Canllawiau

Canllawiau Arolygiadau labelu cig eidion a chig llo

Bydd Arolygwyr yn cynnal ymweliadau dirybudd i sicrhau eich bod yn cydymffurfio â'r rheolau ynglŷn â labelu cig eidion yn orfodol ac yn wirfoddol.

• Gan: Rural Payments Agency
• Cyhoeddwyd: 1 Ebrill 2014
• Diweddarwyd ddiwethaf: 1 Ionawr 2021 — Gweld pob diweddariad

Yn berthnasol i Gymru a Loegr

• Guidance for Northern Ireland
• Guidance for Scotland

O leiaf unwaith y flwyddyn, bydd un arolygydd neu fwy a awdurdodir gan Defra yn ymweld â’ch safle i sicrhau eich bod yn cydymffurfio â’r Cynllun Labelu Cig Eidion Gorfodol.

Os ydych chi yn gwneud honiadau labelu sydd angen eu cymeradwyo o dan y Cynllun Labelu Cig Eidion a Gymeradwywyd byddant hefyd yn sicrhau eich bod wedi eich cofrestru ar y cynllun ac yn meddu ar y tystysgrifau cywir.

Gall yr arolygwyr fod o:

• Arolygiaeth Da Byw a Chig yr Asiantaeth Taliadau Gwledig (RPA)
• adrannau safonau masnach neu iechyd yr amgylchedd yr awdurdod lleol

Ni fyddwch yn cael gwybod am yr ymweliad ymlaen llaw.

Mae’n rhaid i chi roi cymorth rhesymol i’r arolygydd yn ogystal â mynediad i’ch cofnodion. Mae rhwystro’r arolygydd neu wrthod ei adael i mewn i’ch safle yn drosedd.

Ni ddylech roi gwybodaeth anghywir neu gamarweiniol.

Oni bai bod gennych reswm dros amau ei gywirdeb, gallwch dybio bod y wybodaeth rydych yn ei chael o dan y system labelu cig eidion pan fyddwch yn prynu cig eidion gan eich cyflenwyr yn gywir.

Labelu gorfodol: beth fydd yr arolygydd yn ei wirio

Efallai y bydd angen i’r arolygydd archwilio’r canlynol:

• carcasau
• unrhyw gig eidion ffres neu wedi’i rewi ar y safle
• labeli cig eidion
• cofnodion

Bydd angen i’r arolygydd edrych ar gofnodion i gynnal gwiriadau olrhain.

Labelu cymeradwy: beth fydd yr arolygydd yn ei wirio

Bydd yr arolygydd yn sicrhau bod gweithredwyr sy’n gwneud honiadau gwirfoddol o dan y Cynllun Labelu Cig Eidion Cymeradwy yn parhau i labelu yn unol â’r gymeradwyaeth a gawsant. Os ydych wedi cael eich cymeradwyo o dan y Cynllun Labelu Cig Eidion Cymeradwy, yna dylech allu dangos y canlynol i’r arolygydd:

• tystysgrif cydymffurfiaeth cynnyrch a gyhoeddwyd gan ddilyswr a gydnabyddir gan y llywodraeth yn dilyn arolygiad blaenorol
• eich dogfen gymeradwyaeth a gyhoeddwyd gan yr Asiantaeth Taliadau Gwledig (neu, yng Nghymru, Llywodraeth Cymru).

Cyhoeddwyd ar 1 Ebrill 2014
Diweddarwyd ddiwethaf ar 1 Ionawr 2021 + show all updates

1. 1 Ionawr 2021

   Council Regulation (EC) 1760/2000 changed to Regulation EUR 2000/1760

2. 29 Medi 2020

   Added translation

3. 9 Mehefin 2015

   Updated with more information about enforcement notices.

4. 1 Ebrill 2014

   First published.