Cofrestru ar gyfer Gofal Plant sy’n Rhydd o Dreth os ydych yn ddarparwr gofal plant
Dysgwch sut i gofrestru ar gyfer Gofal Plant sy’n Rhydd o Dreth a chael cyfrif darparwr gofal plant er mwyn cael taliadau gan rheini sy’n defnyddio Gofal Plant sy’n Rhydd o Dreth.
Pwy sy’n gallu cofrestru
Mae ffordd wahanol o wneud cais am Ofal Plant sy’n Rhydd o Dreth os ydych yn rhiant (yn agor tudalen Saesneg).
Os ydych eisoes wedi cofrestru ar gyfer Gofal Plant sy’n Rhydd o Dreth gallwch fewngofnodi i’ch cyfrif darparwr gofal plant.
Os ydych yn ddarparwr gofal plant cymeradwy neu gofrestredig, gallwch gofrestru i gael cyfrif darparwr gofal plant. Mae hyn yn eich galluogi i sefydlu eich manylion cyfrif banc a chael taliadau gan rieni sy’n defnyddio Gofal Plant sy’n Rhydd o Dreth.
Yr hyn y bydd ei angen arnoch
I gofrestru, chi ddylai fod y prif gyswllt ar gyfer eich busnes. Byddwch yn gallu pennu ‘dirprwy’ i reoli’ch cyfrif ar eich rhan yn ystod y broses.
Bydd angen y canlynol arnoch:
-
ID defnyddiwr, sy’n 11 digid, o’ch llythyr cofrestru ar gyfer Gofal Plant sy’n Rhydd o Dreth — os na chawsoch lythyr neu os ydych wedi colli’ch ID Defnyddiwr, cysylltwch â llinell Gymorth y Gwasanaeth Gofal Plant
-
manylion cyfrif banc
-
cod post y busnes (yr un sydd wedi’i gofrestru gyda’ch rheoleiddiwr, er enghraifft Estyn)
Cofrestru
Gall gwasanaethau CThEF fod yn araf ar adegau prysur. Gwiriwch a oes unrhyw broblemau gyda’r gwasanaeth hwn (yn agor tudalen Saesneg).
Defnyddiwch y gwasanaethau ar-lein er mwyn cofrestru ar gyfer Gofal Plant sy’n Rhydd o Dreth.
Ar ôl i chi gofrestru
Bydd angen eich ID Defnyddiwr a’ch cyfrinair arnoch er mwyn mewngofnodi i’ch cyfrif darparwr gofal plant. Mae’n rhaid i chi ddiweddaru eich manylion ar eich cyfrif er mwyn galluogi i rieni sy’n defnyddio Gofal Plant sy’n Rhydd o Dreth i’ch talu.
Gallwch barhau i gael taliadau gan rieni gan ddefnyddio talebau gofal plant. Ni all rhieni ddefnyddio talebau gofal plant a Gofal Plant sy’n Rhydd o Dreth i dalu am ofal plant.
Gallwch ddarllen rhagor yn yr arweiniad ar fewngofnodi i’ch cyfrif darparwr gofal plant ynghylch:
- cael taliadau gan rieni
- ad-dalu rhieni
- diweddaru’ch manylion
- enwebu dirprwy
Updates to this page
Cyhoeddwyd ar 30 Gorffennaf 2018Diweddarwyd ddiwethaf ar 21 Hydref 2024 + show all updates
-
Welsh translation added.
-
Information on where to find your user ID has been added.
-
This page has been updated with more information about what you'll need to sign up.
-
First published.