Herio’ch band Treth Gyngor
Ar ol i chi wneud her
Bydd Asiantaeth y Swyddfa Brisio (VOA) yn cadarnhau eu bod wedi cael eich her. Mae hyn fel arfer o fewn ychydig ddyddiau, ond weithiau gall gymryd hyd at 28 diwrnod.
Byddant yn adolygu eich her ac yn gwneud penderfyniad. Gall hyn gymryd hyd at 4 mis.
Os oes angen rhagor o wybodaeth ar y VOA byddant yn cysylltu â chi.
Unwaith y byddant wedi gorffen yr adolygiad, byddant naill ai:
- yn newid eich band Treth Gyngor - bydd eich cyngor lleol yn diwygio’ch bil ac yn addasu’ch taliadau
- yn rhoi gwybod pam nad oes modd newid eich band
Os ydych yn anghytuno â’r penderfyniad
Gallwch apelio yn erbyn y penderfyniad mewn rhai achosion. Byddwch yn cael gwybod a allwch apelio a sut i wneud hyn pan fyddwch yn cael eich penderfyniad.
Os oes newid wedi bod sy’n effeithio ar eich eiddo
Mae gennych hawl i apelio yn erbyn penderfyniad y VOA.
Os ydych chi’n credu bod eich eiddo yn y band anghywir
Gallwch apelio yn erbyn penderfyniad y VOA dim ond os:
- rydych wedi bod yn eich eiddo ac yn talu Treth Gyngor am lai na 6 mis
- mae eich band wedi newid yn ystod y 6 mis diwethaf
Pryd fydd angen i chi apelio
Os gallwch apelio, fel arfer bydd angen i chi wneud hyn o fewn 3 mis o gael y penderfyniad.
O dan rai amgylchiadau, efallai y byddwch yn gallu cael y terfyn amser wedi’i ymestyn. Bydd angen i chi egluro pam fod angen estyniad arnoch ar y ffurflen apêl.
Sut i apelio yn erbyn penderfyniad
Yn Lloegr, gallwch apelio i’r Tribiwnlys Prisio. Mae’r Tribiwnlys Prisio yn annibynnol ar Asiantaeth y Swyddfa Brisio. Mae am ddim, ond mae’n rhaid i chi dalu’ch costau eich hun.
Os yw’r Tribiwnlys yn cytuno â chi, bydd Asiantaeth y Swyddfa Brisio yn newid eich band a bydd y cyngor yn diweddaru’ch bil.
Os ydych yng Nghymru, anfonwch ef at Tribiwnlys Prisio Cymru.
Dod o hyd i help
Mae gan y Tribiwnlys Prisio arweiniad ar y canlynol:
Gallwch hefyd gysylltu â’r tribiwnlys am help.
Tribiwnlys Prisio
Ffôn: 0300 123 2035
Dysgwch am gostau galwadau