Scéim Socraíochta an AE: conas a úsáidimid do chuid faisnéise phearsanta
Bainfidh an Oifig Baile úsáid as an bhfaisnéis phearsanta a sholáthraíonn tú chun cinneadh a dhéanamh maidir le d'iarratas a dheonú.
Chomh maith le seiceáil aitheantais, is iad na 3 phríomh-bhealaí a bpróiseálfar do chuid faisnéise pearsanta ná:
- seiceálacha coiriúlachta agus slándála
- má sholáthair tú d’Uimhir Árachais Náisiúnta, seiceálacha fíor-ama leis an Roinn Oibre agus Pinsin agus le Coimisinéirí Ioncaim agus Custaim chun fianaise ar do chónaitheacht sa RA a mheas (mar shampla, taifid chánach nó sochair)
- ag brath ar an gcás, faisnéis a roinnt le heagraíochtaí eile chun fianaise a chuireann tú ar fáil laistigh d’iarratas a fhíorú chun cosaint i gcoinne calaoise agus úsáid doiciméid góchumtha (mar shampla, ag deimhniú le hollscoil go bhfuil an teastas ollscoile a thug tú dúinn fíor)
Tá an comhroinnt sonraí seo deartha chun cuidiú le hiarratasóirí a stádas a fhíorú ar bhealach tapa agus simplí trí shonraí atá faoi sheilbh cheana féin ag ranna eile an rialtais a úsáid.
Chomh maith leis, is féidir leis an Oifig Baile do chuid faisnéise a phróiseáil ag brath ar an gcás chun a chuid feidhmeanna dlíthiúla agus oifigiúla a chomhlíonadh. D’fhéadfadh an méid a leanas a bheith san áireamh chomh maith:
- má dhéanann tú iarratas ar shaoránacht sa Ríocht Aontaithe amach anseo
- má fhaighimid fianaise go bhfuil cion suntasach déanta
- má fhaighimid amach go bhfuil cion inimirce (mar shampla pósadh samhailteach) á dhéanamh
- cead a thabhairt don Oifig Baile a dualgais cosanta a chomhlíonadh
Tá sé seo leagtha amach níos mine i bhfógra faisnéise phríobháideachta leis An gCóras Teorainneacha, Inimirce agus Saoránachta (CTIS). Leagann fógra faisnéise príobháideachta CTIS amach freisin conas is féidir leat cóip de do chuid faisnéise phearsanta a iarraidh, agus conas is féidir leat gearán a dhéanamh. Ba chóir duit a bheith ar an eolas go bhfuil sé i gceist ag an bhfaisnéis atá leagtha amach sa nóta seo cur le fógra faisnéise príobháideachta CTIS, gan é a ionadú.
Updates to this page
Arna chur suas ar 11 Am Màrt 2019Nuashonrú deireanach 11 An Giblean 2019 + show all updates
-
Translated information added.
-
First published.