Canllawiau

Cymru - Isranbarth 1

Sgrinio Daearegol Cenedlaethol - Cymru

• Gan: Nuclear Waste Services
• Cyhoeddwyd: 19 Rhagfyr 2018
• Diweddarwyd ddiwethaf: 16 Ionawr 2019 — Gweld pob diweddariad

Manylion

Wales, subregion 1

Mae ein gwaith yn dangos y gallem ddod o hyd i leoliad daearegol addas ar gyfer cyfleuster gwaredu daearegol yn y rhan fwyaf o’r isranbarth hwn.

Gan mai’r glannau sy’n ymestyn 20km o’r arfordir ydy’r rhan fwyaf o’r isranbarth hwn, nid oes modd gweld craig ar yr wyneb heblaw mewn ambell leoliad yn Nyffryn Clwyd, gan gynnwys cloddiadau o law dyn fel chwareli neu gloddiadau ffordd. Mae nifer bach o dyllau turio ac ymchwiliadau geoffisegol yn rhoi dealltwriaeth i ni o’r ddaeareg yn ddwfn o dan y ddaear.

Mae gwahanol fathau o fylchau yn ein dealltwriaeth o ddaeareg ac rydym yn mynd i’r afael â’r bylchau hyn mewn sawl ffordd.

Mae haenau o graig llawn clai o dan y rhan fwyaf o’r isranbarth y byddwn yn gallu lleoli cyfleuster gwaredu daearegol ynddynt efallai. Mae’n bosibl fod haenau o halen craig o dan hanner gogleddol yr isranbarth hefyd. Mae’n bosibl y byddwn yn gallu lleoli cyfleuster ynddynt. Byddai’n rhaid i ni wneud rhagor o waith i ganfod a oes gan y creigiau hyn y nodweddion a’r trwch addas.

Hyd yn oed pan nad yw haenau unigol o graig llawn clai yn ddigon trwchus i gynnwys cyfleuster gwaredu daearegol ynddynt, fe allant gefnogi’r gwaith o leoli cyfleuster gwaredu mewn creigiau dyfnach oherwydd fe allant rwystro llif y dŵr daear o’r dyfnderoedd. Mae hyn yn bwysig oherwydd mae llif dŵr daear yn un ffordd y gallai deunydd ymbelydrol gael ei gludo yn ôl i’r wyneb.

Does dim adnoddau glo, olew, nwy na metel yn yr isranbarth hwn sy’n golygu ei bod yn annhebygol y bydd cenedlaethau’r dyfodol yn tarfu ar gyfleuster.

Mae rhannau o’r ardal hon, oddi ar yr arfordir yng nghyffiniau Rhyl, yn [Ardaloedd Trwyddedig yr Awdurdod Glo] (http://mapapps2.bgs.ac.uk/coalauthority/home.html) sy’n caniatáu i gwmnïau chwilio am lo. Nid oes modd dweud a fydd glo yn yr ardaloedd trwyddedig hyn yn cael ei ddefnyddio er elw ai peidio. Bydd Rheoli Gwastraff Ymbelydrol (RWM) yn parhau i fonitro cynnydd y rhaglen archwilio hon.

For further information, read the report below.

Adroddiad Isranbarth 1

PDF, 1.43 MB, 11 pages

Rydym wedi cynhyrchu crynodeb o nodweddion daearegol Cymru

Bydd yr astudiaeth hon yn rhoi gwybodaeth ddefnyddiol ar gyfer ein trafodaethau ag unrhyw gymuned leol fydd yn mynegi diddordeb yn ein rhaglen GDF. Os oes gennych unrhyw gwestiwn, cysylltwch â ni drwy e-bostio [email protected] a bydd aelod o’n tîm yn cysylltu â chi.

Os hoffech dderbyn hysbysiadau e-bost am ddiweddariadau i’r tudalennau yma, ’cofrestrwch gyda’n gwasanaeth e-fwletin

Ewch i wefan gwaredu daearegol

Cyhoeddwyd ar 19 Rhagfyr 2018
Diweddarwyd ddiwethaf ar 16 Ionawr 2019 + show all updates

1. 16 Ionawr 2019

   Added translation in Welsh

2. 19 Rhagfyr 2018

   First published.