Canllawiau

Cymru - Isranbarth 6

Sgrinio Daearegol Cenedlaethol – Cymru

• Gan: Nuclear Waste Services
• Cyhoeddwyd: 19 Rhagfyr 2018
• Diweddarwyd ddiwethaf: 16 Ionawr 2019 — Gweld pob diweddariad

Manylion

Wales, subregion 6

Mae ein gwaith yn dangos y gallem ddod o hyd i leoliad daearegol addas ar gyfer cyfleuster gwaredu daearegol yn y rhan fwyaf o’r isranbarth hwn.

Gan mai’r glannau sy’n ymestyn 20km o’r arfordir ydy’r rhan fwyaf o’r isranbarth hwn, nid oes modd gweld craig ar yr wyneb ond mae nifer bach o dyllau turio ac ymchwiliadau geoffisegol yn rhoi dealltwriaeth i ni o’r ddaeareg yn ddwfn o dan y ddaear.

Mae gwahanol fathau o fylchau yn ein dealltwriaeth ao ddaeareg ac rydym yn mynd i’r afael â’r bylchau hyn.

Mae haenau o graig llawn clai o dan yr isranbarth cyfan y byddwn yn gallu lleoli cyfleuster gwaredu daearegol ynddynt efallai. Mae haenau o halen craig i’r gorllewin o Ben Llŷn hefyd. Mae’n bosibl y byddwn yn gallu lleoli cyfleuster ynddynt. Byddai’n rhaid i ni wneud rhagor o waith i ganfod a oes gan y creigiau hyn y nodweddion a’r trwch addas.

Hyd yn oed pan nad yw haenau unigol o graig llawn clai yn ddigon trwchus i gynnwys cyfleuster gwaredu daearegol ynddynt, fe allant gefnogi’r gwaith o leoli cyfleuster gwaredu mewn creigiau dyfnach oherwydd fe allant rwystro llif y dŵr daear o’r dyfnderoedd. Mae hyn yn bwysig oherwydd mae llif dŵr daear yn un ffordd y gallai deunydd ymbelydrol gael ei gludo yn ôl i’r wyneb.

Does dim adnoddau glo, olew, nwy na metel yn yr isranbarth hwn sy’n golygu ei bod yn annhebygol y bydd cenedlaethau’r dyfodol yn tarfu ar gyfleuster.

Mae gan ddwy ran o’r isranbarth, i’r gogledd ac i’r gorllewin o Dyddewi ac i’r de orllewin o Ben Llŷn, Drwyddedau Archwilio a Datblygu Petroliwm i ganiatáu i gwmnïau chwilio am olew a nwy. Mae’r gwaith archwilio hwn yn ei gamau cynnar ar hyn o bryd ac nid oes modd dweud a fydd olew neu nwy yn yr ardaloedd trwydded hyn yn cael eu defnyddio er elw ai peidio. Bydd Rheoli Gwastraff Ymbelydrol (RWM) yn parhau i fonitro cynnydd y rhaglen archwilio hon.

Adroddiad Isranbarth 6

PDF, 1.38 MB, 14 pages

Rydym wedi cynhyrchu crynodeb o nodweddion daearegol Cymru.

Bydd yr astudiaeth hon yn rhoi gwybodaeth ddefnyddiol ar gyfer ein trafodaethau ag unrhyw gymuned leol fydd yn mynegi diddordeb yn ein rhaglen GDF. Os oes gennych unrhyw gwestiwn, cysylltwch â ni drwy e-bostio [email protected] a bydd aelod o’n tîm yn cysylltu â chi. Os hoffech dderbyn hysbysiadau e-bost am ddiweddariadau i’r tudalennau yma, ’cofrestrwch gyda’n gwasanaeth e-fwletin

Ewch i wefan gwaredu daearegol

Cyhoeddwyd ar 19 Rhagfyr 2018
Diweddarwyd ddiwethaf ar 16 Ionawr 2019 + show all updates

1. 16 Ionawr 2019

   Added translation in Welsh

2. 19 Rhagfyr 2018

   First published.