Canllawiau

Sut i gwyno am wasanaeth neu benderfyniad Swyddfa’r Dyfarnwr

Pryd a sut i gwyno wrth Swyddfa’r Dyfarnwr am ei gwasanaeth neu ei phenderfyniad.

Gan:
Swyddfa’r Dyfarnwr
Cyhoeddwyd
9 Rhagfyr 2013
Diweddarwyd ddiwethaf
13 Mai 2021 — Gweld pob diweddariad

Fel rhan o’n hymchwiliad, bydd Swyddfa’r Dyfarnwr yn adolygu’r hyn rydych wedi’i anfon atom ac yn gwneud unrhyw ymholiadau angenrheidiol.

Byddwn wedyn yn:

  • gwneud ein penderfyniad
  • gwneud argymhellion os byddwn yn penderfynu bod angen i Gyllid a Thollau EM (CThEM), Asiantaeth y Swyddfa Brisio neu’r Swyddfa Gartref unioni pethau
  • ysgrifennu atoch chi (neu’ch cynrychiolydd) a CThEM, Asiantaeth y Swyddfa Brisio neu’r Swyddfa Gartref gydag eglurhad o’n penderfyniad

Sut i ofyn am adolygiad annibynnol ar benderfyniad Swyddfa’r Dyfarnwr

Os ydych yn anfodlon ar ein penderfyniad, gallwch ofyn i Aelod Seneddol (AS) anfon eich cais am adolygiad neu’ch cwyn at yr Ombwdsmon Seneddol a Gwasanaeth Iechyd

Mae’n rhaid i chi roi’r wybodaeth ganlynol i’r AS:

  • manylion llawn sy’n egluro pam yr ydych yn anfodlon a’r hyn yr hoffech iddo ddigwydd
  • unrhyw dystiolaeth i ategu’ch safbwynt (os oes angen unrhyw ddogfennau yn ôl arnoch, bydd angen i chi ofyn amdanynt cyn pen 50 diwrnod gwaith, sef hyd ein polisi cadw dogfennau)
  • eich rhif ffôn a’ch dull cysylltu dewisol

Gwneud cwyn ynghylch gwasanaeth Swyddfa’r Dyfarnwr

Wrth ddelio â’ch cwyn, byddwn yn:

  • eich trin mewn modd cwrtais a phroffesiynol
  • diogelu’r wybodaeth a rowch i ni
  • defnyddio iaith glir ac yn osgoi jargon, lle bo hynny’n bosibl, wrth gyfathrebu â chi
  • rhoi eglurhad o sut rydym wedi trin eich cwyn

Os ydych yn anfodlon ar ein gwasanaeth yn hytrach na’n penderfyniad, rhowch wybod i’r aelod o staff sy’n delio â’ch cwyn.

Os na chaiff y mater ei ddatrys i’ch boddhad, cysylltwch â ni.

Os ydych yn dal i fod yn anfodlon ar ein gwasanaeth, ysgrifrennwch at ein Pennaeth Swyddfa i gael ail adolygiad.

Ateb Pennaeth Swyddfa’r Dyfarnwr yw ein pendefyniad terfynol ar eich cwyn ynghylch ein gwasanaeth. Os ydych yn dal i fod yn anfodlon ar ôl yr adolygiad hwn, gallwch ofyn i AS gyflwyno’ch cwyn i’r Ombwdsmon Seneddol a Gwasanaeth Iechyd.

Sut mae Swyddfa’r Dyfarnwr yn helpu CThEM, Asiantaeth y Swyddfa Brisio a’r Swyddfa Gartref i ddysgu o gŵynion

Rydym yn sefydliad sy’n dysgu ac rydym yn croesawu adborth. Byddwn bob amser yn ystyried adborth, a lle caiff gwersi ehangach eu codi, byddwn yn bachu ar y cyfle hwn i wella gwasanaeth i gwsmeriaid.

Updates to this page

Cyhoeddwyd ar 9 Rhagfyr 2013
Diweddarwyd ddiwethaf ar 13 Mai 2021 + show all updates

  1. Added Welsh translation

  2. We updated the page to include our Windrush Compensation Scheme independent review role.

  3. First published.

Print this page

Cynnwys

Cynnwys cysylltiedig