Canllawiau

Carchar Preston

Mae Carchar Preston yn garchar i ddynion yn Preston, Swydd Gaerhirfryn.

Gan:
HM Prison and Probation Service and Gweinyddiaeth Cyfiawnder
Cyhoeddwyd
19 Tachwedd 2019
Diweddarwyd ddiwethaf
17 Hydref 2024 — Gweld pob diweddariad

Yn berthnasol i Gymru a Loegr

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Bwcio a chynllunio eich ymweliad â charchar Preston

I ymweld â rhywun yng Ngharchar Preston rhaid i chi drefnu eich ymweliad ymlaen llaw a chael yr ID angenrheidiol gyda chi pan fyddwch chi’n mynd.

Rhaid i o leiaf un ymwelydd fod yn 18 oed neu’n hŷn ar bob ymweliad.

Mae nifer yr ymweliadau y gall carcharor eu cael yn amrywio. Gallwch wirio hyn gyda Charchar Preston.

Cysylltwch â Charchar Preston os oes gennych chi unrhyw gwestiynau am ymweld.

Help gyda chost eich ymweliad

Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:

  • teithio i Garchar Preston
  • rhywle i aros dros nos
  • prydau bwyd

Sut i drefnu ymweliadau teulu a ffrindiau

Gallwch drefnu eich ymweliad ar-lein neu dros y ffôn.

Llinell archebu dros y ffôn: 0330 058 8224
Gwybodaeth am gost galwadau

Mae’r llinell archebu ar agor:

  • Dydd Llun, dydd Mercher a dydd Gwener: hanner dydd i 5pm
  • Dydd Mawrth a dydd Iau: 9am i 5pm.

Amseroedd ymweld

  • Dydd Llun i ddydd Sul: 2pm i 3pm a 3:30pm i 4:30pm

Sut i drefnu ymweliadau cyfreithiol a phroffesiynol

Gallwch drefnu ymweliad cyfreithiol neu broffesiynol drwy e-bostio [email protected]

Gallwch hefyd drefnu ymweliad drwy ffonio: 0330 058 8224
Gwybodaeth am gost galwadau

Bydd y llinell ar agor o ddydd Llun i ddydd Gwener rhwng 9am a 5pm.

Amseroedd ymweld cyfreithiol:

  • Bore dydd Llun i ddydd Gwener: 9am i 10am a 10:30am i 11:30am
  • Dydd Llun, dydd Mawrth, dydd Iau a dydd Gwener 2pm i 3pm a 3:30pm i 4:30pm

Cyrraedd Carchar Preston

Dod o hyd i Garchar Preston ar fap

Mae Carchar Preston tua milltir o orsaf Preston a hanner milltir o’r orsaf fysiau.

I gynllunio eich taith ar drafnidiaeth gyhoeddus:

Does dim llefydd parcio i ymwelwyr yn y carchar. Mae angen i ymwelwyr ddod o hyd i lefydd parcio eu hunain.

Mynd i mewn i Garchar Preston

Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.

Bydd angen i bob ymwelydd gael chwiliad ‘patio i lawr’, gan gynnwys plant. Efallai y cewch eich arogli gan gŵn diogelwch hefyd.

Mae gan Garchar Preston bolisi cod gwisg llym, sy’n golygu y dylai ymwelwyr wisgo’n synhwyrol. Efallai y cewch eich troi i ffwrdd os ydych chi’n gwisgo eitemau fel dillad y gellir gweld drwyddynt, dillad sy’n dangos gormod o gnawd neu dopiau sy’n dangos y canol, topiau isel, gwisgoedd (oni bai am blant mewn gwisgoedd ysgol neu heddweision ar ymweliad cyfreithiol) cadwyni sy’n debyg i gadwyni allweddi, dillad â sloganau pêl-droed, penwisgoedd o unrhyw fath (oni bai am benwisgoedd priodol sy’n cael eu gwisgo am resymau crefyddol), sbectols haul, topiau llachar, dillad wedi rhwygo neu ei ddifrodi, topiau gyda hwd, esgidiau gyda blaen haearn, esgidiau pêl-droed neu esgidiau tebyg, fflip-fflops, esgidiau gydag olwynion, dillad gyda sloganau sy’n cael eu hystyried yn hiliol, yn sarhaus neu’n ddirmygol, siacedi o neu dopiau agored, mae hyn yn cynnwys cardiganau a thopiau sip llawn, dillad sy’n cynrychiolli gang neu sy’n gysylltiedig â gang.

Caniateir i bob ymwelydd sy’n oedolyn gymryd hyd at £20 mewn arian parod i brynu bwyd a diod o’r bar bwyd yn y neuadd ymweld.

Mae rheolaethau llym ar yr hyn y gallwch ddod i mewn i Garchar Preston. Bydd yn rhaid i chi adael y rhan fwyaf o’r pethau sydd gennych gyda chi mewn locer neu gyda swyddogion diogelwch. Mae hyn yn cynnwys pramiau a seddi ceir.

Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto.

Cyfleusterau ymweld

Mae lluniaeth ar gael, mae’r man chwarae i blant ar agor ac mae gennym ni flychau chwarae i blant ar gyfer y byrddau.

Diwrnodau teulu

Mae diwrnodau teulu wedi ailgychwyn. Gellir cael gwybodaeth drwy Bartneriaid Carcharorion (POPs).

Cadw mewn cysylltiad â rhywun yng Ngharchar Preston

Mae sawl ffordd y gallwch gadw mewn cysylltiad â rhywun yn ystod eu hamser yng Ngharchar Preston.

Galwadau fideo diogel

I gael galwad fideo ddiogel gyda rhywun yn y carchar hwn, mae angen i chi wneud y canlynol:

  • Lawrlwytho ap Fideo’r Carchar
  • Creu cyfrif
  • Cofrestru pob ymwelydd
  • Ychwanegu’r carcharor at eich rhestr cysylltiadau

Sut i drefnu galwad fideo ddiogel

Gallwch ofyn am alwad fideo ddiogel gyda rhywun yn y carchar hwn drwy ap Prison Video.

Byddwch yn cael hysbysiad pan fydd eich cais wedi cael ei dderbyn.

Rhagor o wybodaeth am sut mae’n gweithio 

Galwadau ffôn

Erbyn hyn, mae gan bob carcharor fynediad at ffôn yn eu celloedd.

Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.

Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.

Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.

E-bost

Gallwch anfon negeseuon e-bost at rywun yng Ngharchar Preston drwy ddefnyddio’r gwasanaeth E-bostio Carcharor.

Rydych chi hefyd yn gallu atodi lluniau a derbyn ymatebion, gan y carcharor.

Llythyrau

Gallwch ysgrifennu ar unrhyw adeg.

Dylech gynnwys enw a rhif y carcharor ar yr amlen.

Os nad ydych chi’n gwybod eu rhif carcharor, cysylltwch â Charchar Preston.

Bydd pob llythyr yn y post, ar wahân i lythyrau cyfreithiol, yn cael eu hagor a’i gwirio gan swyddogion.

Anfon arian a rhoddion

Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.

Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.

Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:

  • os nad ydych yn gallu defnyddio cyfrifiadur, ffôn clyfar na’r rhyngrwyd
  • os nad oes gennych chi gerdyn debyd

Bydd hyn yn caniatáu i chi anfon arian drwy’r post.

Rhoddion a pharseli

Caniateir i ffrindiau a theuluoedd carcharorion anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu dod o hyd i’r llyfrau a’u hanfon ymlaen at garcharorion.

I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.

Cofiwch gynnwys enw a rhif y carcharor ar yr archeb. Byddan nhw’n cael eu hagor a’u gwirio gan swyddogion.

Nid yw’n bosibl anfon unrhyw eitemau neu eiddo arall drwy’r post a bydd parseli o’r fath yn cael eu dychwelyd. Gallwch anfon arian at garcharorion yn lle hynny y gallant ei ddefnyddio i brynu eitemau drwy system gatalog.

Bywyd yng Ngharchar Preston

Mae Carchar Preston wedi ymrwymo i leihau aildroseddu drwy ddarparu amgylchedd addysgol a strwythuredig i garcharorion a’u paratoi ar gyfer eu rhyddhau.

Diogelwch a diogelu

Mae gan bob carcharor yng Ngharchar Preston hawl i deimlo’n ddiogel. Mae’r staff yn gyfrifol am eu diogelwch a’u lles bob amser.

I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.

Mae Carchar Preston hefyd yn hyfforddi carcharorion i fod yn ‘wrandawyr’ ar gyfer y rheini sydd angen cymorth yn ystod cyfnodau anodd.

Cyrraedd a’r noson gyntaf

Pan fydd rhywun yn cyrraedd Carchar Preston am y tro cyntaf, bydd yn gallu cysylltu ag aelod o’r teulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.

Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.

Byddan nhw’n cael siarad â rhywun eto ar eu hail noson fel eu bod yn cael cyfle arall i ofyn cwestiynau.

Cynefino

Bydd pawb sy’n cyrraedd carchar Preston yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:

  • iechyd a lles, gan gynnwys iechyd meddwl a rhywiol
  • unrhyw broblemau camddefnyddio sylweddau, gan gynnwys cyffuriau ac alcohol
  • datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
  • mathau eraill o gymorth (a elwir weithiau’n ‘ymyriadau’), fel rheoli emosiynau anodd

Mae pawb hefyd yn cael gwybod am y rheolau, diogelwch tân, a sut mae pethau fel galwadau ac ymweliadau yn gweithio.

Llety

Mae dros 700 o garcharorion yn byw yng Ngharchar Preston mewn cymysgedd o gelloedd unigol a rhai a rennir.

Mae 3 ardal gampfa ar gael sy’n cynnig amrywiaeth o weithgareddau i garcharorion o bob gallu corfforol. Mae ganddyn nhw hefyd fynediad at lyfrgell sydd wedi’i stocio’n dda.

Addysg a gwaith

Mae gan bob carcharor fynediad at ddysgu yn yr ystafell ddosbarth sy’n cael ei ddarparu gan The Manchester College. Mae’r pynciau’n cynnwys mathemateg, Saesneg, TG, dylunio graffig, delweddu digidol, cynhyrchu cyfryngau/radio, peintio ac addurno a chelf. Mae cymorth ar gael i fyfyrwyr sydd â dyslecsia.

Mae Preston hefyd yn gweithio mewn partneriaeth â Novus i ddarparu hyfforddiant ar gyfer Cymwysterau Galwedigaethol Cenedlaethol.

Mae cyrsiau proffesiynol ar gael mewn glanhau diwydiannol, iechyd a diogelwch, codi a chario a chymorth cyntaf.

Mae cyrsiau datblygiad personol a chymdeithasol ar gael ar bynciau fel camddefnyddio sylweddau ac adfer, ymwybyddiaeth o ddioddefwyr a chyfiawnder adferol (lle gall troseddwyr gwrdd â dioddefwyr eu trosedd).

Gall carcharorion hefyd weithio drwy’r carchar yn y golchdy, yn cynnal a chadw, yn y gweithdy tecstilau, gwasanaethau glanhau ac ardaloedd eraill.

Rhyddhau dros dro

Efallai y bydd rhai carcharorion yng Ngharchar Preston yn gymwys i gael eu rhyddhau ar drwydded dros dro. Gellir defnyddio hyn i gael profiad gwaith yn y gymuned leol a pharatoi ar gyfer rhyddhau. Gall carcharorion wneud cais am hyn yn y carchar.

Sefydliadau y mae Carchar Preston yn gweithio gyda nhw

Mae Carchar Preston yn cynnal cwrs ailsefydlu pythefnos i baratoi carcharorion ar gyfer eu rhyddhau. Gwneir hyn mewn partneriaeth â mudiadau fel Shelter, Canolfan Byd Gwaith a’r Gwasanaeth Gyrfaoedd Cenedlaethol.

Cefnogaeth i deulu a ffrindiau

Cael gwybod am gyngor a llinellau cymorth ar gyfer teulu a ffrindiau.

Cefnogaeth yng Ngharchar Preston

Mae swyddog cyswllt teulu ar gael i gynnig cymorth a chyngor i ymwelwyr cyn ac ar ôl ymweliadau. Maen nhw wedi’u lleoli yng Nghaffi Redwood yn Adeilad Landmark ar draws y ffordd o Garchar Preston.

Pryderon, problemau a chwynion

Mewn argyfwng

Ffoniwch 01772 444 550 os ydych chi’n meddwl bod carcharor mewn perygl uniongyrchol o niwed. Gofynnwch am y Swyddog Trefniadol ac eglurwch fod eich pryder yn argyfwng.

Categori cyswllt Rhif ffôn Gwybodaeth ychwanegol
Dim brys 01772 444 550 Ffoniwch y rhif hwn os oes gennych chi bryderon difrifol am ddiogelwch neu lesiant carcharor ond nad yw’r pryderon yn peryglu bywyd, neu lenwi ffurflen gyswllt dalfa fwy diogel ar y wefan Llinell Gymorth Teuluoedd Carcharorion.
Llinell Gymorth Gonestrwydd Staff 0800 917 6877
(peiriant ateb 24 awr)		 Gallwch ffonio’r rhif hwn yn ddienw. Os ydych chi’n poeni bod carcharor yn cael ei fwlio gan aelod o staff, gallwch ddefnyddio’r rhif hwn. Gan fod y llinell hon yn cael ei rheoli ar wahân i’r carchar, gallwch ffonio’r rhif hwn yn ddienw.
Llinell Gymorth Teuluoedd Carcharorion 0808 808 2003 Gall y Llinell Gymorth i Deuluoedd Carcharorion ddarparu cymorth, cyngor ac arweiniad cyfrinachol.
Cyswllt Digroeso gan Garcharor 0300 060 6699 Os yw carcharor yn cysylltu â chi a’ch bod am iddo roi’r gorau i wneud hyn, gallwch ddefnyddio’r Gwasanaeth Cyswllt Digroeso gan Garcharor.

Gallwch lenwi’r ffurflen ar-lein ar gyfer atal cyswllt gan garcharor, anfon e-bost at [email protected] neu gysylltu dros y ffôn.

Os hoffech gael gwasanaeth neges llais lle byddwch chi’n cael galwad yn ôl, ffoniwch 01772 444874. Mae’r rhif hwn ar gyfer teulu a ffrindiau os oes gennych chi unrhyw bryderon diogelwch.

Problemau a chwynion

Os oes gennych chi broblem arall cysylltwch â Charchar Preston.

Cysylltu â Charchar Preston

Llywodraethwr: Dan Cooper

Ffôn (24 awr): 01772 444 550
Ffacs: 01772 444 566
Gwybodaeth am gost galwadau

Cyfeiriad

HMP Preston

2 Ribbleton Lane

Preston

Lancashire

PR1 5AB

Gweler y map

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Updates to this page

Cyhoeddwyd ar 19 Tachwedd 2019
Diweddarwyd ddiwethaf ar 17 Hydref 2024 + show all updates

  1. Updated times for visit booking line and legal visit time slots.

  2. Updated Governor

  3. Updated visiting times for family and friends visits

  4. Updated visiting guidance based on 1 April COVID rule changes

  5. Added link to new safer custody information under Security and safeguarding.

  6. Updated visiting information: Testing for visitors aged 12 and over.

  7. Updated physical contact guidance

  8. New visiting times and booking information added.

  9. Additional guidance about new COVID-19 variant in the Bolton and Blackburn areas.

  10. visits updated

  11. Updated visit info

  12. Updated visit info

  13. Updated visiting information in line with new national restrictions in England.

  14. Updated visting times in line with new covid regulations

  15. Updated visiting information in line with coronavirus restrictions.

  16. Added confirmation of secure video calls made available at this prison.

  17. updated survey link

  18. Prison visits update.

  19. Updated confidential line info

  20. First published.

Print this page

Cynnwys

Cynnwys cysylltiedig