Canllawiau

Rôl y Dyfarnwr

Arweiniad i egluro rôl y Dyfarnwr a Swyddfa’r Dyfarnwr wrth ymchwilio i gwynion ynghylch Cyllid a Thollau EM (CThEM) ac Asiantaeth y Swyddfa Brisio (VOA).

• Gan: Swyddfa’r Dyfarnwr and Cyllid a Thollau EF
• Cyhoeddwyd: 10 Medi 2019
• Diweddarwyd ddiwethaf: 28 Tachwedd 2024 — Gweld pob diweddariad

Rôl y Dyfarnwr yw gwneud y canlynol:

• Darparu adolygiad annibynnol o gŵynion gan gwsmeriaid nad yw’r adran (Cyllid a Thollau EM / Asiantaeth y Swyddfa Brisio (VOA)) wedi gallu eu datrys.
• Datrys cwynion trwy ddarparu gwasanaeth hygyrch a hyblyg.
• Cefnogi ac annog datrys cwynion yn effeithiol.
• Defnyddio dealltwriaeth ac arbenigedd i gefnogi CThEM / VOA i ddysgu o gŵynion ac i wella gwasanaeth i gwsmeriaid.

Yr hyn y gallwn edrych arno

Mae ein Cytundeb Lefel Gwasanaeth gyda’r adran yn diffinio’r mathau o gŵynion y gallwn edrych arnynt. Mae’n amlinellu’r hyn y byddwn yn ymchwilio iddo. Gallwn ymchwilio i’r cwynion canlynol am yr adran:

• P’un a weithredwyd polisi ac arweiniad yn deg ac yn gyson.
• Gwallau gweinyddol gan gynnwys oedi afresymol, camgymeriadau a chyngor gwael neu gamarweiniol.
• Sut y gweithredwyd disgresiwn.
• Ymddygiad staff

Mae rhai mathau o gŵynion na allwn edrych arnynt. Mae rhagor o wybodaeth am y rhain i’w chael ar ein tudalen arweiniad ar sut i gwyno i Swyddfa’r Dyfarnwr.

Yr hyn yr ydym yn ei wneud

• Eich cynghori ynghylch pa rannau o’ch cwyn y gallwn ymchwilio iddynt.
• Ymchwilio i’ch cwyn, gan ofyn am wybodaeth gan yr adran lle bo angen er mwyn deall beth ddigwyddodd.
• Gwneud penderfyniadau teg, cytbwys a diduedd yn seiliedig ar dystiolaeth.
• Os byddwn yn ategu’ch cwyn mae’n golygu bod yr adran wedi gwneud pethau’n anghywir a byddwn yn gwneud argymhelliad iddi.
• Byddwn yn darparu ymateb ysgrifenedig terfynol.
• Adborth i’r adran ar unrhyw wersi a ddysgwyd a all helpu i wella gwasanaeth i gwsmeriaid

Sut i gwyno

Os ydych yn anfodlon â’r gwasanaeth a gawsoch gan yr adran, gallwch wneud cwyn a gofyn iddynt adolygu’ch achos.

Adolygiad Cyntaf

Cysylltwch â CThEM / VOA er mwyn iddynt ystyried eich cwyn. Os yw’ch cwyn yn dal heb ei datrys, gallwch ofyn i’r adran am ail adolygiad.

Ail Adolygiad

Cysylltwch â CThEM / VOA er mwyn iddynt adolygu eich cwyn.

Adolygiad Annibynnol Swyddfa’r Dyfarnwr

Mae’n rhaid i chi fod wedi cwblhau’r ddau adolygiad er mwyn i ni edrych ar eich cwyn. Os ydych yn anghytuno â sut mae’r adran wedi delio â’ch cwyn, gallwch ofyn i ni am adolygiad annibynnol ffurfiol, cyn pen 6 mis o ail adolygiad yr adran.

PHSO Adolygiad Terfynol

Os yw’ch cwyn yn dal heb ei datrys, gallwch ofyn i AS gyflwyno’ch cwyn i’r Ombwdsmon Seneddol a Gwasanaeth Iechyd (PHSO)

Beth nesaf

Os ydych o’r farn y gallwn edrych ar eich cwyn, gallwch gysylltu â ni drwy’r dulliau canlynol:

• Cysylltwch â ni ar-lein
• Ffonio ni ar: 03000 571111

Neu ysgrifennwch atom yn:

Swyddfa’r Dyfarnwr /Adjudicator’s Office
PO Box 11222
Nottingham
NG2 9AD

Rhestr wirio ar gyfer cwynion

• Nodwch eich cwyn yn glir ynghyd â’r hyn yr hoffech ei weld yn digwydd
• Cyflwynwch unrhyw dystiolaeth i ategu’ch cwyn (os oes angen unrhyw ddogfennau yn ôl arnoch, bydd angen i chi ofyn amdanynt cyn pen 50 diwrnod gwaith, sef hyd ein polisi cadw)
• Eich rhif ffôn a’r dull cysylltu yr hoffech i ni ei ddefnyddio

Cyhoeddwyd ar 10 Medi 2019
Diweddarwyd ddiwethaf ar 28 Tachwedd 2024 + show all updates

1. 28 Tachwedd 2024

   Updated URL to our up to date Service Level Agreement (SLA).

2. 15 Medi 2023

   Added translation

3. 14 Medi 2023

   Our address has been updated.

4. 10 Medi 2019

   Added translation