Canllawiau

Carchar Leeds

Mae Carchar Leeds yn garchar i ddynion sy’n oedolion yn ardal Armley yn Leeds, Gorllewin Swydd Efrog.

Gan:
HM Prison and Probation Service and Gweinyddiaeth Cyfiawnder
Cyhoeddwyd
7 Ebrill 2020
Diweddarwyd ddiwethaf
21 Mehefin 2022 — Gweld pob diweddariad

Yn berthnasol i Gymru a Loegr

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Bwcio a chynllunio eich ymweliad â Leeds

I ymweld â rhywun yn Leeds, rhaid i chi:

  • bod ar restr ymwelwyr y person hwnnw
  • bwcio eich ymweliad o leiaf 24 awr ymlaen llaw
  • bod â’r ID gofynnol gyda chi pan fyddwch yn mynd

Rhaid i o leiaf un ymwelydd fod yn 18 oed neu’n hŷn ar bob ymweliad.

Efallai y bydd cyfyngiadau ar nifer yr ymweliadau y gall carcharor eu cael. Gallwch wirio hyn gyda Charchar Leeds.

Cysylltwch â Charchar Leeds os oes gennych chi unrhyw gwestiynau am ymweld.

Help gyda chost eich ymweliad

Os ydych yn cael budd-daliadau penodol neu os oes gennych dystysgrif iechyd y GIG, efallai y gallwch gael cymorth gyda chostau eich ymweliad, gan gynnwys:

  • teithio i Leeds
  • rhywle i aros dros nos
  • prydau bwyd

Sut i drefnu ymweliadau teulu a ffrindiau

Gallwch drefnu ymweliadau ar-lein yn

Gallwch drefnu eich ymweliad dros y ffôn: 0113 203 2995.

Bydd y llinell archebu ar agor o ddydd Llun i ddydd Gwener: 8am i 10am a 12pm i 2pm

Archebion wyneb yn wyneb ar gael o ddydd Llun i ddydd Gwener: 8am i 12pm (ac eithrio dydd Iau).

E-bost (ymholiadau’n unig) [email protected].

Os ydych chi’n gyn-droseddwr ac wedi bod yn y carchar o’r blaen, rhaid i chi wneud cais ffurfiol yn ysgrifenedig i’r Adran Weithredol cyn trefnu ymweliad. Dylech gynnwys enw’r carcharor rydych chi am ymweld ag ef, eich enw, eich cyfeiriad, eich dyddiad geni a’ch rhif carcharor blaenorol (os ydych chi’n ei wybod). Soniwch hefyd am unrhyw amodau trwydded sy’n dal mewn grym. Rhaid i chi fod wedi treulio o leiaf 6 mis heb ddedfryd o garchar. Os cewch eich cymeradwyo, byddwch yn cael llythyr gan yr Adran Gweithrediadau. Dewch â’r llythyr hwnnw i bob ymweliad fel prawf eich bod wedi cael eich clirio.

Rhaid i bobl sydd ar Gyrffyw Cyfyngu i’r Cartref (HDC) neu ar drwydded hefyd ddod â chopi o’r drwydded gyda’u llythyr cymeradwyo i’r ymweliad.

Amseroedd ymweld:

Adain A i E:

  • Dydd Llun: 2pm i 3pm, 3:30pm i 4:30pm a 6pm i 7pm
  • Dydd Mawrth: 2pm i 3pm, 3:30pm i 4:30pm a 6pm i 7pm
  • Dydd Mercher: 2pm i 3pm, 3:30pm i 4:30pm a 6pm i 7pm
  • Dydd Gwener: 2pm i 3pm, 3:30pm i 4:30pm
  • Dydd Sadwrn: 9am i 10am, 10:30am i 11:30am, 2pm i 3pm a 3:30pm i 4:30pm
  • Dydd Sul: 9am i 10am, 10:30am i 11:30am, 2pm i 3pm a 3:30pm i 4:30pm

Adain F:

  • Dydd Mawrth: 2pm i 3pm.
  • Dydd Mercher: 3:30pm i 4:30pm
  • Dydd Sadwrn: 9am i 10am.
  • Dydd Sul: 3:30pm i 4:30pm

Dim ond pythefnos ymlaen llaw y gellir archebu pob ymweliad.

Sut i drefnu ymweliadau cyfreithiol a phroffesiynol

Gellir trefnu ymweliadau cyfreithiol drwy e-bostio  [email protected].

Amseroedd ymweliadau cyfreithiol

  • O ddydd Llun i ddydd Gwener: 8:30am i 4pm

Cyrraedd Carchar Leeds

Dod o hyd i Garchar Leeds ar fap

Yr orsaf drenau agosaf yw Leeds ac mae bysiau a thacsis yn rhedeg o’r fan honno. Mae’n 30 munud ar droed neu tua deg munud mewn tacsi.

I gynllunio eich taith ar drafnidiaeth gyhoeddus:

Mae llefydd parcio yn brin iawn yn y carchar ond mae digon yn yr ardal breswyl gyfagos.

Mynd i Garchar Leeds

Rhaid i bob ymwelydd, sy’n 16 oed neu’n hŷn, brofi pwy ydyw cyn mynd i’r carchar. Darllenwch y rhestr o fathau derbyniol o ID wrth ymweld â charchar.

Rhaid i bob ymwelydd brofi pwy ydyw cyn mynd i’r carchar.  Rhaid i bawb dan 18 oed ddarparu Tystysgrif Geni lawn.

Bydd angen i bob ymwelydd gael chwiliad drwy deimlo, gan gynnwys plant. Efallai y cewch eich arogli gan gŵn diogelwch hefyd.

Mae gan Carchar Leeds bolisi cod gwisg llym, sy’n golygu y dylai ymwelwyr wisgo dillad smart (dim festiau, dim topiau isel, dim trowsus byr, dim ffrogiau byr, a dim phenwisg, ar wahân i’r rheini a wisgir am resymau crefyddol). Mae rhestr lawn ar gael yng nghanolfan Jigsaw ac yn yr ardal chwilio ar gyfer ymweliadau.

Mae lluniaeth ar gael nawr drwy gydol eich ymweliad. Mae’r man chwarae i Blant ar agor ar benwythnosau ac yn ystod gwyliau’r ysgol.

Mae rheolaethau llym ar yr hyn y gallwch ddod i mewn i Garchar Leeds. Bydd yn rhaid i chi adael y rhan fwyaf o’r pethau sydd gennych gyda chi mewn locer neu gyda swyddogion diogelwch. Gall pramiau a seddi ceir fynd i mewn i’r carchar ond byddant yn cael eu harchwilio’n drylwyr.

Bydd swyddog yn dweud wrthych beth yw’r rheolau ar ddechrau eich ymweliad. Os byddwch yn torri’r rheolau, gallai eich ymweliad gael ei ganslo a gallech gael eich gwahardd rhag ymweld eto.

Cyfleusterau ymweld

Mae Jigsaw yn rhedeg y ganolfan ymwelwyr lle rydych chi’n aros i’ch ymweliad ddechrau. Mae’n cynnig cymorth, cyngor, sicrwydd a gwybodaeth.

Mae lluniaeth ar gael nawr drwy gydol eich ymweliad. Mae man chwarae’r plant ar agor yn ystod gwyliau’r ysgol ac ar benwythnosau. Caniateir uchafswm o £30 y pen ar eich ymweliad ar ffurf papurau £5, £10, a £20 neu newid mân mewn bag arian tryloyw sydd ar gael gan fanciau.

Pan fydd eich sesiwn ymweld yn dechrau, byddwch yn mynd i’r neuadd ymweld. Mae gan hon 20 sedd ar gyfer ymweliadau agored gyda 3 bwth cyfagos ar gyfer ymweliadau caeedig.

Ffôn (canolfan ymwelwyr): 0113 203 2771.

Diwrnodau teulu

Cynhelir ymweliadau teulu ar fore Gwener bob yn ail wythnos.

Cadw mewn cysylltiad â rhywun yng Ngharchar Leeds

Mae sawl ffordd y gallwch gadw mewn cysylltiad â rhywun yn ystod eu hamser yng Ngharchar Leeds.

Galwadau fideo diogel

I gael galwad fideo ddiogel gyda rhywun yn y carchar hwn, mae angen i chi wneud y canlynol:

  • Lawrlwytho ap Prison Video
  • Creu cyfrif
  • Cofrestru pob ymwelydd
  • Ychwanegu’r carcharor at eich rhestr cysylltiadau.

Sut i drefnu galwad fideo ddiogel

Dim ond carcharorion all wneud cais am alwadau fideo diogel yn y carchar hwn.

Byddwch yn cael hysbysiad os bydd carcharor wedi gofyn am alwad fideo gyda chi.

Rhagor o wybodaeth am sut mae’n gweithio

Galwadau ffôn

Mae gan garcharorion (ac eithrio’r rheini sydd ar drefn gyfyngedig neu sydd ar wahân) ffonau yn eu celloedd. Gallant ond wneud galwadau allan, felly bydd yn rhaid iddynt eich ffonio chi bob amser. Rhaid iddynt brynu credydau ffôn i wneud hyn a gallant ffonio rhwng 7am a 10pm.

Gallant ffonio unrhyw un a enwir ar eu rhestr o ffrindiau a theulu. Caiff y rhestr hon ei gwirio gan y staff diogelwch pan fyddant yn cyrraedd am y tro cyntaf, felly gall gymryd ychydig ddyddiau cyn y gallant ffonio.

Gall carcharorion hefyd ddefnyddio’r ffonau ar eu huned.

Yn dibynnu ar eu gweithgarwch dyddiol, gallant alw rhwng:

  • 8:15am i 8:45pm
  • 10:30am i 11:30am
  • 3:15pm i 4:30pm
  • 6pm i 7pm.

Gallwch hefyd gyfnewid negeseuon llais gan ddefnyddio gwasanaeth negeseuon llais y carchar.

Gall swyddogion wrando ar alwadau ffôn fel ffordd o atal troseddu a helpu i gadw pobl yn ddiogel.

E-bost

Gallwch anfon negeseuon e-bost at rywun yng Ngharchar Leeds drwy ddefnyddio’r gwasanaeth E-bostio Carcharor.

Efallai y byddwch hefyd yn gallu atodi lluniau a derbyn ymatebion, yn dibynnu ar y rheolau yng Ngharchar Leeds.

Llythyrau

Gallwch ysgrifennu ar unrhyw adeg.

Dylech gynnwys enw a rhif y carcharor ar yr amlen.

Os nad ydych chi’n gwybod eu rhif carcharor, cysylltwch â Charchar Leeds

Bydd pob llythyr yn y post, ar wahân i lythyrau cyfreithiol, yn cael eu hagor a’i gwirio gan swyddogion.

Anfon arian a rhoddion

Gallwch ddefnyddio’r gwasanaeth ar-lein cyflym ac am ddim i anfon arian at rywun yn y carchar.

Ni allwch bellach anfon arian drwy drosglwyddiad banc, siec, archeb bost nac anfon arian parod drwy’r post.

Os na allwch ddefnyddio’r gwasanaeth ar-lein, efallai y gallwch wneud cais am eithriad - er enghraifft:

  • os nad ydych yn gallu defnyddio cyfrifiadur, ffôn clyfar na’r rhyngrwyd
  • os nad oes gennych chi gerdyn debyd

Bydd hyn yn caniatáu i chi anfon arian drwy’r post.

Rhoddion a pharseli

Mae carcharorion yng Ngharchar Leeds yn cael rhestr o eitemau cymeradwy y gellir eu hanfon atynt fel anrhegion. Cysylltwch â Charchar Leeds i gael rhagor o wybodaeth am yr hyn sy’n cael ei ganiatáu.

Dim ond os yw’r carcharor wedi gwneud cais am ganiatâd ac wedi cael caniatâd y gallwch ddod ag eitemau i mewn. Rhaid iddynt hefyd fod wedi manylu ar yr eitemau.

Dim ond yn bersonol y gellir eu cyflwyno a’u derbyn ar yr adegau hyn:

  • Dydd Llun: 9am i 11:30am a 2pm i 6pm
  • Dydd Mawrth: 9am i 11:30am a 2pm i 3:30pm
  • Dydd Mercher: 9am i 11:30am a 2pm i 3:30pm
  • Dydd Iau i ddydd Sul - ar gau

Caniateir i ffrindiau a theuluoedd carcharorion anfon llyfrau’n uniongyrchol at eu hanwyliaid, neu gallant archebu llyfrau gan fanwerthwyr cymeradwy, sy’n gallu dod o hyd i’r llyfrau a’u hanfon ymlaen at garcharorion.   I weld y rhestr lawn o fanwerthwyr cymeradwy, gallwch ddarllen Polisi Cymhellion Gwasanaeth Carchardai a Phrawf EF, Atodiad F.

Cofiwch gynnwys enw a rhif y carcharor ar y parsel.

Bydd pob parsel yn cael ei agor a’i wirio gan swyddogion.

Bywyd yng Ngharchar Leeds

Mae Carchar Leeds wedi ymrwymo i ddarparu amgylchedd diogel ac addysgol lle gall carcharorion ddysgu sgiliau newydd i’w helpu ar ôl cael eu rhyddhau.

Diogelwch a diogelu

Mae gan bob person yng Ngharchar Leeds hawl i deimlo’n ddiogel. Mae’r staff yn gyfrifol am eu diogelwch a’u lles bob amser.

I gael rhagor o wybodaeth am beth i’w wneud pan fyddwch chi’n poeni neu’n pryderu am rywun yn y carchar, ewch i wefan llinell gymorth Teuluoedd Carcharorion.

Cyrraedd a’r noson gyntaf

Pan fydd rhywun yn cyrraedd Carchar Leeds am y tro cyntaf, bydd ef (neu aelod o staff) yn cysylltu â’i deulu dros y ffôn. Gallai hyn fod yn eithaf hwyr gyda’r nos, yn dibynnu ar yr amser maen nhw’n cyrraedd.

Mae pob carcharor yn cael ei chwilio, yna’n cael ei ID, diod boeth, cawod, dillad a phryd poeth.

Byddan nhw’n cael siarad â rhywun a fydd yn gweld sut maen nhw’n teimlo ac yn gofyn am unrhyw anghenion iechyd a llesiant sydd ganddyn nhw bryd hynny.

Cynefino

Bydd pawb sy’n cyrraedd Carchar Leeds yn cael sesiwn gynefino sy’n para tua wythnos. Byddant yn cwrdd â gweithwyr proffesiynol a fydd yn eu helpu gyda’r canlynol:

  • iechyd a lles, gan gynnwys iechyd meddwl a rhywiol
  • unrhyw broblemau camddefnyddio sylweddau, gan gynnwys cyffuriau ac alcohol
  • datblygiad personol yn y ddalfa ac ar ôl rhyddhau, gan gynnwys sgiliau, addysg a hyfforddiant
  • mathau eraill o gymorth (a elwir weithiau’n ‘ymyriadau’), fel rheoli emosiynau anodd

Mae pawb yn cael gwybod am y rheolau, ffreutur, diogelwch tân, a sut mae pethau fel galwadau ac ymweliadau yn gweithio.

Llety

Mae gan Carchar Leeds bron i 700 o gelloedd, ar draws 6 adain (A i F) sy’n gartref i dros 1,100 o garcharorion. Mae yna gymysgedd o gelloedd sengl a rhai a rennir. Mae gan bob adain iardiau ymarfer corff ac offer campfa.

Mae yna adenydd preswyl, canolfan noson gyntaf, adain byw di-sylwedd dan gymhelliant (ISFL), Uned Cyfadeilad ar gyfer y rhai sydd angen cymorth ychwanegol ac adain benodol ar gyfer carcharorion agored i niwed.

Addysg a gwaith

Ym mhob cyfnod o 6 wythnos, mae’r adran dysgu a sgiliau yn cynnig dros 6000 o sesiynau dosbarth, mewn amrywiaeth o bynciau, yn amrywio o fusnes a hunangyflogaeth i lythrennedd a rhifedd.

Mae Carchar Leeds yn canolbwyntio ar gynllunio ar gyfer pob unigolyn, felly mae pob carcharor yn cael prawf sgrinio sgiliau sylfaenol pan fyddant yn cyrraedd. Mae hyn yn sicrhau bod pob carcharor yn cael yr addysg sylfaenol sydd ei hangen arnynt mewn Saesneg a mathemateg cyn iddynt ddechrau gweithio. Yna gellir cyfateb hyn i gynllun gyrfa realistig fel y gallant fynd ymlaen i ennill y sgiliau a’r cymwysterau sydd eu hangen ar gyfer gwaith pan fyddant yn gadael.

Mae Carchar Leeds hefyd yn gweithio mewn partneriaeth â Bounceback sy’n cynnig cymwysterau City and Guilds mewn peintio ac addurno, gwaith coed ac aml-sgiliau.

Mae St Giles yn cefnogi carcharorion i gael gwaith ar ôl cael eu rhyddhau.

Mae’r Uned Rheoli Troseddwyr (OMU) yn gweithio gyda’r carcharorion a gwasanaethau gwirfoddol a chymunedol i helpu i adsefydlu.

Mae’r rhaglen ‘Fathers Inside’ yn helpu tadau i ddatblygu a chynnal perthynas dda gyda’u plant.

Mae’r System Asesu Troseddwyr (OASys) yn helpu carcharorion i newid ymddygiad gwrthgymdeithasol er mwyn lleihau’r risg o niwed ac aildroseddu.

Rhyddhau dros dro

Mae carcharorion yng nghategori D yn cael eu hasesu bob wythnos i gael eu hystyried ar gyfer eu rhyddhau ar drwydded dros dro (ROTL). Os ydynt yn bodloni’r meini prawf, maent yn mynd at y bwrdd i gael eu hystyried, ac yna rhoddir blaenoriaeth i’r rhan fwyaf ohonynt ar gyfer eu trosglwyddo i garchar agored.

Sefydliadau y mae Carchar Leeds yn gweithio gyda nhw

Mae’r Uned Rheoli Troseddwyr (OMU) yn gweithio gyda’r carcharorion a gwasanaethau gwirfoddol a chymunedol i helpu i adsefydlu.

Mae’n gweithio gyda:

  • Shelter i gael rhywle sefydlog i garcharorion fyw ynddo.
  • Ymddiriedolaeth Iechyd Cymuned Leeds ar gyfer mynediad at ofal iechyd meddwl a chorfforol a gwasanaethau camddefnyddio sylweddau a dibyniaeth
  • Cyngor ar Bopeth a’r Adran Gwaith a Phensiynau (DWP) i helpu carcharorion i gadw trefn ar gyllid a dyledion.
  • Jigsawcharity sy’n rhedeg y ganolfan ymwelwyr.
  • Y Mudiad Caplaniaeth Gymunedol
  • Nacro sy’n helpu i gartrefu, addysgu, cefnogi a chynghori pobl mewn angen.

Cefnogaeth i deulu a ffrindiau

Cael gwybod am gyngor a llinellau cymorth ar gyfer teulu a ffrindiau.

Cefnogaeth yng Ngharchar Leeds

Mae’r Ymddiriedolaeth Cyngor a Gofal Carchardai yn cynnig cymorth i deuluoedd a phartneriaid tra bo eu hanwyliaid yn y carchar.

I gysylltu â gwasanaethau teulu, anfonwch e-bost at: [email protected]

I gysylltu â’n Harweinydd Gwasanaethau Teulu yng Ngharchar Leeds, anfonwch e-bost at [email protected].

Problemau a chwynion

Os oes gennych chi broblem, anfonwch e-bost at:  [email protected]

Mae Gwasanaeth Carchardai a Phrawf EF yn cyhoeddi cynlluniau gweithredu ar gyfer Carchar Leeds mewn ymateb i arolygiadau annibynnol.

Cysylltu â Charchar Leeds

Llywodraethwr: Rebecca Newby

Ffôn: 0113 203 2600
dydd Llun i ddydd Gwener: 7am i 10pm
Penwythnosau: 7am i 5pm
Y tu allan i’r oriau hyn, caiff galwadau eu dargyfeirio i’r ystafell gyfathrebu.

Ffacs: 0113 203 2601
Gwybodaeth am gost galwadau

E-bost: [email protected]

Dilyn Carchar Leeds ar Twitter/X

Cyfeiriad

HMP Leeds
2 Gloucester Terrace
Stanningley Road
Leeds
West Yorkshire
LS12 2TJ

Gweler y map

Llinell gymorth dalfa mwy diogel

Os oes gennych bryderon am ddiogelwch neu les carcharor yng Ngharchar Leeds, ffoniwch y llinell gymorth dalfa mwy diogel. Gadewch eich enw, eich rhif ffôn, enw’r carcharor a rhif y carcharor, a disgrifiad byr o’r broblem. Bydd rhywun yn eich ffonio’n ôl o fewn 24 awr.

Ffôn: 0113 203 2629
Mewn argyfwng, ffoniwch y prif switsfwrdd ar 0113 203 2600.

Helpwch ni i wella’r dudalen hon. Rhowch eich adborth i ni yn yr arolwg 2 funud hwn.

Updates to this page

Cyhoeddwyd ar 7 Ebrill 2020
Diweddarwyd ddiwethaf ar 21 Mehefin 2022 + show all updates

  1. Updated Governor

  2. Updated visiting guidance based on 1 April COVID rule changes

  3. Added link to new safer custody information under Security and safeguarding.

  4. Updated visiting information: Testing for visitors aged 12 and over.

  5. Added link to information about testing for physical contact at visits.

  6. New visiting times and booking information added.

  7. Prison moved into National Stage 3 framework and is now preparing to open visits for family, friends and significant others. We will update this page with specific visiting information as soon as possible.

  8. visit info

  9. Updated visiting information in line with new local restriction tiers.

  10. Updated visiting information in line with new local restriction tiers.

  11. Updated visiting information in line with coronavirus restrictions. 

  12. Updated visiting information in line with coronavirus restrictions.

  13. Added confirmation of secure video calls being made available at this prison.

  14. update to survey link

  15. added survey link

  16. First published.

Print this page

Cynnwys

Cynnwys cysylltiedig