Canllawiau

Tudalennau atodol CT600B: eithriadau i gwmnïau tramor rheoledig a sefydliadau tramor parhaol, hybrid a chamgymariadau eraill

Sut i lenwi tudalennau atodol CT600B a pha wybodaeth y mae angen i chi ei chynnwys.

Gan:
Cyllid a Thollau EF
Cyhoeddwyd
30 Medi 2022
Diweddarwyd ddiwethaf
2 Ionawr 2024 — Gweld pob diweddariad

Pryd i’w llenwi

Llenwch y tudalennau atodol hyn os oedd gan eich cwmni gyfran perthnasol o 25% mewn cwmni tramor rheoledig ar unrhyw adeg yn ystod y cyfnod cyfrifyddu hwn, a bod un o’r canlynol yn berthnasol i gyfnod cyfrifyddu’r cwmni tramor rheoledig:

  • daeth i ben yr un pryd a chyfrifyddu’r cwmni

  • daeth i ben o fewn cyfnod cyfrifyddu’r cwmni

Dylech hefyd lenwi’r tudalennau atodol hyn os yw unrhyw un o’r canlynol yn berthnasol i’r cwmni:

Peidiwch â chynnwys unrhyw gwmni tramor rheoledig sy’n bodloni’r Eithriad Treth, yr Eithriad o ran Tiriogaethau Eithriedig neu’r Eithriad o ran Maint Elw Isel.

Gwybodaeth am y cwmni

B1 Enw’r cwmni

Nodwch enw’r cwmni.

B2 Cyfeirnod treth

Nodwch Gyfeirnod Unigryw y Trethdalwr ‘10 digid’ ar gyfer y cwmni.

Y cyfnod dan sylw yn y dudalen atodol hon (ni all fod yn fwy na 12 mis)

B3

Nodwch y dyddiad dechrau gan ddefnyddio’r fformat DD MM BBBB.

B4

Nodwch ddyddiad dod i ben y cyfnod cyfrifyddu gan ddefnyddio’r fformat DD MM BBBB.

Eithriadau i gwmnïau tramor rheoledig a sefydliadau tramor parhaol

B5 Tabl cwmni tramor rheoledig

A Enw’r cwmni tramor rheoledig

Nodwch enw llawn y cwmni tramor rheoledig.

B Tiriogaeth breswylio

Nodwch diriogaeth breswylio’r cwmni tramor rheoledig fel y’i pennir o dan bennod 20, Rhan 9A o Ddeddf Trethiant (Darpariaethau Rhyngwladol ac Eraill) 2010.

C Math o eithriad sy’n ddyledus (os o gwbl)

Mae’n rhaid i gwmni sy’n gwmni trethadwy (fel y’u diffinnir yn adran 371BD o Ddeddf Trethiant (Darpariaethau Rhyngwladol ac Eraill) 2010) wneud cofnod pan fo’r elw i gyd wedi’i eithrio oherwydd:

  • nid oes yr un o benodau 4 i 8 yn berthnasol — nodwch borth pennod 3 yng ngholofn C

  • er bod angen ystyried un neu fwy o benodau 4 i 8, nid oes unrhyw elw taladwy yn codi — nodwch rif y bennod berthnasol o 4 i 8 yng ngholofn C

  • mae elw o gysylltiadau benthyciad cymwys wedi’i eithrio’n llawn o dan bennod 9 — nodwch bennod 9 yng ngholofn C

  • mae’r cwmni tramor rheoledig wedi’i eithrio gan yr Eithriad Cyfnod Eithriedig neu’r Eithriad Elw Isel — nodwch yr eithriad perthnasol yng ngholofn C

Peidiwch â llenwi colofnau D i J os nad oes tâl cwmni tramor rheoledig yn rhinwedd penodau 3 i 8, neu os oes eithriad yn berthnasol.

D Canran yr elw a’r dreth gymeradwy sy’n cael eu dosrannu’n gymesur

Nodwch y ganran o elw taladwy’r cwmni tramor rheoledig a ddosrannwyd i’r cwmni trethadwy. Diffinnir hyn fel P% yn adran 371BC o Ddeddf Trethiant (Darpariaethau Rhyngwladol a Darpariaethau Eraill) 2010.

Fel arfer, hwn fydd y ganran o gyfalaf cyfranddaliadau cyffredin a ddelir yn uniongyrchol neu’n anuniongyrchol gan y cwmni yn y DU (ond nid gan bobl gysylltiol neu gan bobl gysylltiedig). Ym mhob achos arall, dylid cyfrifo’r ganran briodol ar sail gyfiawn a rhesymol. Os yw elw wedi’i eithrio’n rhannol drwy weithredu unrhyw bennod (gan gynnwys pennod 9), ni ddylid cofnodi hyn yng ngholofn D.

E Elw taladwy

Nodwch yr elw sy’n mynd drwy’r porth taliadau cwmnïau tramor rheoledig ym mhenodau 3 i 8, wedi’u cyfrifo yn unol ag adran 371BA o Ddeddf Trethiant (Darpariaethau Rhyngwladol a Darpariaethau Eraill) 2010. Gall elw sy’n agored i dâl o dan bennod 5 gael ei eithrio’n gyfan gwbl neu’n rhannol gan bennod 9 wrth wneud hawliad ar y Ffurflen Dreth. Dylai’r ffigur a nodir yng Ngholofn E fod cyn unrhyw hawliad o’r fath.

F Treth ar yr elw taladwy

Nodwch swm y dreth (y tâl cwmni tramor rheoledig) sy’n ddyledus mewn perthynas â chyfran y cwmni trethadwy o elw trethadwy’r cwmni tramor rheoledig.

G Treth gymeradwy

Nodwch swm y dreth sydd eisoes wedi’i thalu ar yr elw taladwy sy’n ddidynadwy.

H Rhyddhad o ran treth (eithriad wedi’i hawlio o dan Bennod 9)

Nodwch swm y dreth ar unrhyw elw a eithrir drwy wneud hawliad o dan bennod 9, Rhan 9A o Ddeddf Trethiant (Darpariaethau Rhyngwladol a Darpariaethau Eraill) 2010.

I Rhagdaliad Treth Gorfforaeth fel un cyfyngedig

Nodwch swm unrhyw Dreth Gorfforaeth Ymlaen Llaw sydd dros ben ac sydd heb ei rhyddhau o dan adran 32 o Ddeddf Cyllid 1998.

J Tâl cwmni tramor rheoledig sy’n ddyledus

Nodwch swm y tâl cwmni tramor rheoledig sy’n ddyledus.

B10 Cyfanswm y dreth ar yr elw taladwy

Nodwch gyfanswm colofn F.

B15 Cyfanswm y dreth gymeradwy

Nodwch gyfanswm colofn G.

B20 Cyfanswm y rhyddhadau o ran treth

Nodwch gyfanswm colofn H.

B25 Cyfanswm y Rhagdaliad Treth Gorfforaeth fel un cyfyngedig

Nodwch gyfanswm colofn I.

B30 Cyfanswm y tâl cwmni tramor rheoledig sy’n ddyledus

Nodwch gyfanswm colofn J.

Nodwch y ffigur o flwch B30 i flwch 490 ar eich ffurflen CT600.

B35 Rhowch ‘X’ yn y blwch os mai’r cyfnod cyntaf yw hwn i ddewis eithriad sefydliad tramor parhaol fod yn berthnasol

Nodwch ‘X’ os mai’r cyfnod cyntaf yw hwn i ddewis eithriad sefydliad tramor parhaol fod yn berthnasol. Darllenwch Lawlyfr Rhyngwladol INTM281010: Sefydliadau tramor parhaol cwmnïau yn y DU (yn agor tudalen Saesneg) i gael rhagor o wybodaeth.

Hybrid a chamgymariadau eraill

Dylid llenwi B40 i B85 ar gyfer unrhyw ffurflenni a gyflwynir am y tro cyntaf o fis Ebrill 2022 ymlaen, os yw’n berthnasol. Nid oes gofyn i chi lenwi’r blychau hyn os ydych yn cyflwyno Ffurflen Dreth ddiwygiedig.

B40 Mae’r cwmni’n endid hybrid

Nodwch ‘X’ os yw’r cwmni’n endid hybrid. I gael rhagor o wybodaeth darllenwch:

B45 Roedd unrhyw drafodion gydag endidau hybrid yn yr un grŵp rheoli â’r cwmni hwn

Nodwch ‘X’ os oedd unrhyw drafodion:

  • sy’n cynnwys taliad neu led-daliad i’r cwmni gan endid hybrid yn yr un grŵp rheoli

  • o’r cwmni i endid hybrid yn yr un grŵp rheoli

Darllenwch Lawlyfr Rhyngwladol INTM550610: Hybrid: diffiniad o dermau allweddol: grwpiau rheoli a phersonau cysylltiedig (yn agor tudalen Saesneg) i gael rhagor o wybodaeth.

B50 Roedd unrhyw ddidyniad hybrid neu ddidyniadau nas caniateir/camgymariadau nad ydynt yn gynhwysol mewn cysylltiad ag offeryn ariannol.

Os bodlonir yr amodau eraill yn adran 259CA o Ddeddf Trethiant (Darpariaethau Rhyngwladol ac Eraill) 2010 hefyd, nodwch ‘X’ os bu didyniad neu gamgymhariad nad yw’n gynhwysol mewn cysylltiad ag offeryn ariannol. I gael rhagor o wybodaeth darllenwch:

B55 Roedd didyniad gormodol ar gyfer sefydliad parhaol

Os bodlonir yr amodau eraill yn adran 259FA o Ddeddf Trethiant (Darpariaethau Rhyngwladol ac Eraill) 2010 hefyd, nodwch ‘X’ os bu didyniad gormodol ar gyfer sefydliad parhaol. I gael rhagor o wybodaeth, darllenwch Lawlyfr Rhyngwladol INTM554000: Hybrid: trosglwyddiadau gan sefydliad parhaol yn y DU o gwmni rhyngwladol (yn agor tudalen Saesneg).

B60 Bu didyniad talai rhyngwladol neu gamgymhariad nad yw’n gynhwysol

Os bodlonir yr amodau eraill yn adran 259HA o Ddeddf Trethiant (Darpariaethau Rhyngwladol ac Eraill) 2010 hefyd, nodwch ‘X’ os bu didyniad talai rhyngwladol neu gamgymhariad nad yw’n gynhwysol. I gael rhagor o wybodaeth darllenwch:

B65 Bu gwrthweithio o dan Ran 6A o Ddeddf Trethiant (Darpariaethau Rhyngwladol ac Eraill) 2010 (TIOPA 2010)

Nodwch ‘X’ os bu gwrthweithio sy’n effeithio ar y swm o dreth sy’n daladwy yn y cyfnod o dan unrhyw un o benodau Rhan 6A o Ddeddf Trethiant (Darpariaethau Rhyngwladol ac Eraill) 2010.

B70 Cyfanswm gwrthweithio

Nodwch gyfanswm y gwrthweithio os ydych wedi nodi ‘X’ ym mlwch B65. Dylai’r ffigur hwn gael ei nodi yn eich cyfrifiannau.

Peidiwch â chynnwys symiau sydd ond wedi’u didynnu yn y cyfnod presennol oherwydd eu bod yn cyfateb ag Incwm Cynhwysiant Deuol.

B75 Cyfanswm didyniad adran 259LA TIOPA 2010

Nodwch y swm a ddidynnwyd oherwydd swm o incwm arferol yn codi y tu allan i’r cyfnod a ganiateir.

Dylai’r ffigur hwn gael ei nodi yn eich cyfrifiannau. I gael rhagor o wybodaeth darllenwch:

B80 Cyfanswm yr hawliad am ddyrannu gwarged incwm cynhwysiant deuol (DII) y mae’r cwmni wedi’i wneud

Nodwch swm yr hawliad dyrannol a wnaed gennych i gwmni arall sy’n rhan o’r grŵp. I gael rhagor o wybodaeth darllenwch:

B85 Cyfanswm yr hawliad o warged incwm cynhwysiant deuol (DII) y mae’r cwmni wedi’i ganiatáu

Nodwch swm yr hawliad dyrannol o gwmni arall sy’n rhan o’r grŵp yr ydych wedi cytuno iddo. Darllenwch adran 259ZMB o Ddeddf Trethiant (Darpariaethau Rhyngwladol ac Eraill) 2010 i gael rhagor o wybodaeth.

Updates to this page

Cyhoeddwyd ar 30 Medi 2022
Diweddarwyd ddiwethaf ar 2 Ionawr 2024 + show all updates

  1. Added translation

  2. Information about when to complete boxes B40 to B85 has been added to the 'Hybrid and other mismatches' section.

  3. First published.

Print this page

Cynnwys

Cynnwys cysylltiedig