

Mae man chwarae bach hefyd yn y ganolfan ymweliadau a meithrinfa mwy gyda staff yn y brif neuadd ymweliadau.

Gellir trosglwyddo eiddo carcharorion ar ymweliad drwy wneud cais.

Ffôn PACT: 0208 317 3888
E-bost: [email protected]

Diwrnodau teulu

Mae Belmarsh yn cynnal 1 diwrnod teulu bob mis.

Cadw mewn cysylltiad â rhywun yn Belmarsh

Mae sawl ffordd y gallwch gadw mewn cysylltiad â rhywun yn ystod eu hamser yn Belmarsh.

Galwadau fideo diogel

I gael galwad fideo ddiogel gyda rhywun yn y carchar hwn, mae angen i chi wneud y canlynol:

  • Lawrlwytho’r ap Prison Video
  • Creu cyfrif
  • Cofrestru pob ymwelydd
  • Ychwanegu’r carcharor at eich rhestr cysylltiadau.

Sut i drefnu galwad fideo ddiogel

Gallwch ofyn am alwad fideo ddiogel gyda rhywun yn y carchar hwn drwy ap Prison Video.

Byddwch yn cael hysbysiad pan fydd eich cais wedi cael ei dderbyn.

Rhagor o wybodaeth am sut mae’n gweithio

Amseroedd galwadau fideo

  • Dydd Mawrth i ddydd Iau: 11:30am i 12:00pm, 4:30pm i 5pm
  • Dydd Gwener, dydd Sadwrn a dydd Sul: Wedi Cau

Galwadau ffôn

Mae gan garcharorion ffonau yn eu celloedd, ond bydd yn rhaid iddynt eich ffonio chi bob amser. Rhaid iddynt brynu credydau ffôn i wneud hyn. Mae’r ffonau’n anweithredol ar ôl 10pm, ond maen nhw ar gael sawl gwaith yn ystod y dydd.

Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio. Gall hyn gymryd mwy o amser yn dibynnu ar achosion unigol.

Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.

Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.

E-bost

Gallwch anfon negeseuon e-bost at rywun yn Belmarsh drwy ddefnyddio’r gwasanaeth E-bostio Carcharor.

Llythyrau

Gallwch ysgrifennu ar unrhyw adeg.

Dylech gynnwys enw a rhif y carcharor (neu ddyddiad geni) ar yr amlen. Rhaid i chi hefyd ysgrifennu eich enw a’ch cyfeiriad eich hun ar gefn yr amlen.

Bydd pob llythyr yn y post, ar wahân i lythyrau cyfreithiol, yn cael eu hagor a’i gwirio gan swyddogion.

Anfon arian a rhoddion

Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.

Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.

Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:

  • os nad ydych yn gallu defnyddio cyfrifiadur, ffôn clyfar na’r rhyngrwyd
  • os nad oes gennych chi gerdyn debyd

Bydd hyn yn caniatáu i chi anfon arian drwy’r post.

Rhoddion a pharseli

Ni chaniateir i garcharorion dderbyn parseli sy’n cael eu hanfon i Belmarsh oni bai fod amgylchiadau eithriadol.

Mae carcharorion yn gallu prynu eitemau o gatalogau o gyflenwyr cymeradwy.

Caniateir i ffrindiau a theuluoedd carcharorion anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu dod o hyd i’r llyfrau a’u hanfon ymlaen at garcharorion.

I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.

Bywyd yn Belmarsh

Mae Belmarsh wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau.

Diogelwch a diogelu

Mae gan bob carcharor yn Belmarsh hawl i deimlo’n ddiogel. Mae’r staff yn gyfrifol am eu diogelwch a’u lles bob amser.

I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.

Cyrraedd a’r noson gyntaf

Pan fydd rhywun yn cyrraedd Belmarsh am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.

Mewn rhai achosion, gall aelod o staff wneud galwad ffôn ar gais y carcharor.

Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.

Cynefino

Bydd pawb sy’n cyrraedd Belmarsh yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:

  • iechyd a lles, gan gynnwys iechyd meddwl a rhywiol
  • unrhyw broblemau camddefnyddio sylweddau, gan gynnwys cyffuriau ac alcohol
  • datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
  • mathau eraill o gymorth (a elwir weithiau’n ‘ymyriadau’), fel rheoli emosiynau anodd

Mae pawb hefyd yn cael gwybod am y rheolau, diogelwch tân, a sut mae pethau fel galwadau ac ymweliadau yn gweithio.

Llety

Mae tua 900 o garcharorion yn cael eu lletya yn Belmarsh, ar draws 4 prif uned, sy’n cynnwys celloedd sengl, dwbl a thriphlyg.

Addysg a gwaith

Gall carcharorion Belmarsh gael mynediad at addysg, gweithdai a gweithgareddau campfa.

Mae gwasanaeth dadwenwyno a chymorth cyffuriau ar gael sy’n gallu parhau i gynnig cefnogaeth ar ôl rhyddhau drwy gysylltiadau cymunedol.

Mae carcharorion yn cael cynnig cymorth i adsefydlu drwy weithio gydag asiantaethau yn y meysydd canlynol:

  • llety
  • addysg
  • hyfforddiant
  • cyflogaeth
  • iechyd
  • plant a theuluoedd
  • cyllid, budd-daliadau a dyledion
  • agweddau, ffordd o feddwl ac ymddygiad
  • dioddefwyr trais yn y cartref
  • dioddefwyr gwaith rhyw
  • mentora yn y ddalfa ac ar ôl rhyddhau

Mae cynllun gwrandawyr ar gyfer carcharorion sydd mewn perygl o hunanladdiad neu hunan-niweidio.

Mae grŵp cymorth ar gael ar gyfer gwladolion tramor a gallant gael cyngor ar gyfraith mewnfudo.

Rhyddhau dros dro

Gall carcharorion wneud cais am Ryddhau ar Drwydded Dros Dro (ROTL) a byddant yn cael eu hasesu’n unigol yn unol â’r fframwaith rheoleiddio llym.

Sefydliadau y mae Belmarsh yn gweithio gyda nhw

Mae gennym gysylltiadau cryf â Spark Inside a SwitchBack sy’n cynnig gwasanaethau mentora a hyfforddi i garcharorion ifanc yn ein gofal. Mae Drwy’r Giât yn parhau â’r gefnogaeth hon ar ôl rhyddhau.

Mae Ymddiriedolaeth Shannon yn helpu drwy hyfforddi carcharorion i weithio gydag eraill i wella eu sgiliau darllen.

Cefnogaeth i deulu a ffrindiau

Cael gwybod am gyngor a llinellau cymorth ar gyfer teulu a ffrindiau.

Yr Arweinydd Teulu a Phobl Eraill o Bwys yng Ngharchar EF Belmarsh yw’r Llywodraethwr Twomey y gellir cysylltu ag ef yn [email protected]

Cefnogaeth yn Belmarsh

Mae Ymddiriedolaeth Cyngor a Gofal Carchardai (PACT) yn cynnig cymorth, gwybodaeth ac arweiniad am ymweliadau â charchardai i ffrindiau a theulu.

Ffôn (PACT): 020 8331 4682

Pryderon, problemau a chwynion

Mewn argyfwng

Ffoniwch 0208 331 4781 i 0208 331 4866 os ydych chi’n meddwl bod carcharor mewn perygl uniongyrchol o niwed. Gofynnwch am y Swyddog Dydd ac egluro bod eich pryder yn un brys.

Categori cyswllt Rhif ffôn Gwybodaeth ychwanegol
Dim brys 0208 331 4844 Ffoniwch y rhif hwn os oes gennych chi bryderon difrifol am ddiogelwch neu lesiant carcharor ond nad yw’r pryderon yn peryglu bywyd, neu gallwch lenwi ffurflen gyswllt dalfa fwy diogel ar wefan Llinell Gymorth Teuluoedd Carcharorion.
Llinell Gymorth Gonestrwydd Staff 0800 917 6877
(peiriant ateb 24 awr)		 Gallwch ffonio’r rhif hwn yn ddienw. Os ydych chi’n poeni bod carcharor yn cael ei fwlio gan aelod o staff, gallwch ddefnyddio’r rhif hwn. Gan fod y llinell hon yn cael ei rheoli ar wahân i’r carchar, gallwch ffonio’r rhif hwn yn ddienw.
Llinell Gymorth Teuluoedd Carcharorion 0808 808 2003 Gall y Llinell Gymorth i Deuluoedd Carcharorion ddarparu cymorth, cyngor ac arweiniad cyfrinachol.
Cyswllt Digroeso gan Garcharor 0300 060 6699 Os yw carcharor yn cysylltu â chi a’ch bod am iddo roi’r gorau i wneud hyn, gallwch ddefnyddio’r Gwasanaeth Cyswllt Digroeso gan Garcharor.

Gallwch lenwi’r ffurflen ar-lein ar gyfer atal cyswllt gan garcharor, anfon e-bost at [email protected] neu gysylltu dros y ffôn.

Problemau a chwynion

Os oes gennych chi broblem arall, cysylltwch â Belmarsh.

Adroddiadau arolygu

Mae Gwasanaeth Carchardai a Phrawf EF yn cyhoeddi cynlluniau gweithredu ar gyfer Belmarsh mewn ymateb i arolygiadau annibynnol.

Cysylltu â Belmarsh

Llywodraethwr: Jenny Louis

Ffôn: 020 8331 4400
Dydd Llun i ddydd Gwener, rhwng 7am a 8pm, dyddiau’r wythnos 7am i 5pm
Ffacs:  020 8331 4401
Gwybodaeth am gost galwadau

E-bost: [email protected]

Twitter/X: Dilyn Belmarsh ar Twitter

Cyfeiriad

HMP Belmarsh

Western Way

Thamesmead

Llundain / London

SE28 0EB

Gweler y map

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Updates to this page

Cyhoeddwyd ar 19 Mai 2020
Diweddarwyd ddiwethaf ar 2 Awst 2022 + show all updates

  1. Secure video calls update.

  2. Updated visiting guidance based on 1 April COVID rule changes

  3. Added link to new safer custody information under Security and safeguarding.

  4. Updated visiting information: Testing for visitors aged 12 and over.

  5. Updated booking line number

  6. Updated physical contact guidance

  7. Updated PACT family support phone number.

  8. Change to visits booking number.

  9. New visiting times and booking information added.

  10. Prison moved into National Stage 3 framework and is now preparing to open visits for family, friends and significant others. We will update this page with specific visiting information as soon as possible.

  11. Governor change.

  12. Covid updates

  13. Updated visit info

  14. Updated visiting information in line with new local restriction tiers.

  15. Updated visiting information in line with new local restriction tiers.

  16. Updated visiting information in line with new national restrictions in England.

  17. Updated visiting information in line with coronavirus restrictions.

  18. Added information about secure video calling.

  19. Updated visiting information in line with coronavirus restrictions.

  20. Updated safer custody hotline number

  21. First published.

Print this page

Cynnwys

Cynnwys cysylltiedig