افغانستان ماہانہ پیش رفت رپورٹ اکتوبر 2014ء
سکریٹری خارجہ فلپ ہیمنڈ نے پارلیمنٹ کو افغانستان کی صورتحال کے بارے میں تازہ ترین پیش رفت سے آگاہ کیا ہے.
سکریٹری خارجہ فلپ ہیمنڈ نے کہا ہے:
میں ایوان کو بتانا چاہتا ہوں کہ وزارت خارجہ آج ادارہ برائے بین الاقوامی ترقی اور وزارت دفاع کے اشتراک سے بیالیسویں پیش رفت رپورٹ شائع کررہا ہے جو افغانستان کی صورتحال کے بارے میں نومبر 2010 ء سے شائع ہورہی ہیں.
قندھار کے فضائی مستقر سے 27 اکتوبرکو برطانوی عملے کا آخری گروپ پروازکرگیا۔ یہ ایک روزپہلے کیمپ باسٹین کی ذمے داری رسمی طور پر افغان فوج کے حوالے کرنے کے بعدہواہے۔ خودمختارانتخابی کمیشن نے صوبائی کونسل انتخابات کے حتمی اور مصدقہ نتیجے کا 25 اکتوبر کو اعلان کردیا تھا۔ 458 اراکین ان کونسلوں کے لئے منتخب ہوئے جن میں 21 فی صد خواتین ہیں.
نئی افغان حکومت کودرپیش سنگین مالی بحران کے جواب میں برطانیہ نے پہلے سے اعلان کردہ 15.6 ملین پاؤنڈامداد کو جلد تر افغان حکومت کے حوالے کرنے پر اتفاق کر لیا۔ یہ نئی امداد نہیں۔ یہ عالمی بنک کے زیر انتظام افغانستان ری کنسٹرکشن ٹرسٹ فنڈ کے ذریعے دی جائے گی اوراس سے افغان عوام کوبنیادی سہولیات کی فراہمی جاری رکھی جائے گی۔ برطانوی اورافغان حکومت نے لندن میں افغانستان کانفرنس کے 4/3 دسمبر کو انعقاد پراتفاق کر لیا ہے۔ عالمی برادری کے لئے یہ ایک اہم موقع ہے کہ وہ افغانستان حکومت اور اس کے اصلاحات کے وژن سے تعاون جاری رکھنے کا اشارہ دے جسے باہمی جوابدہی اور امداد کے موثر ہونے کی قوت حاصل ہو.
میں یہ رپورٹ دونوں ایوانوں کی لائبریریوں کو پیش کررہا ہوں۔.
مزیدمعلومات
سکریٹری خارجہ فلپ ہیمنڈ ٹوئٹر پر@فلپ ہیمنڈ
وزارت خارجہ ٹوئٹرپر @وزارت خارجہ
وزارت خارجہ اردوٹوئٹریوکےاردو
وزارت خارجہ فیس بک