Canllawiau

Cofrestri ar gyfer negeseuon atgoffa trwy e-bost o Dŷ’r Cwmnïau

Sut i gofrestru ar gyfer ein gwasanaeth atgoffa trwy e-bost sy'n dweud wrthych pryd y disgwylir cyfrifon a datganiadau cadarnhau eich cwmni.

• Gan: Tŷ'r Cwmnïau
• Cyhoeddwyd: 16 Gorffennaf 2020
• Diweddarwyd ddiwethaf: 9 Mehefin 2021 — Gweld pob diweddariad

Manteision o gael eich atgoffa trwy e-bost

Mae ein gwasanaeth atgoffa trwy e-bost yn dweud wrthych pryd ydym yn disgwyl eich cyfrifon a datganiadau cadarnhau eich cwmni drwy anfon e-bost atoch.

Mae’r gwasanaeth am ddim, a gallwch:

• ddewis hyd at 4 o bobl i dderbyn e-bost atgoffa (gan gynnwys asiant)
• ffeilio’ch dogfen yn syth trwy ddefnyddio dolen yn y neges e-bost
• derbyn negeseuon atgoffa yn fwy cyfleus
• osgoi cosbau ffeilio’n hwyr drwy ffeilio eich cyfrifon yn brydlon
• defnyddio llai o bapur, gan gyfrannu at achub yr amgylchedd

Nid ydym bellach yn anfon nodiadau atgoffa papur drwy’r post. Mae dadansoddiad yn dangos bod nodiadau atgoffa trwy e-bost yn fwy llwyddiannus na rhai papur.

Sut i gofrestru ar gyfer negeseuon atgoffa trwy e-bost

1. Mewngofnodi i wasanaeth ffeilio ar-lein Tŷ’r Cwmnïau.

2. Dewis ‘Actifadu e-atgoffa’ o’ch sgrin drosolwg cwmni.

3. Dewiswch ‘Ychwanegu cyfeiriad e-bost’.

4. Cofnodwch eich cyfeiriad e-bost (hyd at 4 i bob cwmni).

5. Dilynwch y ddolen yn y neges e-bost o Dŷ’r Cwmnïau i ddilysu’ch cyfeiriad e-bost.

Anfonir neges e-bost atoch pan fyddwch wedi ymuno â’r gwasanaeth e-atgoffa’n llwyddiannus.

Mae’n rhaid cofrestri i ddefnyddio ein gwasanaeth ar-lein cyn gallu derbyn negeseuon atgoffa trwy e-bost.

Cofrestru nifer o gwmnïau ar gyfer negeseuon atgoffa trwy e-bost

Gallwch gofrestru nifer o gwmnïau ar yr un pryd.

1. Paratowch daenlen wedi’i gwarchod â chyfrinair gydag isafswm o 15 o rifau cwmni a chodau dilysu cysylltiedig.

2. E-bostiwch eich taenlen at [email protected]

3. Mewn e-bost ar wahân o’r un cyfeiriad, cadarnhewch gyfrinair y daenlen a un cyfeiriad e-bost lle byddwn yn anfon y negeseuon atgoffa atoch.

Dim ond un cyfeiriad e-bost y gallwch ei neilltuo wrth gofrestru ar gyfer nifer o gwmnïau.Gallwch newid cyfeiriad e-bost, neu ychwanegu cyfeiriadau e-bost ychwanegol gan ddefnyddio ein gwasanaeth ffeilio ar-lein (uchafswm o 4 ar gyfer pob cwmni).

Cyhoeddwyd ar 16 Gorffennaf 2020
Diweddarwyd ddiwethaf ar 9 Mehefin 2021 + show all updates

1. 9 Mehefin 2021

   Added translation

2. 16 Gorffennaf 2020

   First published.