Carchar Norwich
Mae Norwich yn garchar i ddynion 18 oed a hŷn ar gyrion dwyreiniol Norwich yn Norfolk.
Yn berthnasol i Gymru a Loegr
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Bwcio a chynllunio eich ymweliad â charchar Norwich
I ymweld â rhywun yn Norwich, rhaid i chi:
- bod ar restr ymwelwyr y person hwnnw
- archebu eich ymweliad ymlaen llaw
- bod â’r ID gofynnol gyda chi pan fyddwch yn mynd
Rhaid i o leiaf un ymwelydd fod yn 18 oed neu’n hŷn ar bob ymweliad. Gall carcharorion gael hyd at 3 ymwelydd dros 10 oed ar yr un pryd, ynghyd ag unrhyw blant iau.
Efallai y bydd cyfyngiadau ar nifer yr ymweliadau y gall carcharor eu cael. Gallwch wirio hyn gyda charchar Norwich.
Cysylltwch â Norwich os oes gennych chi unrhyw gwestiynau am ymweld.
Help gyda chost eich ymweliad
Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:
- teithio i Norwich
- rhywle i aros dros nos
- prydau bwyd
Sut i drefnu ymweliadau teulu a ffrindiau
Gallwch drefnu eich ymweliad ar-lein neu dros y ffôn.
Llinell archebu dros y ffôn: 01603 708 790
Gwybodaeth am gost galwadau
Mae’r llinell archebu ar agor:
- Dydd Llun: 1:30pm i 3:30pm
- Dydd Mawrth, Mercher a Lau: 9:30am i midday a 1:30pm i 3:30pm
- Gwener: 9:30am i midday a 1:30pm i 3pm
Rhaid trefnu ymweliadau erbyn hanner dydd ddydd Gwener ar gyfer ymweliadau penwythnos.
Gallwch hefyd anfon e-bost at: [email protected]
Amseroedd ymweld
Amserlen ymweliadau ar gyfer y dderbynfa: A, B, C1, C2, K, a Ketts:
- Dydd Mawrth: Adain A a K 10am i 11:30am
- Dydd Mercher: Adain B ac C 2pm i 3:30pm
- Dydd Iau: Adain M ac A6 10am i 11:30am
- Dydd Sadwrn: Adain A a K 2pm i 3:30pm
- Dydd Sul AM: Adain B ac C 10am i 11:30am
- Dydd Sul PM: Adain A6 a M 2pm i 3:30pm
Amserlen ymweliadau ar gyfer safle Categori C: Adain F, G, Gofal Iechyd a L:
- Dydd Mawrth: Adain F ac G 2pm i 3:30pm
- Dydd Iau: Adain F ac G 2pm i 3:30pm
- Dydd Sadwrn: Adain F ac G 10am i 11:30am
Amserlen ymweliadau ar gyfer Tŷ Britannia:
- Dydd Mawrth, dydd Mercher a dydd Iau 10am i 11:30am
- Dydd Sadwrn a dydd Sul 10:00am i 11:30am, 2pm i 3:30pm a 3:30pm i 5pm
Sut i drefnu ymweliadau cyfreithiol a phroffesiynol
Gellir trefnu ymweliadau wyneb yn wyneb drwy e-bost: [email protected]
Gellir trefnu ymweliadau cyfreithiol cyswllt fideo drwy e-bost: [email protected]
Ymweliadau proffesiynol a chyfreithiol wyneb yn wyneb Prif safle a Chategori C:
Prif safle
- Dydd Mawrth: 8am i 11:30am
- Dydd Iau: 8am i 11:30am
Categori C:
- Dydd Mawrth: 2pm i 3:45pm
- Dydd Iau: 2pm i 3:45pm
Cyrraedd Norwich
Mae Carchar Norwich wedi’i leoli ar gyrion dwyreiniol Norwich, yn Norfolk.
Mae bysiau rhif 23 neu 24 o Ganol y Ddinas neu’r Orsaf Drenau yn mynd heibio Carchar Norwich. Gofynnwch am Knox Road (neu gofynnwch am y carchar).
Ewch ar drên i Orsaf Norwich (mae gwasanaethau Llundain drwy Liverpool Street). O Orsaf Norwich, mae’n cymryd tua 20 munud i gerdded i’r carchar. Ar y brif gyffordd y tu allan i’r orsaf dilynwch Riverside Road (Cadwch yr Afon ar y chwith). Ar y gylchfan, trowch i’r dde i fyny Ketts Hill i Plumstead Road. Sylwch fod y carchar ar ben bryn serth. Trowch i’r chwith i Barrack Road. Mae’r carchar a’r Ganolfan Ymwelwyr ar ddiwedd y ffordd. Ni ddarperir cludiant arbennig. Gellir cael bysiau a thacsis i’r carchar.
O’r A11: Ymunwch â’r A47 (Ffordd osgoi’r de o amgylch Norwich) a dilynwch yr arwyddion ar gyfer Great Yarmouth. Ewch ar y slipffordd sydd â’r arwydd A1042 (Norwich G a Dw a Thorpe St. Andrew). Ewch yn syth dros y gylchfan ac o dan y Bont Rheilffordd. Ar gylchfan fach, trowch i’r dde. Cymerwch y slipffordd ochr chwith wrth y goleuadau traffig (Dylai’r Sainsbury’s fod ar yr ochr dde) gan ddilyn arwydd Cromer, Maes Awyr Norwich (A140). Dilynwch y ffordd i fyny’r allt i’r gylchfan. Cymerwch yr ail allanfa, Plumstead Road (B1140), gan ddilyn yr arwydd “HM Prison”. Trowch i’r dde i mewn i Barrack Road. Mae Sefydliad Troseddwyr Ifanc Carchar Norwich, a’r Ganolfan Ymwelwyr, ar ddiwedd y ffordd Mae llefydd parcio cyfyngedig ar gael ar y safle. Gellir cael gwybodaeth a thaflenni am yr holl wasanaethau uchod gan y ganolfan ymwelwyr.
Dim ond hyn a hyn o lefydd parcio sydd ar gael, ond mae parcio am ddim.
I gynllunio eich taith ar drafnidiaeth gyhoeddus:
- defnyddiwch National Rail Enquiries)
- defnyddiwch Traveline ar gyfer amseroedd bysiau lleol
Mynd i mewn i Norwich
Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.
Gallai dull adnabod anghywir arwain at wrthod mynediad.
Bydd pob ymwelydd yn cael chwiliad ‘rwbio i lawr’, gan gynnwys plant. Byddwch chi hefyd yn cael eich chwilio gan gŵn diogelwch.
Rhaid i ymwelwyr gadw at god gwisg y carchar. Gellir gwisgo cotiau a hwdis, ond rhaid iddyn nhw gael eu chwilio gan beiriant pelydr-x cyn mynd i mewn. Rydym yn ymwybodol ei bod yn eithaf ffasiynol gwisgo dwy haen o drowsus, ond yn ystod eich ymweliad, gofynnwn i chi dynnu un haen. Caniateir jîns wedi’u rhwygo hefyd. Gellir gwisgo trowsus byr, ond gofynnwn i chi beidio â gwisgo rhai byr iawn. Gellir gwisgo sgertiau/ffrogiau byr ond dim ond os ydyn nhw’n cael eu gwisgo gyda theits neu legins. Yn ogystal â hyn, ni chaniateir dillad sy’n dangos gormod o gnawd.
Os ydych chi’n cael eich asesu i fod wedi gwisgo’n amhriodol, gofynnir i’r rheolwr ar ddyletswydd fynychu a bydd yn penderfynu a ydych chi’n dod i’ch ymweliad ai peidio.
Bydd dewis bach o luniaeth ar gael i’w brynu pan fyddwch chi’n cyrraedd y ganolfan ymweliadau.
Mae rheolaethau llym ar yr hyn y gallwch ddod i mewn i garchar Norwich. Bydd yn rhaid i chi adael y rhan fwyaf o’r pethau sydd gennych mewn locer neu yn y ganolfan ymwelwyr, mae hyn yn cynnwys pramiau a seddi car. Bydd angen darn £1 arnoch ar gyfer y locer, a byddwch chi’n ei gael yn ôl.
Bydd swyddog yn egluro’r rheolau ymweld ar ddechrau eich ymweliad. Os na fyddwch chi’n cadw at y rheolau hyn, efallai y bydd eich ymweliad yn cael ei derfynu, a gallech chi wynebu cael eich gwahardd rhag ymweld yn y dyfodol.
Ffoniwch y llinell archebu os oes gennych chi unrhyw gwestiynau am ymweld.
Cyfleusterau ymweld
Mae canolfan ymwelwyr yn Norwich sy’n gweini diodydd poeth ac oer ac mae man chwarae bach i blant yno.
Diwrnodau teulu
Mae Diwrnodau Teulu yn gyfle i deuluoedd a phlant dreulio cyfnod estynedig gyda’i gilydd yn cymryd rhan mewn gweithgareddau chwarae a rhannu cinio gyda’i gilydd; mae disgwyl i 4 Diwrnod Teulu gael eu cynnal bob blwyddyn, wedi’u rhannu rhwng uned Cat C a Phrif ochr y carchar. Mae disgwyl i hyd at 12 tad allu cymryd rhan ar bob diwrnod.
Ymweliadau plant
Mae Ymweliadau Plant yn ymweliadau arbennig i blant ymweld â’u tad/llystad neu daid er mwyn i’r teulu dreulio amser gyda’i gilydd mewn awyrgylch hamddenol. Gall yr ymweliadau hyn hefyd fod ar gyfer tadau newydd (ymweliadau ‘Meithrin Perthynas â Babi’) er mwyn iddyn nhw allu meithrin perthynas â’u babi newydd yn fuan ar ôl iddyn nhw gael eu geni.
Ymweliadau Pontio â Phlant
Mae Ymweliadau Pontio â Phlant (a elwir hefyd yn Ymweliadau â Thadau Brit House) ar gyfer tadau sy’n byw ar hyn o bryd yn rhan amodau agored Carchar/Sefydliad Troseddwyr Ifanc Norwich, Tŷ Britannia, i dreulio amser gyda’u plant yn y Gofod Chwarae yn y Ganolfan Ymwelwyr, gan feithrin hyder y teuluoedd yng ngallu’r tad fel rhiant a pharatoi’r tadau ar gyfer cael eu rhyddhau.
Cadw mewn cysylltiad â rhywun yn Norwich
Mae sawl ffordd y gallwch gadw mewn cysylltiad â rhywun yn ystod eu hamser yn Norwich.
Galwadau fideo diogel
I gael galwad fideo ddiogel gyda rhywun yn y carchar hwn, mae angen i chi wneud y canlynol:
- Lawrlwytho ap Fideo’r Carchar
- Creu cyfrif
- Cofrestru pob ymwelydd
- Ychwanegu’r carcharor at eich rhestr cysylltiadau.
Sut i drefnu galwad fideo ddiogel
Gallwch ofyn am alwad fideo ddiogel gyda rhywun yn y carchar hwn drwy ap Prison Video.
Byddwch yn cael hysbysiad pan fydd eich cais wedi cael ei dderbyn.
Rhagor o wybodaeth am sut mae’n gweithio
Galwadau ffôn
Mae gan garcharorion ffonau yn eu celloedd er mwyn gallu cadw mewn cysylltiad â ffrindiau a theulu. Rhaid iddynt brynu credydau ffôn i wneud hyn.
Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.
Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.
Gall swyddogion wrando ar alwadau ffôn fel ffordd o atal troseddu a diogelu’r cyhoedd.
E-bost
Gallwch anfon negeseuon e-bost at rywun yn Norwich drwy ddefnyddio’r gwasanaeth E-bostio Carcharor.
Efallai y byddwch hefyd yn gallu atodi lluniau a derbyn ymatebion gan y carcharor, yn dibynnu ar y rheolau yn Norwich.
Llythyrau
Gallwch ysgrifennu ar unrhyw adeg.
Dylech gynnwys enw a rhif y carcharor ar yr amlen.
Os nad ydych chi’n gwybod eu rhif carcharor, cysylltwch â Norwich.
Bydd pob llythyr yn y post, ar wahân i lythyrau cyfreithiol, yn cael eu hagor a’i gwirio gan swyddogion.
Anfon arian a rhoddion
Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.
Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.
Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:
- os nad ydych yn gallu defnyddio cyfrifiadur, ffôn clyfar na’r rhyngrwyd
- os nad oes gennych chi gerdyn debyd
Bydd hyn yn caniatáu i chi anfon arian drwy’r post.
Rhoddion a pharseli
Mae carcharorion ym Norwich yn cael rhestr o eitemau cymeradwy y gellir eu hanfon atynt fel anrhegion. Cysylltwch â Norwich i gael rhagor o wybodaeth am yr hyn sy’n cael ei ganiatáu.
Caniateir i ffrindiau a theuluoedd carcharorion anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu dod o hyd i’r llyfrau a’u hanfon ymlaen at garcharorion. I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.
Cofiwch gynnwys enw a rhif y carcharor ar y parsel.
Bydd pob parsel yn cael ei agor a’i wirio gan swyddogion.
Bywyd yn Norwich
Mae Norwich wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau.
Diogelwch a diogelu
Mae gan bob carcharor yn Norwich hawl i deimlo’n ddiogel. Mae’r staff yn gyfrifol am eu diogelwch a’u lles bob amser.
I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.
Os oes gennych chi unrhyw bryderon am garcharor yn Norwich, cysylltwch â’r tîm Carcharu Mwy Diogel.
Cyrraedd a’r noson gyntaf
Pan fydd rhywun yn cyrraedd Norwich am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.
Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.
Cynefino
Bydd pawb sy’n cyrraedd Norwich yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:
- iechyd a lles, gan gynnwys iechyd meddwl a rhywiol
- unrhyw broblemau camddefnyddio sylweddau, gan gynnwys cyffuriau ac alcohol
- datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
- mathau eraill o gymorth (a elwir weithiau’n ‘ymyriadau’), fel rheoli emosiynau anodd
Bydd pawb hefyd yn cael gwybod am y rheolau, diogelwch tân, a’r drefn o ddydd i ddydd yng Ngharchar Norwich.
Llety
Mae tua 750 o garcharorion yn byw yng Ngharchar Norwich, yn bennaf mewn celloedd unigol gyda rhywfaint o lety sy’n cael ei rannu.
Mae 10 adain ac uned gofal arbennig:
- A - uned gynefino, canolfan noson gyntaf, uned cynhaliaeth sefydlogi a thriniaethau cyffuriau
- B ac C – ar gyfer y rhai sydd ar remand a threial ynghyd â charcharorion agored i niwed
- D - uned ailsefydlu (a elwir hefyd yn Tŷ Britannia)
- E - uned carcharorion hŷn
- F ac G – uned rhyddhau leol ar gyfer carcharorion risg isel sy’n lleol i’r ardal, sy’n bwrw dedfryd o 24 mis neu lai
- H - uned gofal iechyd
- L - uned carcharorion hŷn sydd yn y carchar am oes
- M - carcharorion risg isel sy’n bwrw dedfryd o 24 mis neu lai
- U - uned gofal arbennig a gwahanu (a elwir hefyd yn uned Kett)
Mae canolfan gofal iechyd gyda gwasanaeth nyrsio 24 awr.
Mae gan Norwich 3 champfa ac ardal chwaraeon artiffisial aml-ddefnydd. Mae amrywiaeth o glybiau chwaraeon ar gael.
Mae gan garcharorion fynediad at amrywiaeth eang o wasanaethau ffydd a chrefyddol.
Addysg a gwaith
Mae athrawon ar draws y carchar yn cynnig addysg. Mae’r cyrsiau’n cynnwys:
- English
- Mathemateg
- sgiliau cymdeithasol, bywyd a gwaith
- IT
- Saesneg ar gyfer siaradwyr ieithoedd eraill
- hylendid bwyd
- cymorth cyntaf
- iechyd a diogelwch
- arlwyo
- peintio ac addurno
- celf a chrefft
- cyfarwyddyd campfa
Mae cyfleoedd gwaith yn y meysydd canlynol:
- argraffu
- tecstiliau
- pacio
- garddio
Mae Norwich hefyd yn cynnig rhaglenni cyffuriau ac alcohol.
Cefnogaeth i deulu a ffrindiau
Cael gwybod am gyngor a llinellau cymorth ar gyfer teulu a ffrindiau.
I gysylltu â’n pennaeth darpariaeth i deuluoedd yng Ngharchar Norwich, anfonwch e-bost at: [email protected].
Cefnogaeth yn Norwich
Mae gwasanaethau teuluol yng Ngharchar Norwich yn cael eu darparu gan Deuluoedd Ormiston.
Teulu a phobl arwyddocaol eraill
Mae Carchar Norwich yn hyrwyddo cyswllt i garcharorion. Mae gennym ni arweinydd teulu a phobl arwyddocaol eraill yng Ngharchar Norwich a hyrwyddwr cefnogol.
I gysylltu â’n harweinydd teulu a phobl arwyddocaol eraill yng Ngharchar Norwich, anfonwch e-bost at: [email protected]
Pryderon, problemau a chwynion
Mewn argyfwng
Ffoniwch 01603 708 600 os ydych chi’n meddwl bod carcharor mewn perygl uniongyrchol o niwed. Gofynnwch am y Swyddog Trefniadol ac eglurwch fod eich pryder yn argyfwng.
| Categori cyswllt | Rhif ffôn | Gwybodaeth ychwanegol |
|---|---|---|
| Dim brys | 01603 706387 | Ffoniwch y rhif hwn os oes gennych chi bryderon difrifol am ddiogelwch neu lesiant carcharor ond nad yw’r pryderon yn peryglu bywyd, neu lenwi ffurflen gyswllt dalfa fwy diogel ar y wefan Llinell Gymorth Teuluoedd Carcharorion. |
| Llinell Gymorth Gonestrwydd Staff | 0800 917 6877 (peiriant ateb 24 awr) |
Gallwch ffonio’r rhif hwn yn ddienw. Os ydych chi’n poeni bod carcharor yn cael ei fwlio gan aelod o staff, gallwch ddefnyddio’r rhif hwn. Gan fod y llinell hon yn cael ei rheoli ar wahân i’r carchar, gallwch ffonio’r rhif hwn yn ddienw. |
| Llinell Gymorth Teuluoedd Carcharorion | 0808 808 2003 | Gall y Llinell Gymorth i Deuluoedd Carcharorion ddarparu cymorth, cyngor ac arweiniad cyfrinachol. |
| Cyswllt Digroeso gan Garcharor | 0300 060 6699 | Os yw carcharor yn cysylltu â chi a’ch bod am iddo roi’r gorau i wneud hyn, gallwch ddefnyddio’r Gwasanaeth Cyswllt Digroeso gan Garcharor. Gallwch lenwi’r ffurflen ar-lein ar gyfer atal cyswllt gan garcharor, anfon e-bost at [email protected] neu gysylltu dros y ffôn. |
Problemau a chwynion
Os oes gennych chi broblem arall cysylltwch â Norwich.
Cysylltu â Norwich
Llywodraethwr: Declan Moore
Ffôn: 01603 708 600
Ffacs: 01603 708 601
Gwybodaeth am gost galwadau
Cyfeiriad
HMP/YOI Norwich
Knox Road
Norwich
Norfolk
NR1 4LU
Helpwch ni i wella’r dudalen hon. Rhowch eich adborth i ni yn yr arolwg 2 funud hwn.
Updates to this page
Cyhoeddwyd ar 7 Ebrill 2020Diweddarwyd ddiwethaf ar 4 Rhagfyr 2024 + show all updates
-
Accommodation information updated.
-
Updated visits booking line opening hours
-
Updated visiting guidance based on 1 April COVID rule changes
-
Added link to new safer custody information under Security and safeguarding.
-
Updated information about how to use secure video calling at this prison.
-
Updated visiting information: Testing for visitors aged 12 and over.
-
Updated physical contact guidance
-
New visiting times and booking information added.
-
Prison moved into National Stage 3 framework and is now preparing to open visits for family, friends and significant others. We will update this page with specific visiting information as soon as possible.
-
Updated visiting information in line with new local restriction tiers.
-
Updated prison visits
-
Updated prison visits
-
Updated safer custody hotline
-
Updated visiting information in line with new national restrictions in England.
-
Covid update
-
Added confirmation of secure video calls made available at this prison.
-
added survey link
-
First published.