Gwirio os ydych mewn perygl o arbed treth
Dysgwch sut i wirio’ch risg o fod yn rhan o arbed treth os ydych yn weithiwr asiantaeth neu’n gontractwr sy’n gweithio drwy gwmni ambarél.
Defnyddiwch y gwiriwr risg rhyngweithiol i ddarganfod a allai’ch trefniadau cyflogaeth gynnwys arbed treth.
Cyn i chi ddechrau
Gallwch ddefnyddio’r offeryn hwn os ydych chi’n gweithio drwy gwmni ambarél. Os ydych chi’n ansicr, gallwch gael gwybod a ydych chi’n gweithio drwy gwmni ambarél drwy wirio’ch:
- contract cyflogaeth
- dogfen gwybodaeth allweddol (yn Saesneg) gan yr asiantaeth recriwtio (os yw’n berthnasol)
Dysgwch ragor am yr hyn i’w ddisgwyl wrth weithio drwy gwmni ambarél (yn Saesneg).
Yr hyn y bydd ei angen arnoch
Casglwch y dogfennau y gallai fod eu hangen arnoch. Mae’r rhain yn cynnwys:
- slipiau cyflog
- cyfriflenni banc
- contractau neu gytundebau cyflogaeth
- dogfen gwybodaeth allweddol
- cyngor ar dalu
- unrhyw ddogfennau eraill sydd gennych sy’n ymwneud â’ch trefniadau cyflogaeth
Dydy’r rhestr hon ddim yn gynhwysfawr.
Sut i wirio
Mae’r gwiriwr risg rhyngweithiol hwn ond yn cwmpasu’r arwyddion mwyaf cyffredin o arbed treth i fod yn wyliadwrus ohonynt.
Does dim angen i chi roi unrhyw fanylion personol, fel eich enw neu’ch cyfeiriad, wrth ddefnyddio’r gwiriwr hwn.